ಈ ದಿನಾಂಕದಂದು ‘ಆರ್ಆರ್ಆರ್’ ಚಿತ್ರವನ್ನು ಬಿಡುಗಡೆ ಮಾಡುವುದಾಗಿ ರಾಜಮೌಳಿ ಘೋಷಿಸಿದ್ದರು. ಆದರೆ, ಹಾಡುಗಳ ಚಿತ್ರೀಕರಣ ಬಾಕಿ ಇರುವುದರಿಂದ ಘೋಷಿಸಿದ ದಿನದಂದೇ ಬಿಡುಗಡೆಯಾಗುತ್ತದಾ? ಎಂಬ ಪ್ರಶ್ನೆ ಎಲ್ಲರಲ್ಲೂ ಇದೆ. ಮೂಲಗಳ ಪ್ರಕಾರ, ಚಿತ್ರದ ಬಹುತೇಕ ಕೆಲಸಗಳು ಮುಗಿದಿದ್ದು, ಎರಡು ಹಾಡುಗಳನ್ನು ಜೋಡಿಸಿದರೆ ಚಿತ್ರದ ಕೆಲಸಗಳು ಸಂಪೂರ್ಣವಾಗುತ್ತದಂತೆ. ಮೇಲಾಗಿ, ಚಿತ್ರಮಂದಿರಗಳು ಪ್ರಾರಂಭವಾದರೆ, ಜನರನ್ನು ಚಿತ್ರಮಂದಿರಗಳತ್ತ ಕರೆತರುವುದಕ್ಕೆ ‘ಆರ್ಆರ್ಆರ್’ನಂತಹ ಒಂದು ದೊಡ್ಡ ಚಿತ್ರ ಬೇಕು ಎಂದು ವಿತರಕರು ಮತ್ತು ಪ್ರದರ್ಶಕರು ರಾಜಮೌಳಿ ಹಿಂದೆ ಬಿದ್ದಿರುವುದರಿಂದ, ಅದೇ ದಿನದಂದು ಬಿಡುಗಡೆ ಮಾಡುವುದಕ್ಕೆ ರಾಜಮೌಳಿ ನಿರ್ಧರಿಸಿದ್ದಾರಂತೆ.
