"ಇವತ್ತು ನನಗೆ, ನಾಳೆ ನಿಮಗೆ"!
ಕೇವಲ ಸೃಷ್ಟಿಕರ್ತರಷ್ಟೇ ಅಲ್ಲದೆ, ಇಂತಹ ವೀಡಿಯೊಗಳನ್ನು ನೋಡಿ ಲೈಕ್, ಶೇರ್ ಮಾಡುವ ಸಾಮಾನ್ಯ ಬಳಕೆದಾರರಿಗೂ ಜೂನಿಯರ್ ಎನ್‌ಟಿಆರ್ ಮನವಿ ಮಾಡಿಕೊಂಡಿದ್ದಾರೆ. ಸಮಾಜದಲ್ಲಿ ಇಂತಹ ಕೆಟ್ಟ ಸಂಸ್ಕೃತಿ ಬೆಳೆಯಲು ಬಿಡಬೇಡಿ ಎಂದು ಕೈಮುಗಿದು ಬೇಡಿಕೊಂಡಿದ್ದಾರೆ.
"ದಯವಿಟ್ಟು ಯಾರೂ ಈ ವಿಡಿಯೋವನ್ನು ವೀಕ್ಷಿಸಬೇಡಿ, ಶೇರ್ ಮಾಡಬೇಡಿ. ಇಂದು ಇದು ಸೆಲೆಬ್ರಿಟಿಗಳಿಗೆ ಆಗಿದೆ. ನಾಳೆ ಇದು ನಿಮ್ಮ ತಾಯಿ, ಸಹೋದರಿ, ಪತ್ನಿ ಅಥವಾ ಮಗಳಿಗೂ ಸಂಭವಿಸಬಹುದು. ಇದಕ್ಕೆ ಕಡಿವಾಣ ಹಾಕುವುದು ನಮ್ಮೆಲ್ಲರ ಜವಾಬ್ದಾರಿ," ಎಂದು ಅವರು ಜಾಗೃತಿ ಮೂಡಿಸಿದ್ದಾರೆ.
ಸರ್ಕಾರಕ್ಕೆ ಮನವಿ
ದಿನದಿಂದ ದಿನಕ್ಕೆ ಹೆಚ್ಚುತ್ತಿರುವ AI ದುರುಪಯೋಗ ಮತ್ತು ಡೀಪ್‌ಫೇಕ್ ಹಾವಳಿಯನ್ನು ತಡೆಯಲು ಕೇಂದ್ರ ಮತ್ತು ರಾಜ್ಯ ಸರ್ಕಾರಗಳು ಕಠಿಣ ಕಾನೂನುಗಳನ್ನು ಜಾರಿಗೆ ತರಬೇಕು ಎಂದು ಜೂನಿಯರ್ ಎನ್‌ಟಿಆರ್ ಒತ್ತಾಯಿಸಿದ್ದಾರೆ. ಆನ್‌ಲೈನ್ ವೇದಿಕೆಗಳಲ್ಲಿ ಸೆಲೆಬ್ರಿಟಿಗಳಷ್ಟೇ ಅಲ್ಲದೆ ಸಾಮಾನ್ಯರ ಹೆಣ್ಣುಮಕ್ಕಳ ವೈಯಕ್ತಿಕ ಸ್ವಾತಂತ್ರ್ಯಕ್ಕೂ ಕುತ್ತು ತರುತ್ತಿರುವ ಈ ಪಿಡುಗಿನ ವಿರುದ್ಧ ಕಠಿಣ ಸುರಕ್ಷತಾ ಕ್ರಮಗಳು ತಕ್ಷಣವೇ ಜಾರಿಯಾಗಬೇಕಿದೆ ಎಂದು ಆಗ್ರಹಿಸಿದ್ದಾರೆ, (ಏಜೆನ್ಸೀಸ್).
