1970ರಲ್ಲಿ ಬಿಡುಗಡೆಯಾದ ‘ರಂಗಮಹಲ್ ರಹಸ್ಯ’ ಚಿತ್ರದ ಮೂಲಕ ಸ್ವತಂತ್ರ ನಿರ್ದೇಶಕರಾದ ಅವರು, ಡಾ. ರಾಜಕುಮಾರ್ ಅಭಿನಯದ ‘ಗಂಧದ ಗುಡಿ’ ಚಿತ್ರ ನಿರ್ದೇಶಿಸಿದರು. ಈ ಚಿತ್ರ ಹಿಟ್ ಆಗುತ್ತಿದ್ದಂತೆಯೇ. ಮುಂದಿನ ವರ್ಷಗಳಲ್ಲಿ ‘ಮಯೂರ’, ‘ಶ್ರೀ ಶ್ರೀನಿವಾಸ ಕಲ್ಯಾಣ’, ‘ನಾ ನಿನ್ನ ಮರೆಯಲಾರೆ’, ‘ಸನಾದಿ ಅಪ್ಪಣ್ಣ’, ‘ಹುಲಿಯ ಹಾಲಿನ ಮೇವು’, ‘ಭಕ್ತ ಪ್ರಹ್ಲಾದ’, ‘ನೀ ನನ್ನ ಗೆಲ್ಲಲಾರೆ’, ‘ದೇವ’, ‘ಮೋಜುಗಾರ ಸೊಗಸುಗಾರ’, ‘ನಾ ನಿನ್ನ ಬಿಡಲಾರೆ’, ‘ಆಟೋ ರಾಜ’, ‘ಶಿವ ಮೆಚ್ಚಿದ ಕಣ್ಣಪ್ಪ’ ಸೇರಿದಂತೆ ಕನ್ನಡದಲ್ಲಿ 40 ಚಿತ್ರಗಳನ್ನು ಅವರು ನಿರ್ದೇಶಿಸಿದ್ದಾರೆ. ವಿಷ್ಣುವರ್ಧನ್ ಅಭಿನಯದ ‘ಕರ್ನಾಟಕ ಸುಪುತ್ರ’ ಚಿತ್ರವು ವಿಜಯ್ ನಿರ್ದೇಶನದ ಕೊನೆಯ ಚಿತ್ರವಾಗಿತ್ತು.
