‘ಮುತ್ತಿನ ಹಾರ’ ಆ ಕಾಲಕ್ಕೆ ಸಾಮಾನ್ಯ ಚಿತ್ರವಾಗಿರಲಿಲ್ಲ. ಬಜೆಟ್ ದೊಡ್ಡದು ಎನ್ನುವುದರ ಜತೆಗೆ, ಕಾಶ್ಮೀರ ಮತ್ತು ರಾಜಸ್ತಾನದಲ್ಲಿ ಚಿತ್ರೀಕರಣ ಮಾಡಬೇಕಿತ್ತು. ಒಂದು ಕಡೆ ಘೋರ ಚಳಿ, ಇನ್ನೊಂದು ಕಡೆ ರಣಬಿಸಿಲು. ಆರ್ವಿು ಕಾಸ್ಟ್ಯೂಮ್ಳನ್ನು ಹಾಕಿಕೊಂಡು, ಅಷ್ಟೊಂದು ರಿಸ್ಕ್ಗಳ ಮಧ್ಯೆ ಶೂಟ್ ಮಾಡಿದ್ದು ... ಬಹುಶಃ ಬೇರೆ ಕಲಾವಿದರ ಇಂಥದ್ದಕ್ಕೆಲ್ಲ ಒಪು್ಪತ್ತಿದ್ದರೋ, ಇಲ್ಲವೋ ಗೊತ್ತಿಲ್ಲ. ಅದರಲ್ಲೂ ವಿಷ್ಣು ಏರೋಪ್ಲೇನ್ನಿಂದ ಬಿದ್ದು, ಆ ನೋವು ಅವರಿಗೆ ಕೊನೆಯವರೆಗೂ ಇತ್ತು. ಆದರೆ, ವಿಷ್ಣು ಒಂದು ದಿನಕ್ಕೂ ಬೇಸರ ಮಾಡಿಕೊಳ್ಳದೆ, ಸಂತೋಷದಿಂದ ಚಿತ್ರೀಕರಣದಲ್ಲಿ ಭಾಗವಹಿಸಿದರು. ಈ ಚಿತ್ರಕ್ಕೆ ಡೇಟ್ ಜಾಸ್ತಿ ಬೇಕು ಎಂದು ಮೊದಲೇ ವಿಷ್ಣುಗೆ ಹೇಳಿದ್ದೆ. ಎರಡು ಚಿತ್ರಗಳ ಸಂಭಾವನೆ ಕೊಟ್ಟುಬಿಡು ಎಂದು ವಿಷ್ಣು ತಮಾಷೆ ಮಾಡುತ್ತಿದ್ದರು. ಆಗಿನ ಕಾಲಕ್ಕೆ ‘ಮುತ್ತಿನ ಹಾರ’, ದುಬಾರಿ ಬಜೆಟ್ನ ಚಿತ್ರವಾಗಿತ್ತು. 100 ದಿನಗಳವರೆಗೂ ಆ ಚಿತ್ರಕ್ಕೆ ಚಿತ್ರೀಕರಣ ಮಾಡಲಾಗಿತ್ತು. ವಿಷ್ಣು ಅವರ ಮೇಕಪ್ ಮಾಡುವುದಕ್ಕೆ ದಿಲೀಪ್ ಕುಮಾರ್ ಅವರ ಮೇಕಪ್ವ್ಯಾನ್ ಆಗಿದ್ದ ಪಾಂಡೆ ಬಂದಿದ್ದರು.
