ಚಿತ್ರಮಂದಿರಗಳಲ್ಲಿ ಬಿಡುಗಡೆ ಆಗಲಿದೆ ಸುಶಾಂತ್​ ‘ದಿಲ್ ಬೇಚಾರಾ’

ಮುಂಬೈ: ಸುಶಾಂತ್​ ಸಿಂಗ್​ ರಜಪೂತ್​ ನಟನೆಯ ಕೊನೇ ಸಿನಿಮಾ ದಿಲ್​ ಬೇಚಾರ ಓಟಿಟಿ ವೇದಿಕೆಯಲ್ಲಿ ಬಿಡುಗಡೆಯಾಗಿ ದೊಡ್ಡ ಮಟ್ಟದ ದಾಖಲೆ ಬರೆದಿರುವುದು ಗೊತ್ತಿರುವ ವಿಚಾರ. ಇದೀಗ ಇದೇ ಸಿನಿಮಾ ಚಿತ್ರಮಂದಿರಲ್ಲಿ ಬಿಡುಗಡೆ ಮಾಡಲು ಚಿತ್ರತಂಡ ಸಿದ್ಧತೆ ಮಾಡಿಕೊಂಡಿದೆ.

ಇದನ್ನೂ ಓದಿ: ರಿಯಾ ಚಕ್ರವರ್ತಿ ಕುರಿತು ಬಯೋಪಿಕ್?

ಹಾಗೆಂದ ಮಾತ್ರಕ್ಕೆ ಈ ಸಿನಿಮಾ ಭಾರತದಲ್ಲಿ ತೆರೆಕಾಣುತ್ತಿಲ್ಲ. ಬದಲಿಗೆ ದೂರದ ಆಸ್ಟ್ರೇಲಿಯಾದಲ್ಲಿನ ಚಿತ್ರಮಂದಿರಗಳಲ್ಲಿ ಮುಖೇಶ್​ ಛಾಬ್ರಾ ನಿರ್ದೇಶನದ ದಿಲ್​ ಬೇಚಾರ ಸಿನಿಮಾ ಬಿಡುಗಡೆಯಾಗಲಿದೆ. ದಿನಾಂಕ ಸಹ ಹೊರಬಿದ್ದಿದ್ದು, ಅಕ್ಟೋಬರ್​ 15ಕ್ಕೆ ಈ ಸಿನಿಮಾ ಅಲ್ಲಿನ ಥಿಯೇಟರ್​ಗಳಲ್ಲಿ ರಿಲೀಸ್​ ಆಗಲಿದೆ.

ಕೇವಲ ದಿಲ್​ ಬೇಚಾರ ಸಿನಿಮಾ ಮಾತ್ರವಲ್ಲ. ಇದರ ಜತೆಗೆ ಲೂಟ್​ಕೇಸ್​, ಸಡಕ್​ 2 ಸಿನಿಮಾಗಳೂ ಆಸ್ಟ್ರೇಲಿಯನ್​ ಚಿತ್ರಮಂದಿರಗಳಲ್ಲಿ ಬಿಡುಗಡೆಗಡೆ ಆಗಲಿವೆ.

ಇದನ್ನೂ ಓದಿ: ನಟಿಯರ ಬಳಿಕ ಇದೀಗ ಬಾಲಿವುಡ್​ನ ಹೀರೋಗಳಿಗೆ ಎನ್​ಸಿಬಿ ಸಮನ್ಸ್

ಕರೊನಾ ಹಿನ್ನೆಲೆಯಲ್ಲಿ ಸ್ಥಗಿತಗೊಂಡಿದ್ದ ಚಿತ್ರಮಂದಿರಗಳನ್ನು ಈಗೀಗ ತೆರೆಯಲಾಗುತ್ತಿದ್ದು, ಮುನ್ನೆಚ್ಚರಿಕಾ ಕ್ರಮಗಳ ನಡುವೆಯೇ ಸಿನಿಮಾ ಪ್ರದರ್ಶನಕ್ಕೂ ಅನುಮತಿ ನೀಡಲಾಗಿದೆ. (ಏಜೆನ್ಸೀಸ್​)

https://www.vijayavani.net/sonu-sood-conferred-the-special-humanitarian-action-award/