ನಿಲ್ಲದ ಧುರಂಧರ್ ಓಟ...ರಣವೀರ್ ಸಿಂಗ್ ಅಬ್ಬರಕ್ಕೆ ಹಿಂದಿ ಪುಷ್ಪ-2 ದಾಖಲೆ ಉಡೀಸ್​! Dhurandhar

ಕುತೂಹಲಕಾರಿ ವಿಷಯವೇನೆಂದರೆ, ಕಳೆದ ವರ್ಷ ಡಿಸೆಂಬರ್‌ನಲ್ಲಿ ಅಲ್ಲು ಅರ್ಜುನ್​ ಅವರ ಹಿಂದಿ ಪುಷ್ಪ- 2 ಮೂರನೇ ವಾರದಲ್ಲಿ 103 ಕೋಟಿ ಗಳಿಸಿದ್ದರೆ, ಧುರಂಧರ್ ಕೇವಲ 4 ದಿನಗಳಲ್ಲೇ 111.75 ಕೋಟಿ ತಲುಪಿ ಎಲ್ಲರನ್ನು ಅಚ್ಚರಿಗೊಳಿಸಿದೆ.

ವ್ಯಾಪಾರ ವೆಬ್‌ಸೈಟ್ ಸ್ಯಾಕ್ನಿಲ್ಕ್ ಪ್ರಕಾರ, ಆಕ್ಷನ್-ಥ್ರಿಲ್ಲರ್ ಚಿತ್ರವು ಹೆಚ್ಚಿನ ಪ್ರೇಕ್ಷಕರನ್ನು ಆಕರ್ಷಿಸಿದ್ದು, ಮಂಗಳವಾರದ ಸರಾಸರಿ ಶೇ. 30.70 ರಷ್ಟಿದೆ. ಗಮನಾರ್ಹವಾಗಿ, ಬೆಳಗಿನ ಪ್ರದರ್ಶನಗಳು ಶೇ. 18.59 ರಷ್ಟು ಪ್ರೇಕ್ಷಕರನ್ನು ನೋಡಿದ್ದರೆ, ರಾತ್ರಿಯ ವೇಳೆಗೆ ಶೇ. 35.88 ಕ್ಕೆ ಏರಿಕೆ ಕಂಡಿದೆ. ಇದು ಪ್ರಮುಖ ನಗರ ಕೇಂದ್ರಗಳಲ್ಲಿ ಸ್ಥಿರವಾದ ಪ್ರೇಕ್ಷಕರ ಆಸಕ್ತಿಯನ್ನು ಪ್ರತಿಬಿಂಬಿಸುತ್ತದೆ.

ಮೊದಲ ವಾರದಲ್ಲಿ ಧುರಂಧರ್ 207.25 ಕೋಟಿ ರೂ. ನಿವ್ವಳ ಗಳಿಸಿದ್ದು, ಎರಡನೇ ವಾರದಲ್ಲಿ 253.25 ಕೋಟಿ ರೂ. ನಿವ್ವಳ ಗಳಿಸುವ ಮೂಲಕ ತನ್ನ ಬಲವಾದ ಪ್ರದರ್ಶನವನ್ನು ಮುಂದುವರೆಸಿದೆ. ಇದು ಸೋಮವಾರ  16.5 ಕೋಟಿ ರೂ.ಗೆ ಕುಸಿದಿದ್ದರೂ, ಮಂಗಳವಾರ ಚಿತ್ರವು ಚೇತರಿಸಿಕೊಂಡಿದೆ. 

ಧುರಂಧರ್​ ಹಿಂದಿನ ವಾರಾಂತ್ಯದಲ್ಲಿ ಉತ್ತಮ ಪ್ರದರ್ಶನವನ್ನು ನೀಡಿದೆ. ಶುಕ್ರವಾರ 22.5 ಕೋಟಿ, ಶನಿವಾರ ರೂ 34.25 ಕೋಟಿ ಮತ್ತು ಭಾನುವಾರ ರೂ 38.5 ಕೋಟಿ ನಿವ್ವಳ ಗಳಿಸಿದೆ.

ಈಗಾಗಲೇ ಭಾರತದಲ್ಲಿ 589.50 ಕೋಟಿ ರೂ. ದಾಟಿರುವ ಧುರಂಧರ್, ಕ್ರಿಸ್ಮಸ್ ಹಬ್ಬದೊಂದಿಗೆ 600 ಕೋಟಿ ಕ್ಲಬ್‌ಗೆ ಸೇರಲು ಸಿದ್ಧವಾಗಿದೆ. ವಿಶ್ವದಾದ್ಯಂತ ಗ್ರಾಸ್ ಸಂಗ್ರಹ 900 ಕೋಟಿ ದಾಟಿ 1000 ಕೋಟಿ ಕ್ಲಬ್‌ಗೆ ಕಣ್ಣಿಟ್ಟಿದೆ.

ಈ ಯಶಸ್ವೀ ಚಿತ್ರದಲ್ಲಿ ಅಕ್ಷಯ್ ಖನ್ನಾ, ಸಂಜಯ್ ದತ್, ಆರ್ ಮಾಧವನ್, ಅರ್ಜುನ್ ರಾಂಪಾಲ್, ಸಾರಾ ಅರ್ಜುನ್ ಮತ್ತು ರಾಕೇಶ್ ಬೇಡಿ ನಟಿಸಿದ್ದಾರೆ. ಈ ಕಥೆಯು ಭಾರತೀಯ ಗುಪ್ತಚರ ಸಂಸ್ಥೆಯ ದೀರ್ಘಕಾಲೀನ ರಹಸ್ಯ ಕಾರ್ಯಾಚರಣೆ 'ಆಪರೇಷನ್ ಧುರಂಧರ್' ಸುತ್ತ ಸುತ್ತುತ್ತದೆ.

ಈ ಚಿತ್ರವು ಅಕ್ಷಯ್ ಕುಮಾರ್, ಕರಣ್ ಜೋಹರ್, ಶಿಲ್ಪಾ ಶೆಟ್ಟಿ, ವಿಕ್ಕಿ ಕೌಶಲ್, ರಾಜ್‌ಕುಮಾರ್ ರಾವ್, ಜೋಯಾ ಅಖ್ತರ್, ಪ್ರೀತಿ ಜಿಂಟಾ, ಸಂದೀಪ್ ರೆಡ್ಡಿ ವಂಗಾ ಮತ್ತು ರಾಮ್ ಗೋಪಾಲ್ ವರ್ಮಾ ಸೇರಿದಂತೆ ಹಲವಾರು ನಟ-ನಟಿಯರಿಂದ ಮೆಚ್ಚುಗೆಯನ್ನು ಪಡೆದಿದೆ (ಏಜೆನ್ಸೀಸ್​).