ವಿಚಾರಣೆ ಮುಗಿಯುತ್ತಿದ್ದಂತೆ ಮತ್ತೆ ಗೋವಾದತ್ತ ಶೂಟಿಂಗ್​ಗೆ ಹೊರಟ ದೀಪಿಕಾ

ಮುಂಬೈ: ಬಾಲಿವುಡ್​ನಲ್ಲಿನ ಡ್ರಗ್​ ಮಾಫಿಯಾಕ್ಕೆ ಸಂಬಂಧಿಸಿದಂತೆ ಎನ್​ಸಿಬಿ ವಿಚಾರಣೆ ನಡೆಸುತ್ತಿದೆ. ಇಡಿ ಮತ್ತು ಸಿಬಿಐ ಸಹ ತನಿಖೆಯಲ್ಲಿ ಭಾಗವಹಿಸಿವೆ. ಇತ್ತೀಚೆಗಷ್ಟೇ ನಟಿ ದೀಪಿಕಾ ಪಡುಕೋಣೆ ಹೆಸರು ಈ ಮಾಫಿಯಾದಲ್ಲಿ ತಳುಕು ಹಾಕಿಕೊಂಡಿದ್ದರಿಂದ ಅವರನ್ನೂ ವಿಚಾರಣೆಗೆ ಕರೆಸಲಾಗಿತ್ತು. ಈಗ ಮತ್ತೆ ಶೂಟಿಂಗ್​ಗೆ ಮರಳಿದ್ದಾರೆ.

ಹೌದು, ಗೋವಾದಲ್ಲಿ ಶಕುನ್​ ಬಾತ್ರಾ ನಿರ್ದೇಶನದಲ್ಲಿ ನಡೆಯುತ್ತಿರುವ ಶೂಟಿಂಗ್​ನಲ್ಲಿ ದೀಪಿಕಾ ಭಾಗವಹಿಸಲಿದ್ದಾರೆ. ದೀಪಿಕಾ ಸಲುವಾಗಿ ಕಳೆದ 10 ದಿನಗಳಿಂದ ಶೂಟಿಂಗ್​ ನಿಲ್ಲಿಸಿದ್ದ ತಂಡ, ಈಗ ಮತ್ತೆ ಚಿತ್ರೀಕರಣಕ್ಕೆ ಪ್ಲಾನ್​ ಮಾಡಿದೆ. ಸಿದ್ಧಾಂಥ್​​​ ಚತುರ್ವೇದಿ ಮತ್ತು ಅನನ್ಯಾ ಪಾಂಡೆ ಈಗಾಗಲೇ ಸೆಟ್​ನಲ್ಲಿದ್ದು, ದೀಪಿಕಾ ಇಂದು ಅವರನ್ನು ಸೇರಲಿದ್ದಾರೆ.

ಇದನ್ನೂ ಓದಿ: PHOTOS| ಮನಾಲಿಯಲ್ಲಿ ಪ್ರಣೀತಾ ಹಂಗಾಮಾ

ಮ್ಯಾನೇಜರ್​ ಕರೀಷ್ಮಾ ಪ್ರಕಾಶ್​ ಜತೆಗೆ ಕೆಲ ವರ್ಷಗಳ ಹಿಂದೆ ನಡೆಸಿದ್ದ ವಾಟ್ಸಾಪ್​ ಚಾಟ್​ನಲ್ಲಿ ಡ್ರಗ್ಸ್ ವಿಚಾರವಾಗಿ ದೀಪಿಕಾ ಮಾತನಾಡಿದ್ದರು. ಅದರ ಹಿನ್ನೆಲೆ ತಿಳಿದುಕೊಳ್ಳಬೇಕೆಂಬ ಉದ್ದೇಶದಿಂದ ಸುದೀರ್ಘ 4 ಗಂಟೆ ದೀಪಿಕಾರನ್ನು ಎನ್​ಸಿಬಿ ವಿಚಾರಣೆ ನಡೆಸಿತ್ತು. ಇದೀಗ ಅದೆಲ್ಲವನ್ನು ಮುಗಿಸಿಕೊಂಡಿರುವ ಅವರು, ಶೂಟಿಂಗ್​ನಲ್ಲಿ ಭಾಗವಹಿಸಲು ಸಿದ್ಧತೆ ಮಾಡಿಕೊಂಡಿದ್ದಾರೆ. (ಏಜೆನ್ಸೀಸ್​)

https://www.vijayavani.net/kajal-wedding-on-october-30/