ನೀನೊಬ್ಬ ದೊಡ್ಡ ಕಳ್ಳ... ಸಿನಿಮಾ ವೇದಿಕೆಯಲ್ಲೇ ಹಿರಿಯ ನಟನಿಂದ ಡೇವಿಡ್​ ವಾರ್ನರ್​ಗೆ ಅವಮಾನ! David Warner

David Warner : ಟಾಲಿವುಡ್​ ನಟ ನಿತಿನ್ ಮತ್ತು ಶ್ರೀಲೀಲಾ ನಟಿಸಿರುವ ಬಹುನಿರೀಕ್ಷಿತ ಚಿತ್ರ ರಾಬಿನ್ ಹುಡ್ ಬಿಡುಗಡೆಗೆ ಸಜ್ಜಾಗಿದೆ. ಈ ಸಿನಿಮಾವನ್ನು ವೆಂಕಿ ಕುಡುಮುಲ ಅವರು ನಿರ್ದೇಶಿಸಿದ್ದು, ಸಿನಿಮಾದ ಪ್ರೀ ರಿಲೀಸ್​ ಈವೆಂಟ್​ ನಿನ್ನೆ (ಮಾರ್ಚ್​ 23) ಹೈದರಾಬಾದ್‌ನಲ್ಲಿ ನಡೆಯಿತು. ಆಸ್ಟ್ರೇಲಿಯಾದ ಕ್ರಿಕೆಟಿಗ ಡೇವಿಡ್ ವಾರ್ನರ್ ಕೂಡ ಈ ಕಾರ್ಯಕ್ರಮದಲ್ಲಿ ಹಾಜರಿದ್ದರು. ಇದೇ ಸಂದರ್ಭದಲ್ಲಿ ವಾರ್ನರ್ ಬಗ್ಗೆ ಹಿರಿಯ ನಟ ರಾಜೇಂದ್ರ ಪ್ರಸಾದ್ ಅವರು ನೀಡಿದ ಹೇಳಿಕೆಗಳು ವೈರಲ್ ಆಗಿವೆ.

ರಾಜೇಂದ್ರ ಪ್ರಸಾದ್ ಅವರು ವೇದಿಕೆಯಲ್ಲಿ ಎಲ್ಲರ ಮುಂದೆ ಡೇವಿಡ್ ವಾರ್ನರ್ ಅವರನ್ನು ಅವಮಾನಿಸಿದರು. ಅವರು ವಾರ್ನರ್ ಅವರನ್ನು ರೇ ಎಂದು ಏಕವಚನದಲ್ಲಿ ಸಂಬೋಧಿಸಿದರು. ನೀವು ಕ್ರಿಕೆಟ್ ಆಡಿದರೆ, ನೀವು ನಟಿಸುತ್ತಿರುವಂತೆ ಕಾಣುತ್ತದೆ ಎಂದು ಕಾಮೆಂಟ್ ಮಾಡಿದರು. ಅಲ್ಲದೇ, ನೀವೊಬ್ಬ ದೊಡ್ಡ ಕಳ್ಳ. ನೀವೇನು ಸಾಮಾನ್ಯ ವ್ಯಕ್ತಿಯಲ್ಲ ಎಂದರು. ಆದರೆ, ರಾಜೇಂದ್ರ ಪ್ರಸಾದ್ ಇದನ್ನೆಲ್ಲ ತಮಾಷೆಯಾಗಿ ಹೇಳಿದರು.

ಮಾತು ಮುಂದುವರಿಸಿದ ರಾಜೇಂದ್ರ ಪ್ರಸಾದ್​, ನಾನು 48 ವರ್ಷಗಳಿಂದ ಚಿತ್ರರಂಗದಲ್ಲಿದ್ದೇನೆ. ನಾನು ಇನ್ನೂ ಇಲ್ಲೇ ಇರುವುದಕ್ಕೆ ಕಾರಣ ಮೈತ್ರಿ ಮೂವೀಸ್. ಇದು ನನ್ನ ಸ್ವಂತ ಕಂಪನಿಯಿದ್ದಂತೆ. ನವೀನ್ ಮತ್ತು ರವಿ ಎಲ್ಲರೂ ನನ್ನ ಮಕ್ಕಳು. ನಾನು ಫಸ್ಟ್ ಶ್ರೀಮಂತುಡು ಸಿನಿಮಾದಲ್ಲಿ ನಟಿಸಿದೆ. ಇಂದು ನಾನು ರಾಬಿನ್ ಹುಡ್‌ನಲ್ಲಿ ನಟಿಸಿದ್ದೇನೆ. ಇಂದು ನಿಮ್ಮೆಲ್ಲರ ಮುಂದೆ ನಿಂತು ಮಾತನಾಡುವ ಹಕ್ಕು ನನಗಿದೆ. ಏಕೆ ಎಂಬುದು ಈ ಚಿತ್ರ ನೋಡಿದ ನಂತರ ನಿಮಗೆ ಅರ್ಥವಾಗುತ್ತದೆ ಎಂದರು.

ಇದನ್ನೂ ಓದಿ: ಸ್ಟಾರ್​ಲಿಂಕ್ ಭಾರತ ಪ್ರವೇಶದಿಂದ ಏನೇನಾಗಬಹುದು?

ರಾಬಿನ್ ಹುಡ್ ಸಿನಿಮಾ ನೀವು ನಿಮ್ಮ ಕುಟುಂಬದೊಂದಿಗೆ ಎಸಿ ಥಿಯೇಟರ್‌ನಲ್ಲಿ ಆರಾಮವಾಗಿ ನೋಡಬಹುದಾದ ಸಿನಿಮಾ. ಬಹಳ ದಿನಗಳ ನಂತರ, ಹಾಸ್ಯಭರಿತ ಒಳ್ಳೆಯ ಸಿನಿಮಾ ನೋಡುವ ಅದೃಷ್ಟ ನಿಮ್ಮದಾಗಿದೆ. ಇದಕ್ಕೆ ಕಾರಣ ವೆಂಕಿ ಕುಡುಮುಲ. ನಾನು ಈ ಎಲ್ಲಾ ಕ್ರೆಡಿಟ್ ಅವರಿಗೆ ನೀಡುತ್ತೇನೆ ಎಂದರು.

ನಿಮ್ಮೆಲ್ಲರ ಮುಂದೆ ನನ್ನ ಹೃದಯದಿಂದ ಒಂದು ವಿಷಯ ಹೇಳಲು ಬಯಸುತ್ತೇನೆ. ನಿತಿನ್ ಒಬ್ಬ ಅದ್ಭುತ ನಾಯಕ. ಅವರು ಲವರ್​ ಬಾಯ್​ ಪಾತ್ರದಿಂದ ಅದ್ಭುತವಾದ ಕಮರ್ಷಿಯಲ್​ ಹೀರೋ ಕಡೆ ಸಾಗಲಿದ್ದಾರೆ. ಈ ಚಿತ್ರದ ನಂತರ ನಿತಿನ್ ವಿಭಿನ್ನ ನಾಯಕನಾಗುತ್ತಾನೆ ಎಂದು ನಾನು ಪ್ರಾಮಾಣಿಕವಾಗಿ ಹೇಳಬಲ್ಲೆ ಎಂದರು.

ನಾನು ಮತ್ತು ವೆನ್ನೆಲಾ ಕಿಶೋರ್ ಒಳ್ಳೆಯ ಪಾತ್ರಗಳನ್ನು ನಿರ್ವಹಿಸಿದ್ದೇವೆ. ನಮ್ಮ ಪಾತ್ರಗಳನ್ನು ನೀವು ನೆನಪಿಸಿಕೊಳ್ಳುತ್ತೀರಿ. ಪ್ರತಿ ಮನೆಯಲ್ಲೂ ರಾಬಿನ್ ಹುಡ್ ನಂತಹ ಕಳ್ಳ ಇರಬೇಕು ಎಂದು ಹೇಳುವ ಅದ್ಭುತ ಕಥೆಯಲ್ಲಿ ಉತ್ತಮ ಹಾಸ್ಯ ಮನರಂಜನೆಯನ್ನು ನೀವು ನೋಡಿದಾಗ ನಿಮ್ಮ ಬೇಸಿಗೆ ಕಳೆದು ಹೋಗುತ್ತದೆ. ನೀವು ಖಂಡಿತವಾಗಿಯೂ ಅದನ್ನು ಆನಂದಿಸುವಿರಿ ಎಂದು ರಾಜೇಂದ್ರ ಪ್ರಸಾದ್ ಹೇಳಿದರು. (ಏಜೆನ್ಸೀಸ್​)

https://www.vijayavani.net/why-are-you-carrying-passengers-even-though-you-know-they-wont-fly-david-warner-slams-air-india

https://www.vijayavani.net/atrocity-in-america-indian-father-and-daughter-killed-in-shooting