ಹೊಸ ಚಿತ್ರದ ಕುರಿತು ‘ವಿಜಯವಾಣಿ’ ಜತೆಗೆ ಮಾತನಾಡಿದ ಶೇಖರ್, ‘ಲಾಕ್ಡೌನ್ ಸಮಯದಲ್ಲಿ ಒಂದಿಷ್ಟು ಚಿತ್ರಕಥೆಗಳನ್ನು ಮಾಡಿಟ್ಟುಕೊಂಡಿದ್ದೆ. ಇತ್ತೀಚೆಗೆ, ಚಂದ್ರು ಅವರನ್ನು ಭೇಟಿಯಾಗುವ ಸಂದರ್ಭ ಬಂತು. ಆಗ ಅವರಿಗೆ ಚಿತ್ರದ ಒನ್ಲೈನ್ ಹೇಳಿದೆ. ಹೀರೋ ಯಾರಿದ್ದರೆ ಚೆನ್ನ ಎಂದು ಕೇಳಿದರು. ನಾನು ಕೃಷ್ಣ ಅವರ ಹೆಸರನ್ನು ಹೇಳಿದ್ದೆ. ಮರುದಿನ ಬೆಳಗ್ಗೆ ಫೋನ್ ಮಾಡಿ, ಕೃಷ್ಣ ಜತೆಗೆ ಮೀಟಿಂಗ್ ಇದೆ ಬನ್ನಿ ಎಂದರು. ಕೃಷ ್ಣ ಅವರನ್ನು ಭೇಟಿ ಮಾಡಿ, ಅವರಿಗೂ ಕಥೆ ಹೇಳಿದೆ. ಅವರು ತಕ್ಷಣವೇ ಒಪ್ಪಿದರು. ಇದೊಂದು ರೊಮ್ಯಾಂಟಿಕ್ ಕಾಮಿಡಿ ಚಿತ್ರ. ಫ್ಯಾಮಿಲಿ, ಲವ್ ಎಲ್ಲವೂ ಇರುತ್ತದೆ. ಅಕ್ಟೋಬರ್ 08ರಿಂದ ಪ್ರಾರಂಭವಾಗಲಿದೆ. ಅದಕ್ಕೂ ಮುನ್ನ ಮಾನ್ವಿತಾ ಹರೀಶ್ ಅಭಿನಯದ ಚಿತ್ರ ಪ್ರಾರಂಭವಾಗಲಿದೆ. ಸೆಪ್ಟೆಂಬರ್ 06ಕ್ಕೆ ಪ್ರಾರಂಭವಾಗಿ ಒಂದೇ ತಿಂಗಳಲ್ಲಿ ಬೆಂಗಳೂರು, ಮಂಡ್ಯ ಮುಂತಾದ ಕಡೆ ಚಿತ್ರೀಕರಣ ಮುಗಿಯಲಿದೆ’ಎಂದು ಮಾಹಿತಿ ಕೊಡುತ್ತಾರೆ ಶೇಖರ್.
