ಕರೊನಾ ವೈರಸ್ಗೆ ಹೆದರಿ ಹಲವು ಚಿತ್ರತಂಡಗಳು ಸ್ವಯಂಪ್ರೇರಿತವಾಗಿ ಚಿತ್ರೀಕರಣ ಚಟುವಟಿಕೆಗಳನ್ನು ನಿಲ್ಲಿಸಿದ್ದವು. ಆದರೆ, ಕಿರುತೆರೆ ಕಾರ್ಯಕ್ರಮಗಳು ಮತ್ತು ಧಾರಾವಾಹಿಗಳ ಚಿತ್ರೀಕರಣ ಮುಂದುವರಿದಿತ್ತು. ಚಿತ್ರರಂಗಕ್ಕೆ ಹೋಲಿಸಿದರೆ ಕಿರುತೆರೆಯ ಚಟುವಟಿಕೆಗಳು ಜಾಸ್ತಿ ಇರುವುದರ ಜತೆಗೆ, ಸಾವಿರಾರು ಕಾರ್ವಿುಕರು ಒಳಗೊಂಡಿರುವುದರಿಂದ ಅವರಿಗೆ ಸಮಸ್ಯೆ ಆಗಬಾರದು ಎಂಬ ನಿಟ್ಟಿನಲ್ಲಿ ಎಲ್ಲ ರೀತಿಯ ಚಿತ್ರೀಕರಣ ನಿಲ್ಲಿಸುವ ಮಹತ್ವದ ನಿರ್ಧಾರವನ್ನು ಐಎಂಪಿಪಿಎ ತೆಗೆದುಕೊಂಡಿದೆ. ಚಿತ್ರತಂಡಗಳೇನೋ ಚಿತ್ರೀಕರಣವನ್ನು ಮುಂದಕ್ಕೆ ಹಾಕಬಹುದು. ಆದರೆ, ಪ್ರತಿದಿನ ಪ್ರಸಾರವಾಗುವ ಧಾರಾವಾಹಿಗಳ ಚಿತ್ರೀಕರಣ ತಡೆದರೆ, ಪ್ರಸಾರಕ್ಕೆ ತೊಂದರೆಯಾಗುವುದಿಲ್ಲವೇ ಎಂಬ ಪ್ರಶ್ನೆ ಬರಬಹುದು. ಅದೇ ಕಾರಣಕ್ಕೆ ಇನ್ನು ಮೂರು ದಿನಗಳ ಕಾಲಾವಕಾಶ ನೀಡಲಾಗಿದೆ.
