‘ಕ್ಷಮಿಸಿ ನಿಮ್ಮ ಖಾತೆಯಲ್ಲಿ ಹಣವಿಲ್ಲ’ ಚಿತ್ರೀಕರಣ ಈ ವರ್ಷದ ಆರಂಭದಲ್ಲೇ ಮುಗಿದಿತ್ತು. ಇದೀಗ ಪೋಸ್ಟ್-ಪ್ರೊಡಕ್ಷನ್ ಸಹ ಅಂತಿಮ ಹಂತಕ್ಕೆ ಬಂದಿದ್ದು, ಸದ್ಯದಲ್ಲೇ ಮುಗಿಯಲಿದೆ. ಈ ಮಧ್ಯೆ, ಹಾಡಿನ ಬಿಡುಗಡೆಯಿಂದ ಚಿತ್ರದ ಪ್ರಚಾರ ಶುರುವಾಗಿದೆ. ಚಿತ್ರದಲ್ಲಿ ಅಡಕೆ ಬೆಳೆಗಾರನ ಪಾತ್ರ ನಿರ್ವಹಿಸಿರುವ ದಿಗಂತ್, ನಿಜಜೀವನದಲ್ಲೂ ಅಡಕೆ ಬೆಳೆಗಾರನಾಗಿರುವುದಾಗಿ ಹೇಳಿಕೊಂಡರು. ‘ಈ ಚಿತ್ರದಲ್ಲಿ ನಮ್ಮ ಮಲೆನಾಡಿನ ಕಥೆ ಹೇಳಲಾಗುತ್ತಿದೆ. ಬಹಳ ಖುಷಿಯಾಗಿದೆ. ಚಿತ್ರ ಚೆನ್ನಾಗಿ ಬಂದಿದೆ. ಜನ ನೋಡಿ ಪ್ರೋತ್ಸಾಹಿಸಬೇಕು ಎಂದರು. ಈ ಸಂದರ್ಭದಲ್ಲಿ ನಿರ್ದೇಶಕ ವಿನಾಯಕ ಕೊಡ್ಸರ್, ನಿರ್ವಪಕ ಸಿಲ್ಕ್ ಮಂಜು, ರಂಜನಿ ರಾಘವನ್, ಲಹರಿ ವೇಲು ಮುಂತಾದವರು ಹಾಜರಿದ್ದರು.
