ಈ ವರ್ಷ ಕನ್ನಡ ಚಿತ್ರರಂಗಕ್ಕೆ ಸಂತೋಷಕ್ಕಿಂತ ದುಃಖವೇ ಜಾಸ್ತಿ. ಸಂತೋಷದ ಸಮಾರಂಭಗಳಾಗಿಲ್ಲ. ದಾಖಲೆ, ಹೆಗ್ಗಳಿಕೆ ಯಾವುದೂ ಇಲ್ಲ. ಅದರ ಬದಲು ಕನ್ನಡ ಚಿತ್ರರಂಗದ ಹಲವು ಜನಪ್ರಿಯ ಕಲಾವಿದರ ನಿಧನವಾರ್ತೆ ಕನ್ನಡಿಗರನ್ನು ಘಾಸಿಗೊಳಿಸಿದವು. ಅದರಲ್ಲೂ ಚಿಕ್ಕ ವಯಸ್ಸಿನಲ್ಲೇ ಹೃದಯಾಘಾತದಿಂದ ನಿಧನರಾದ ಪುನೀತ್ ರಾಜಕುಮಾರ್, ಬೈಕು ಅಪಘಾತದಲ್ಲಿ ಕೋಮಾಗೆ ಜಾರಿದ ಸಂಚಾರಿ ವಿಜಯ್ ನಿಧನದ ಶೋಕದಿಂದ ಕನ್ನಡಿಗರು ಇನ್ನೂ ಹೊರ ಬಂದಿಲ್ಲ. ಇನ್ನು, ನಿರ್ವಪಕರಾದ ರಾಮು, ಕೆಸಿಎನ್ ಚಂದ್ರಶೇಖರ್, ಸಮೀವುಲ್ಲಾ, ಕುಪ್ಪುಸ್ವಾಮಿ, ಚಂದ್ರಶೇಖರ್, ಬಿ. ವಿಜಯಕುಮಾರ್, ಕಲಾವಿದರಾದ ಪ್ರತಿಮಾ ದೇವಿ, ಜಯಂತಿ, ಬಿ.ಜಯಾ, ಜಿ.ಕೆ. ಗೋವಿಂದರಾವ್, ಶನಿ ಮಹದೇವಪ್ಪ, ಕೃಷ್ಣೇಗೌಡ, ಶಿವರಾಂ, ಸತ್ಯಜಿತ್, ‘ಶಂಖನಾದ’ ಅರವಿಂದ್, ‘ಬಿಗ್ ಬಾಸ್’ ಖ್ಯಾತಿಯ ಜಯಶ್ರೀ, ನಿರ್ದೇಶಕರಾದ ಕೆ.ವಿ. ರಾಜು, ರೇಣುಕಾಶರ್ವ, ತಿಪಟೂರು ರಘು, ಅಭಿರಾಮ್ ಮಂಜá-ನಾಥ್, ಡಿಸೈನರ್ ಮಸ್ತಾನ್ ಮುಂತಾದವರು ಈ ವರ್ಷ ಇನ್ನಿಲ್ಲವಾದರು.
