ಗೋದ್ರಾ ಬದಲು ಇನ್ನೇನು?; ಹೆಸರು ಬದಲಾಯಿಸಲು ಸೆನ್ಸಾರ್ ಮಂಡಳಿ ಸೂಚನೆ

ಬೆಂಗಳೂರು: ಚಿತ್ರಗಳಲ್ಲಿ ಹಿಂಸೆ ಅಥವಾ ಅಶ್ಲೀಲತೆ ಇರುವ ದೃಶ್ಯಗಳನ್ನು ಕತ್ತರಿಸುವುದಕ್ಕೆ ಸೆನ್ಸಾರ್ ಮಂಡಳಿ ಹೇಳುವುದು ಸಹಜ. ಆದರೆ, ಇದೇ ಮೊದಲ ಬಾರಿಗೆ ಚಿತ್ರದ ಹೆಸರನ್ನು ಬದಲಾಯಿಸುವುದಕ್ಕೆ ಮಂಡಳಿಯು ಸೂಚಿಸಿದ್ದು, ಇದಕ್ಕೆ ಚಿತ್ರತಂಡ ಒಪ್ಪಿಕೊಂಡಿದೆ.‘ಗೋದ್ರ್ರಾ’ ಎಂಬ ಹೆಸರು ಕೇಳುತ್ತಿದ್ದಂತೆಯೇ ನೆನಪಾಗುವುದು ಗುಜರಾತ್​ನ ಗೋಧ್ರಾ ಹತ್ಯಾಕಾಂಡ. ಕೆಲವು ವರ್ಷಗಳ ಹಿಂದೆ ಪ್ರಾರಂಭವಾದ ಸತೀಶ್ ನೀನಾಸಂ ಮತ್ತು ಶ್ರದ್ಧಾ ಶ್ರೀನಾಥ್ ಅಭಿನಯದ ಚಿತ್ರಕ್ಕೆ ‘ಗೋದ್ರಾ’ ಎಂಬ ಹೆಸರನ್ನು ಇಡಲಾಗಿತ್ತು.

ಚಿತ್ರಕ್ಕೂ, ಹತ್ಯಾಕಾಂಡಕ್ಕೂ ಯಾವುದೇ ಸಂಬಂಧವಿಲ್ಲ ಎಂದು ಚಿತ್ರತಂಡ ಹೇಳಿಕೊಂಡೇ ಬರುತ್ತಿದೆ. ಈ ಮಧ್ಯೆ, ಚಿತ್ರವನ್ನು ವೀಕ್ಷಿಸಿರುವ ಸೆನ್ಸಾರ್ ಮಂಡಳಿಯು, ಶೀರ್ಷಿಕೆಯು ಕೆಲವರ ಭಾವನೆಗೆ ಧಕ್ಕೆ ತರುವಂತೆ ಇರುವುದರಿಂದ ಹೆಸರನ್ನೂ ಬದಲಾಯಿಸುವುದಕ್ಕೆ ಸೂಚಿಸಿದೆ. ಈ ಸಲಹೆಯನ್ನು ಚಿತ್ರತಂಡ ಒಪ್ಪಿಕೊಂಡಿದ್ದು, ಶೀಘ್ರದಲ್ಲೇ ಹೊಸ ಹೆಸರು ಘೋಷಿಸುವ ಸಾಧ್ಯತೆ ಇದೆ.

https://www.vijayavani.net/mahesh-babu-welcomes-keerthy-suresh-on-board/