ತನ್ನ ಚಿತ್ರಕ್ಕೆ ಬಂಡವಾಳ ಹೂಡಿದ ನಿರ್ಮಾಪಕನ ವಿರುದ್ಧವೇ ದೂರು ದಾಖಲಿಸಿದ ಸಾರಿ ಕಣೇ ಚಿತ್ರದ ಹೀರೋ!

ಬೆಂಗಳೂರು: ತನ್ನ ಚಿತ್ರಕ್ಕೆ ಬಂಡವಾಳ ಹೂಡಿದ ನಿರ್ಮಾಪಕನ ವಿರುದ್ಧವೇ ನಟ ಹಾಗೂ ನಿರ್ದೇಶಕ ರೂಪೇಶ್​ ರಾಜ್​, ವಂಚನೆ ಆರೋಪದಡಿ ದೂರು ದಾಖಲಿಸಿರುವ ಘಟನೆ ಮಹಾಲಕ್ಷ್ಮಿ ಲೇಔಟ್ ಪೊಲೀಸ್ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ಧೂಳೀಪಟ ಹಾಗೂ ಸಾರಿ ಕಣೇ ಎಂಬ ಎರಡು ಸಿನಿಮಾಗಳನ್ನು ನಿರ್ಮಾಣ ಮಾಡಿರುವ ನಿರ್ಮಾಪಕ ಗಿರೀಶ್ ವಿರುದ್ಧ ನಟ ರೂಪೇಶ್ ದೂರು ದಾಖಲಿಸಿದ್ದಾರೆ. ಹಣ ವಾಪಸ್​ ಕೇಳಿದರೆ ಚಾಕುವಿನಿಂದ ಚುಚ್ಚಿ ಕೊಲ್ಲುವುದಾಗಿ ಬೆದರಿಕೆ ಹಾಕುತ್ತಿದ್ದಾರೆ ಎಂದು ಆರೋಪಿಸಿದ್ದಾರೆ.

ನಿರ್ಮಾಣ ಮಾಡಿರುವ ಎರಡೂ ಚಿತ್ರಗಳು ಹೀನಾಯ ಸೋಲು ಅನುಭಿವಿಸಿದ್ದರಿಂದ ನಿರ್ಮಾಪಕ ಗಿರೀಶ್​ ಹಣ ಕಳೆದುಕೊಂಡಿದ್ದಾರಂತೆ. ಚಿತ್ರೀಕರಣದ ಸಮಯದಲ್ಲಿ ಹಣವಿಲ್ಲ ಎಂದು ಹೇಳಿ ನಟ ರೂಪೇಶ್ ರಾಜ್ ಬಳಿ ಕೇಳಿದ್ದರಂತೆ. ಈ ಹಿನ್ನಲೆ ರೂಪೇಶ್​ 33 ಲಕ್ಷ ರೂ. ಹಣ ನೀಡಿದ್ದರು ಎನ್ನಲಾಗಿದೆ. ಅಲ್ಲದೆ, ರೂಪೇಶ್​ ನೀಡಿದ ಜಾಮೀನಿನ ಮೇಲೆ ಬಾಗಲಕೋಟೆಯ ಶಿರಗಣ್ಣನವರ್ ಎಂಬಾತನಿಂದ 40 ಲಕ್ಷ ಹಾಗೂ ಬಿ.ವಿ. ಲೋಕೇಶ್ ಎಂಬುವವರ ಬಳಿ 60 ಲಕ್ಷ ರೂ. ಸಾಲ ಪಡೆದಿದ್ದಾರೆ ಎಂದು ರೂಪೇಶ್​ ದೂರಿನಲ್ಲಿ ಉಲ್ಲೇಖಿಸಿದ್ದಾರೆ.

ಇದನ್ನೂ ಓದಿ: ರಾಮನ ರೀತಿ ಕಾಣುತ್ತಿಲ್ಲ ಬದಲಾಗಿ… ಪ್ರಭಾಸ್​ ಕುರಿತು ನಟಿ ಕಸ್ತೂರಿ ಕಾಮೆಂಟ್​, ಫ್ಯಾನ್ಸ್​ ಆಕ್ರೋಶ!

ಇದೀಗ ಹಣ ವಾಪಸ್ ಕೇಳಿದರೆ ಗಿರೀಶ್ ಮತ್ತು ಆತನ ಗ್ಯಾಂಗ್ ಕೊಲ್ಲುವುದಾಗಿ ಬೆದರಿಕೆ ಹಾಕುತ್ತಿದೆ. ಗಿರೀಶ್ ಹಣ ನೀಡಿಯೇ ಇಲ್ಲ ಎಂದು ಬರೆದುಕೊಡು ಎಂದು ಒತ್ತಾಯ ಮಾಡುತ್ತಿದ್ದಾರೆ ಎಂದು ರೂಪೇಶ್​ ಆರೋಪ ಮಾಡಿದ್ದಾರೆ.

ರೂಪೇಶ್​ ದೂರಿನ ಹಿನ್ನೆಲೆಯಲ್ಲಿ ನಿರ್ಮಾಪಕ ಗಿರೀಶ್, ಅಂಜುಂ, ವಿಕೆ ಮೂರ್ತಿ ಹಾಗೂ ಮೋಹನ್ ಎಂಬುವವರ ಮೇಲೆ ಮಹಾಲಕ್ಷ್ಮಿ ಲೇಔಟ್ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. (ದಿಗ್ವಿಜಯ ನ್ಯೂಸ್​)

https://www.vijayavani.net/column-article-about-a-hasty-blunder

https://www.vijayavani.net/20-new-faces-from-congress-for-mp-elections