ಹೆಂಗಸಿನ ಗೆಟಪ್‌ನಲ್ಲಿರುವ ಈ ನಟ ಯಾರು ಎಂದು ಊಹಿಸಬಲ್ಲಿರಾ?45 movie

ಬೆಂಗಳೂರು: (45 Movie) ಇತ್ತೀಚೆಗೆ ಸ್ಟಾರ್ ಹೀರೋಗಳು ಕೂಡ ಲೇಡಿ ಗೆಟಪ್​​​ಗಳಲ್ಲಿ ರಂಜಿಸುತ್ತಿದ್ದಾರೆ. ಸೀರೆ ಉಟ್ಟು ಕುಣಿದು ಫೈಟ್ ಮಾಡುತ್ತಿದ್ದಾರೆ. ಇತ್ತೀಚೆಗೆ ಮತ್ತೊಬ್ಬ ಸ್ಟಾರ್ ಹೀರೋ ಸೀರೆ ಉಟ್ಟು ಅಭಿಮಾನಿಗಳನ್ನು ಅಚ್ಚರಿಗೊಳಿಸಿದ್ದಾರೆ. ಲೇಡಿ ಗೆಟಪ್​​​ನಲ್ಲಿರುವ ನಟ ಯಾರು ಎನ್ನುವ ಪ್ರಶ್ನೆಗೆ ಇಲ್ಲಿದೆ ಉತ್ತರ.

ಶಿವರಾಜ್​ಕುಮಾರ್, ರಾಜ್ ಬಿ. ಶೆಟ್ಟಿ, ಉಪೇಂದ್ರ ಅವರು ಪ್ರಮುಖ ಪಾತ್ರದಲ್ಲಿ ಅಭಿನಯಿಸಿದ ‘45’ ಸಿನಿಮಾದ ಟ್ರೇಲರ್ ಬಿಡುಗಡೆ ಆಗಿದೆ. ಈ ಸಿನಿಮಾ ಡಿಸೆಂಬರ್ 25ರಂದು ಬಿಡುಗಡೆ ಆಗಲಿದೆ. ಅರ್ಜುನ್ ಜನ್ಯ ಅವರು ನಿರ್ದೇಶನ ಮಾಡಿದ್ದಾರೆ. ರಮೇಶ್ ರೆಡ್ಡಿ ಬಂಡವಾಳ ಹೂಡಿದ್ದಾರೆ.

ನಿನ್ನೆ (ಡಿ.15) ಟ್ರೇಲರ್​ ಬಿಡುಗಡೆಗೊಳಿಸಿರುವ 45 ಚಿತ್ರವು, ಶಿವರಾಜ್​ಕುಮಾರ್​, ರಾಜ್​ ಬಿ.ಶೆಟ್ಟಿ ಮತ್ತು ಉಪೇಂದ್ರ ಅವರ ಸಂಗಮಕ್ಕೆ ಸಾಕ್ಷಿಯಾಗಿದೆ. ಸ್ಯಾಂಡಲ್​ವುಡ್​ನ ಸ್ಟಾರ್ ನಟರ ಕಾಂಬೊ ಮೇಲೆ ಸದ್ಯ ಚಿತ್ರಪ್ರೇಮಿಗಳ ಕಣ್ಣು ಬಿದ್ದಿದ್ದು, ಈಗಾಗಲೇ ಹೊರಬಿದ್ದಿರುವ ಟ್ರೇಲರ್​ ಹಲವು ವಿಶೇಷತೆಗಳಿಂದ ಕೂಡಿದ್ದು, ವಿಎಫ್​ಎಕ್ಸ್​ ಕೆಲಸಗಳಿಂದ ನೋಡುಗರ ಗಮನವನ್ನು ಸೆಳೆದಿದೆ.

ವಿಶೇಷವಾಗಿ ಟ್ರೇಲರ್ ನ ಕೊನೆಯಲ್ಲಿ ಶಿವರಾಜ್ ಕುಮಾರ್ ಅವರ ಅವತಾರ ಎಲ್ಲರ ಗಮನ ಸೆಳೆಯಿತು. ಈ ಸಿನಿಮಾ ಕನ್ನಡದ ಜೊತೆಗೆ ತೆಲುಗು ಮತ್ತು ಇತರ ಭಾಷೆಗಳಲ್ಲಿ ಅದ್ದೂರಿಯಾಗಿ ಈ ಚಿತ್ರ ಡಿಸೆಂಬರ್ 25 ರಂದು ಬಿಡುಗಡೆಯಾಗಲಿದೆ.