ಇಸಿಜಿ ಮಾಡಿದಾಗ ಸಮಸ್ಯೆ ಇರುವುದು ಗೊತ್ತಾಯಿತು. ನಂತರ ವಿಕ್ರಂ ಆಸ್ಪತ್ರೆಗೆ ಕಳುಹಿಸಿದ್ದರು. ಅ. 29ರ ಬೆಳಗ್ಗೆ 11.20ರ ಸುಮಾರಿಗೆ ಪುನೀತ್ ರಾಜ್ಕುಮಾರ್ ಬಂದಾಗ ಆಯಾಸವಾಗಿದೆ ಎಂದು ಹೇಳಿದರು. ಪರೀೆ ನಡೆಸಿದಾಗ ಎಲ್ಲವೂ ಸಾಮಾನ್ಯವಾಗಿತ್ತು. ಇಸಿಜಿ ವರದಿಯಲ್ಲಿ ಒತ್ತಡ "ಸ್ಟ್ರೆ$ನ್' ಇರುವುದನ್ನು ತೋರಿಸಿತ್ತು. ಹೆಚ್ಚಿನ ಚಿಕಿತ್ಸೆಗಾಗಿ ವಿಕ್ರಂ ಆಸ್ಪತ್ರೆ ತಲುಪುವಷ್ಟರಲ್ಲಿ ಹೃದಯ ಸ್ತಂಭನವಾಗಿದೆ ಎಂದು ಡಾ. ಬಿ. ರಮಣ ರಾವ್ ಹೇಳಿದ್ದಾರೆ.
ಪುನೀತ್ ಅವರು ಪತ್ನಿ ಅಶ್ವಿನಿಯೊಂದಿಗೆ ಕ್ಲಿನಿಕ್ಗೆ ಬಂದಾಗ, ಸ್ವಲ್ಪ ಆಯಾಸವಾಗಿದೆ ಎಂದು ಹೇಳಿದರು. ಪರೀೆಯಲ್ಲಿ ಅವರ ರಕ್ತದೊತ್ತಡ 150/92 ಇತ್ತು. ಇದು ಸಾಮಾನ್ಯವಾಗಿದೆ. ಅವರು ಬೆವರುತ್ತಿರುವ ಬಗ್ಗೆ ಕೇಳಿದಾಗ, ವ್ಯಾಯಾಮ ಮಾಡಿದ್ದರಿಂದ ಸಾಮಾನ್ಯವಾಗಿ ಬೆವರು ಬರುತ್ತದೆ. ಮತ್ತು ಜಿಮ್ನಿಂದ ನೇರವಾಗಿ ಬಂದಿರುವೆ ಎಂದು ಹೇಳಿದರು. ಆದರೆ ನೋವಿನ ಬಗ್ಗೆ ಯಾವುದೇ ಮಾಹಿತಿ ನೀಡಲಿಲ್ಲ. ಅಲ್ಲದೇ ಅವರ ಹೃದಯಬಡಿತ ಸಾಮಾನ್ಯವಾಗಿಯೇ ಇತ್ತು. ಶ್ವಾಸಕೋಶಗಳು ಸಹ ಸಹಜಸ್ಥಿತಿಯಲ್ಲಿತ್ತು. ಎಂದಿನಂತೆ ವ್ಯಾಯಾಮ ಹಾಗೂ ಬಾಕ್ಸಿಂಗ್ ನಂತರ ಸ್ಪಲ್ಪ ಹಬೆಯನ್ನು ತೆಗೆದುಕೊಂಡಿದ್ದಾಗಿ ತಿಳಿಸಿದರು. ತಕ್ಷಣವೇ ಇಸಿಜಿ ಮಾಡಲಾಯಿತು. ವರದಿಯಲ್ಲಿ ಒತ್ತಡ ಇರುವುದು ತಿಳಿದು, ವಿಕ್ರಂ ಆಸ್ಪತ್ರೆಗೆ ಸೂಚಿಸಿದೆ. ಕೆಲವೇ ನಿಮಿಷಗಳಲ್ಲಿ ಆಸ್ಪತ್ರೆ ತಲುಪಿದರು. ಆದರೆ ದುರಾದೃಷ್ಟವಶಾತ್ ಅಷ್ಟ್ರರಲ್ಲಿ ಅವರ ಹೃದಯ ಸ್ತಂಭನವಾಗಿತ್ತು. ಅವರು ಬದುಕುಳಿಯಲಿಲ್ಲ ಎಂದು ವಿವರಿಸಿದರು.
ಇದೇ ವೇಳೆ ಡಾ. ರಾಜ್ಕುಮಾರ್ ಅವರು ನಿಧನ ಆಗಿದ್ದ ಸಂದರ್ಭವನ್ನು ಸ್ಮರಿಸಿದ ಅವರು, ಪುನೀತ್ ಆರೋಗ್ಯವಾಗಿದ್ದಂತಹ ವ್ಯಕ್ತಿ, ಮಧುಮೇಹ, ಅಧಿಕ ರಕ್ತದೊತ್ತಡ ಸೇರಿದಂತೆ ಯಾವುದೇ ಆರೋಗ್ಯ ಸಮಸ್ಯೆ ಇರಲಿಲ್ಲ. ಸಕಾರಾತ್ಮಕ ಅಲೋಚನೆಗಳೊಂದಿಗೆ ಸಂತೋಷದ ಮನೋಭಾವ ಹೊಂದಿದ್ದ ಅವರು ಈ ರೀತಿ ಅಗಲುತ್ತಾರೆ ಎಂಬ ಕಲ್ಪನೆಯೂ ಇರಲಿಲ್ಲ ಎಂದು ಗದ್ಗದಿತರಾದರು.
