ನಾವು ವಿಭಿನ್ನ ಹಾದಿಯಲ್ಲಿ ಸಾಗಲಿದ್ದೇವೆ: ಇಶಾ ರಿಖಿಯಿಂದ ದೂರವಾಗಲು ಮುಂದಾದ ರ‍್ಯಾಪರ್; ಬಾದ್​ಶಾ ಎರಡನೇ ವಿಚ್ಛೇದನ? Badshah

ಮುಂಬೈ: ಸದಾ ತಮ್ಮ ತೂಕಡಿಸುವ ಹಾಡುಗಳ ಮೂಲಕ ಜನ ಮನ ಸೆಳೆಯುವ ಖ್ಯಾತ ರ‍್ಯಾಪ್​ ಗಾಯಕ ಬಾದ್​ಶಾ (Badshah) ಈದೀಗ ತಮ್ಮ ವೈಯಕ್ತಿಕ ಜೀವನದ ಮೂಲಕ ಮತ್ತೊಮ್ಮೆ ಮುನ್ನಲೆಗೆ ಒಂದಿದ್ದಾರೆ. ಕೆಲ ತಿಂಗಳಿನ ಹಿಂದೆ ತಮ್ಮ ಬಹುಕಾಲದ ಗೆಳತಿ ಹಾಗೂ ಪಂಜಾಬಿ ಚಿತ್ರರಂಗದ ನಟಿಯಾಗಿರುವ ಇಶಾ ರಿಖಿರನ್ನು ಸೈಲೆಂಟಾಗಿ ಮದುವೆಯಾಗಿದ್ದರು. ಆದರೆ, ಈಗ ಬಾದ್​ಶಾ ಇಶಾ ರಿಖಿ ಅವರಿಂದ ಕೂಡ ದೂರವಾಗಿರುವ ಬಗ್ಗೆ ತಮ್ಮ ಇನ್​ಸ್ಟಾಗ್ರಾಮ್​ನಲ್ಲಿ ಮಾಹಿತಿ ಹಂಚಿಕೊಂಡಿದ್ದಾರೆ. 

ತಮ್ಮ ವೈಯಕ್ತಿಕ ಜೀವನದ ಬಗ್ಗೆ ಮಾಹಿತಿ ಹಂಚಿಕೊಂಡಿರುವ ಬಾದ್​ ಶಾ, ನಾನು ಮತ್ತು ಇಶಾ ರಿಖಿ ಇಬ್ಬರು ಪರಸ್ಪರ ಒಪ್ಪಿಗೆ ಮೇರೆಗೆ ದೂರವಾಗಲು ಮುಂದಾಗಿದ್ದೇವೆ. ಮುಂದಿನ ದಿನಗಳಲ್ಲಿ ನಾವು ವಿಭಿನ್ನ ಮಾರ್ಗದಲ್ಲಿ ನಮ್ಮ ಜೀವನವನ್ನು ನಡೆಸಲು ಮುಂದಾಗಲಿದ್ದೇವೆ. ದಯವಿಟ್ಟು ಎಲ್ಲರೂ ನಮ್ಮ ಖಾಸಗಿತನಕ್ಕೆ ಗೌರವಿಸಿ ಎಂದು ಮನವಿ ಮಾಡಿದ್ದಾರೆ. ಅಂತೆಯೇ, ನನ್ನ ಅಥವಾ ಇಶಾ ರಿಖಿ ಕುರಿತು ವದಂತಿ, ಊಹಾ-ಪೋಹ ಹಾಗೂ ಸುಳ್ಳು ಸುದ್ದಿಗಳನ್ನು ಹಂಚಿಕೊಳ್ಳಬೇಡಿ ಎಂದು ನೆಟ್ಟಿಗರಲ್ಲಿ ವಿನಂತಿಸಿ ಕೊಂಡಿದ್ದಾರೆ. 

ಬಾದ್​ಶಾ ಈಗಾಗಲೇ ವಿವಾಹವಾಗಿ ವಿಚ್ಛೇದನನ್ನು ಸಹ ಪಡೆದಿದ್ದಾರೆ. ಬಾದ್​ಶಾ 2012 ರಲ್ಲಿ ಜಾಸ್ಮಿನ್ ಮಸಿಹ್ ಅವರನ್ನು ಮದುವೆಯಾಗಿ ಜೆಸ್ಸಿಮಿ ಗ್ರೇಸ್ ಎಂಬ ಮಗಳನ್ನು ಸಹ ಈ ದಂಪತಿ ಹೊಂದಿದೆ. ಆದರೆ ಬಾದ್​ಶಾ ತಮ್ಮ ಮೊದಲ ಪತ್ನಿತಿಂದ 2020 ರಲ್ಲಿ ಬೇರ್ಪಟ್ಟ ಬಳಿಕ ಇಶಾ ರಿಖಿ ಅವರನ್ನು ತಮ್ಮ ಪತ್ನಿಯಾಗಿ ಸ್ವೀಕರಿಸಿದ್ದರು. ಆದರೆ ಈಗ ಇಶಾ ರಿಖಿಯಿಂದ ಕೂಡ ಬಾದ್​ಶಾ ದೂರವಾಗಿದ್ದಾರೆ, (ಏಜನ್ಸೀಸ್​).