'ಮಹಿಳೆ ಇಂಥದ್ದೇ ಬಟ್ಟೆ ಹಾಕ್ಬೇಕು ಎನ್ನುವುದನ್ನು ಎಂದು ನಿಲ್ಲಿಸುತ್ತೇವೆ'; ಕಂಗನಾಗೆ ಪರೋಕ್ಷವಾಗಿ ಟಾಂಗ್ ಕೊಟ್ಟ Kriti Sanon

ಸದ್ಯ ಎಲ್ಲ ಟ್ರೋಲ್​ ಹಾಗೂ ಟೀಕೆಗಳಿಗೂ ಕಾಕ್ಟೇಲ್​​2 ಸಕ್ಸಸ್​ನ ಸಂಭ್ರದಲ್ಲಿರುವ ನಟಿ ಕೃತಿ ಸನೂನ್​ ಸ್ಪಷ್ಟಪಡಿಸಿದ್ದಾರೆ.  ಮಹಿಳೆ ಯಾವ ಬಟ್ಟೆ ಧರಿಸಬೇಕು ಎಂದು ನಿರ್ಧರಿಸುವ ಸ್ವಭಾವವನ್ನು ಎಂದು ನಿಲ್ಲಿಸುತ್ತೇವೆ ಎಂದು ಗುಡುಗಿದ್ದಾರೆ.

ಹಬ್ಬದ ನಿಜವಾದ ಅರ್ಥ ನೀವು ಧರಿಸುವ ಬಟ್ಟೆಯಲ್ಲಿಲ್ಲ, ನೀವು ಸಂಪ್ರದಾಯಗಳ ಬಗ್ಗೆ ನಂಬುವ ಭಾವನೆಗಳಲ್ಲಿದೆ. ರಕ್ಷಾಬಂಧನ ಎನ್ನುವುದು ಪರಸ್ಪರ ರಕ್ಷಿಸಿಕೊಳ್ಳುವ ಬಂಧವಾಗಿದೆ. ನನ್ನ ಸಹೋದರಿ ಮತ್ತು ನಾನು ಪರಸ್ಪರ ರಾಖಿಯನ್ನು ಕಟ್ಟಿಕೊಳ್ಳುತ್ತೇವೆ. ಯಾವುದೇ ಸಹೋದರನಿಗಿಂತ ಕಡಿಮೆಯಿಲ್ಲದಂತೆ ನಾವು ನಮ್ಮನ್ನು ಪರಸ್ಪರರನ್ನು ರಕ್ಷಿಸಿಕೊಳ್ಳಬಲ್ಲೆವು ಎನ್ನುವ ನಂಬಿಕೆ ಮತ್ತು ಭರವಸೆ ಇದೆ ಎಂದು ಬಾಲಿವುಡ್​ ನಟಿ ಕೃತಿ ಸನೂನ್​ ಹೇಳಿಕೊಂಡಿದ್ದಾರೆ.

ಮುಂದುವರೆದು, ನಾನು, ಆಕೆ ಇಬ್ಬರು ಪ್ರತ್ಯೇಕವಾಗಿ ನಮ್ಮ ಆರೋಗ್ಯ ಮತ್ತು ಸಂತೋಷ, ದೀರ್ಘಾಯುಷ್ಯಕ್ಕಾಗಿ  ಪ್ರಾರ್ಥನೆ ಮಾಡುತ್ತೇವೆ. ಈ ಪ್ರಾರ್ಥನೆ ಮತ್ತು ಭರವಸೆಯು ನಮ್ಮ ನಾಯಿಗಳಿಗೂ ವಿಸ್ತರಿಸುತ್ತದೆ. ಅವು ನಮ್ಮ ಕುಟುಂಬವೇ ಅಲ್ಲವೇ ಎಂದು ನಾಯಿಗೆ ರಾಖಿ ಕಟ್ಟುವುದು ಧಾರ್ಮಿಕ ಚಿಂತನೆಗೆ ಮಾಡುವ ಅವಮಾನ ಎಂದವರಿಗೆ ಆ ಮೂಲಕ ಟಾಂಗ್​ ಕೊಟ್ಟಿದ್ದಾರೆ.

ಮಹಿಳೆಯರು ಏನು ಧರಿಸಬೇಕು ಎಂದು ಹೇಳುವುದನ್ನು ನಾವು ಯಾವಾಗ ನಿಲ್ಲಿಸುತ್ತೇವೆ. ಎಥ್ನಿಕ್ ಫ್ಯಾಷನ್ ದಿನಕಳದಂತೆ ಬದಲಾಗುತ್ತಿದೆ. ಆದರೆ, ಇಲ್ಲಿ  ಇನ್ನೂ ಮಹಿಳೆಯೊಬ್ಬಳ ಸಂಸ್ಕೃತಿಯ ಬಗೆಗಿನ ಗೌರವವನ್ನು ಆಕೆಯ ಬಟ್ಟೆಗಳಿಂದ ಮಾತ್ರ ಅಳೆಯಲಾಗುತ್ತದೆ. ಸಂಸ್ಕೃತಿ ಮತ್ತು ಸಂಪ್ರದಾಯಗಳು ಆಕೆ ಧರಿಸುವ ನೆಕ್​ಲೈನ್​ ಬಟ್ಟೆಯಲ್ಲಿ ಅಲ್ಲ, ಆಕೆಯ ಹೃದಯದಲ್ಲಿವೆ ಎಂದು ಕಂಗಾನರಿಗೆ ಪರೋಕ್ಷವಾಗಿ ಟಾಂಗ್ ಕೊಟ್ಟಿದ್ದಾರೆ, (ಏಜೆನ್ಸೀಸ್).