ಮುಂಬೈ: ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ಸದ್ದು ಮಾಡುವ ಬಾಲಿವುಡ್ ಬ್ಯೂಟಿ, ಹಾಟ್ ಬೆಡಗಿ ದಿಶಾ ಪಟಾನಿ (Disha Patani), ತಮ್ಮ ಸಿನಿಮಾ ಸುದ್ದಿಗಳಿಗಿಂತಲೂ ಹೆಚ್ಚಾಗಿ ಬೋಲ್ಡ್ ಅವತಾರಗಳಿಂದಲೇ ಅಭಿಮಾನಿಗಳ ಗಮನವನ್ನು ಸೆಳೆಯುತ್ತಿರುತ್ತಾರೆ. ಈ ಮಧ್ಯೆ, ಇತ್ತೀಚಿನ ಸಂದರ್ಶನವೊಂದರಲ್ಲಿ ನಟಿಯ ಬಿಚ್ಚುನುಡಿ ಸದ್ಯ ಅವರ ಫ್ಯಾನ್ಸ್ ಮತ್ತು ಹಲವರ ಅಚ್ಚರಿಗೆ ಕಾರಣವಾಗಿದೆ.
'ಎಂ.ಎಸ್ ಧೋನಿ: ದಿ ಅನ್ಟೋಲ್ಡ್ ಸ್ಟೋರಿ' ಚಿತ್ರದ ಮೂಲಕ ಹಿಂದಿ ಚಿತ್ರೋದ್ಯಮಕ್ಕೆ ಪಾದಾರ್ಪಣೆ ಮಾಡಿದ ಈ ಬ್ಯೂಟಿ, ಬಹಳ ಕಡಿಮೆ ಸಮಯದಲ್ಲಿ ಭರ್ಜರಿ ಸಕ್ಸಸ್ ಮತ್ತು ಜನಪ್ರಿಯತೆ ಗಿಟ್ಟಿಸಿಕೊಂಡರು. ತನ್ನ ಗ್ಲಾಮರ್, ಹಾಟ್ ಲುಕ್ ಹಾಗೂ ಫಿಟ್ನೆಸ್ನಿಂದಲೇ ಪಡ್ಡೆ ಹುಡಗರ ನಿದ್ದೆಗಡಿಸುವ ದಿಶಾ, ಇದೀಗ ಬಾಲಿವುಡ್‌ನಲ್ಲಿ ಹತ್ತು ವರ್ಷಗಳ ಪ್ರಯಾಣವನ್ನು ಯಶಸ್ವಿಯಾಗಿ ಪೂರೈಸಿದ್ದಾರೆ. ಈ ಸಂದರ್ಭದಲ್ಲಿ, ಒಂದು ಮಹತ್ವದ ನಿರ್ಧಾರವನ್ನೇ ಕೈಗೊಂಡಿದ್ದಾರೆ.
ಎಂ.ಎಸ್. ಧೋನಿ ಚಿತ್ರದ ಸಮಯದಲ್ಲಿ ನನಗೆ ಎಲ್ಲವೂ ಹೊಸತು. ಶೂಟಿಂಗ್ ಸೆಟ್ ಹೇಗೆ ವರ್ಕ್ ಆಗುತ್ತದೆ ಅಂತ ಅಷ್ಟಾಗಿ ಗೊತ್ತಿರಲಿಲ್ಲ. ಕ್ಯಾಮೆರಾ ಎದುರಿಸುವುದು ಹೇಗೆ, ಪಾತ್ರವನ್ನು ಅರ್ಥ ಮಾಡಿಕೊಳ್ಳಬೇಕು, ನಿರ್ದೇಶಕರ ಸೂಚನೆಗೆ ತಕ್ಕಂತೆ ನಡೆದುಕೊಳ್ಳಬೇಕು ಎಂಬುದನ್ನು ಈಗಷ್ಟೇ ಕಲಿತಿರುವೆ. ಆ ದಿನಗಳಲ್ಲಿ ನನಗೆ ಇಷ್ಟ ಬಂದಂತೆ ನಟಿಸುತ್ತಿದ್ದೆ. ಈಗ ವೃತ್ತಿಯ ಬಗ್ಗೆ ಸಂಪೂರ್ಣ ತಿಳುವಳಿಕೆ ಬಂದಿದೆ. ಆತ್ಮವಿಶ್ವಾಸವೂ ಹೆಚ್ಚಾಗಿದೆ ಎಂದರು.
