ಕೋಟ್ಯಂತರ ಅಭಿಮಾನಿಗಳನ್ನು ಹೊಂದಿರುವ ಸಲ್ಮಾನ್ ಖಾನ್ ಬಾಲಿವುಡ್ನ ಸ್ಟಾರ್ ನಟ. 50ಪ್ಲಸ್ ವಯಸ್ಸಲ್ಲೂ ಕಟ್ಟುಮಸ್ತಾದ ದೇಹವನ್ನು ಕಾಯ್ದುಕೊಂಡು ಬಂದಿರುವ ಹೀರೋ. ಸದಾ ಅಭಿಮಾನಿಗಳಿಗಾಗಿ ಏನಾದರೊಂದು ಹೊಸತನ್ನು ನೀಡುತ್ತಲೇ ಬಂದಿರುವ ಬ್ಯಾಡ್ ಬಾಯ್. ಸಾಮಾಜಿಕ ಜಾಲತಾಣದಲ್ಲೂ ಸಲ್ಮಾನ್ ಹವಾಕ್ಕೇನು ಕಮ್ಮಿ ಇಲ್ಲ. ಇನ್ಸ್ಸ್ಟಾಗ್ರಾಂ, ಟ್ವಿಟರ್, ಫೇಸ್ಬುಕ್ನಲ್ಲಿ ಮಿಲಿಯನ್ಗಟ್ಟಲೇ ಅಭಿಮಾನಿ ಬಳಗವನ್ನು ಹೊಂದಿದ್ದಾರೆ. ಇದೀಗ ಯೂಟ್ಯೂಬ್ ಚಾನೆಲ್ನತ್ತ ಚಿತ್ತ ಹರಿಸಿದ್ದಾರೆ ಸಲ್ಮಾನ್. ಅಂದರೆ ಬಿಯಿಂಗ್ ಸಲ್ಮಾನ್ ಖಾನ್ ಹೆಸರಿನಲ್ಲಿ ಯೂಟ್ಯೂಬ್ ಚಾನೆಲ್ ತೆರೆಯಲಿದ್ದು, ಆ ಚಾನೆಲ್ ಪೂರ್ತಿ ಅಭಿಮಾನಿಗಳಿಗಾಗಿಯೇ ಮಿಸಲಿಡಲಿದ್ದಾರಂತೆ. ಸಿನಿಮಾ ಹೊರತುಪಡಿಸಿ ವೈಯಕ್ತಿಕ ವಿಚಾರಗಳನ್ನು, ಖುಷಿಯ ಕ್ಷಣಗಳನ್ನು ಅಭಿಮಾನಿಗಳ ಜತೆಗೆ ಹಂಚಿಕೊಳ್ಳಲು ಯೂಟ್ಯೂಬ್ಗೆ ಆಗಮಿಸುತ್ತಿದ್ದಾರಂತೆ. ಹಾಗಾದರೆ, ಆ ಚಾನೆಲ್ ಯಾವಾಗ ಶುರು? ಅಧಿಕೃತ ಘೋಷಣೆ ಯಾವಾಗ ಎಂಬ ಬಗ್ಗೆ ಶೀಘ್ರದಲ್ಲಿ ಮಾಹಿತಿ ಲಭ್ಯವಾಗಲಿದೆ. (ಏಜೆನ್ಸೀಸ್)
