ರಮೇಶ್​ ಹುಟ್ಟುಹಬ್ಬಕ್ಕೆ 'ರಂಗುರಂಗುಪಾರ್ಟಿ' ಹಾಡು ...

ಬೆಂಗಳೂರು: ಲಾಕ್​ಡೌನ್​ ಶುರುವಾಗುವುದಕ್ಕೆ ಮುಂಚೆಯೇ '100' ಚಿತ್ರ ಬಿಡುಗಡೆಯಾಗಿತ್ತು. ಸೆನ್ಸಾರ್​ನಿಂದ 'ಯು/ಎ' ಪ್ರಮಾಣ ಪತ್ರವನ್ನು ಚಿತ್ರ ಪಡೆದಿದ್ದರೂ, ಅಷ್ಟರಲ್ಲಿ ಲಾಕ್​ಡೌನ್​ ಘೋಷಣೆಯಾಗಿದ್ದರಿಂದ ಚಿತ್ರ ಬಿಡುಗಡೆ ತಡವಾಯಿತು. ಈಗ ಚಿತ್ರ ಬಿಡುಗಡೆ ಯಾವಾಗ ಗೊತ್ತಿಲ್ಲದಿದ್ದರೂ, ಸದ್ಯಕ್ಕೆ ಚಿತ್ರದ ಒಂದು ಹಾಡನ್ನಂತೂ ಇಂದು ಬಿಡುಗಡೆ ಮಾಡಲಾಗಿದೆ.

ಇದನ್ನೂ ಓದಿ: ರಮೇಶ್​ ಹುಟ್ಟುಹಬ್ಬಕ್ಕೆ ಶುಭ ಕೋರಿದ ಸೆಲೆಬ್ರಿಟಿಗಳ ಪಟ್ಟಿ ಹೀಗಿದೆ …

ಇಂದು (ಸೆಪ್ಟೆಂಬರ್ 10) ರಮೇಶ್​ ಅವರ ಹುಟ್ಟುಹಬ್ಬ. ಇದರ ಅಂಗವಾಗಿ ಹಾಡು ಬಿಡುಗಡೆಯಾಗುತ್ತಿರುವುದು ವಿಶೇಷ. ‘ಚಿತ್ರದಲ್ಲಿ ಹುಟ್ಟುಹಬ್ಬದ ಕುರಿತಾದ ಒಂದು ಹಾಡಿದೆ. ಆ ಹಾಡು ತಯಾರಾದಾಗ, ನೀವೇ ಹಾಡಿದರೆ ಚೆನ್ನ ಎಂದು ಸಂಗೀತ ನಿರ್ದೇಶಕ ರವಿ ಬಸ್ರೂರು ಒತ್ತಾಯಿಸಿದರು. ಹಾಗಾಗಿ ಈ ಹಾಡನ್ನು ನಾನೇ ಹಾಡಿದ್ದೇನೆ. ಇದಕ್ಕೂ ಮುನ್ನ 'ಬಿಸಿಬಿಸಿ' ಚಿತ್ರಕ್ಕಾಗಿ ನಾಲ್ಕು ಸಾಲು ಹಾಡಿದ್ದೆ. ಈಗ ಮೊದಲ ಬಾರಿಗೆ ನನ್ನ ಪಾತ್ರಕ್ಕೆ ನಾನೇ ಪೂರ್ಣಪ್ರಮಾಣವಾಗಿ ಹಾಡಿದ್ದೇನೆ’ ಎನ್ನುತ್ತಾರೆ ರಮೇಶ್.

ಇನ್ನು ಚಿತ್ರದ ಬಗ್ಗೆ ಮಾತನಾಡುವ ಅವರು, 'ಇಂಟರ್​ನೆಟ್​ ಮತ್ತು ಸೋಷಿಯಲ್​ ಮೀಡಿಯಾಗಳನ್ನು ಅಗತ್ಯಕ್ಕೆ ತಕ್ಕಷ್ಟು ಬಳಸಿದರೆ ಅದು ವರ. ಅದೇ ಜಾಸ್ತಿಯಾದರೆ ಹೇಗೆ ಶಾಪವಾಗುತ್ತದೆ ಎಂದು ಈ ಚಿತ್ರದ ಮೂಲಕ ಹೇಳುವುದಕ್ಕೆ ಹೊರಟಿದ್ದೇವೆ. ತಂತ್ರಜ್ಱಆನವನ್ನು ಬಳಸಿಕೊಂಡು ನಯವಂಚಕರು ಮಹಿಳೆಯರ ಖಾಸಗೀ ಬದುಕಿನ ಮೇಲೆ ಹೇಗೆಲ್ಲಾ ಕಣ್ಣಿಡುತ್ತಾರೆ ಮತ್ತು ಏನೆಲ್ಲಾ ಆಟವಾಡುತ್ತಾರೆ ಎಂದು ಹೇಳುವ ಪ್ರಯತ್ನ ಮಾಡಿದ್ದೇವೆ. ಇದೊಂದು ಫ್ಯಾಮಿಲಿ ಕ್ರೈಮ್​ ಥ್ರಿಲ್ಲರ್​ ಚಿತ್ರ' ಎನ್ನುತ್ತಾರೆ ರಮೇಶ್​ ಅರವಿಂದ್​.

ಇದನ್ನೂ ಓದಿ: ಶಿವಸೇನಾ ಈಗ ಸೋನಿಯಾ ಸೇನಾ ಆಗಿದೆ … ಕಂಗನಾ ಆರೋಪ

ಈ ಚಿತ್ರದಲ್ಲಿ ರಮೇಶ್​ ಪೊಲೀಸ್‌ ಅಧಿಕಾರಿಯ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಜತೆಗೆ ಪೂರ್ಣಾ, ರಚಿತಾ ರಾಮ್​, ವಿಶ್ವ, ಅಮಿತಾ ರಂಗನಾಥ್ ಮುಂತಾದವರು ನಟಿಸಿದ್ದಾರೆ. ಇನ್ನು ಸತ್ಯ ಹೆಗಡೆ ಛಾಯಾಗ್ರಹಣ ಮಾಡಿದರೆ, ರವಿ ಬಸ್ರೂರು ಸಂಗೀತ ಸಂಯೋಜಿಸಿದ್ದಾರೆ. 'ಉಪ್ಪು ಹುಳಿ ಖಾರ', 'ಪಡ್ಡೆಹುಲಿ', 'ನಾತಿಚರಾಮಿ' ಮುಂತಾದ ಚಿತ್ರಗಳನ್ನು ನಿರ್ಮಿಸಿರುವ ರಮೇಶ್​ ರೆಡ್ಡಿ ಈ ಚಿತ್ರವನ್ನು ನಿರ್ಮಿಸಿದ್ದಾರೆ.

https://www.vijayavani.net/actor-paresh-rawal-appointed-chairperson-of-national-school-of-drama/