ಗಗನ್​​ ಮತ್ತು ಯಶಸ್​ ಮಧ್ಯೆ ಜಿದ್ದಾಜಿದ್ದಿ; ಪ್ರೀತಿ ಪಾತ್ರರ ಪತ್ರ ಪಡೆಯಲು ಟಫ್ ಟಾಸ್ಕ್ ಕೊಟ್ರು ಬಿಗ್​ಬಾಸ್, ತಾಂಡವ್​ಗೆ ಸ್ನೇಹದ ಅಗ್ನಿ ಪರೀಕ್ಷೆ

• ಗಗನ್​-ಯಶಸ್​ ಪತ್ರಕ್ಕಾಗಿ ಧನುಷ್-ತಾಂಡವ್​ ಮಧ್ಯೆ ಸ್ಪರ್ಧೆ

• ಗಗನ್​-ಯಶಸ್ ಇಬ್ಬರಲ್ಲಿ ಯಾರಿಗೆ ಸಿಗಲಿದೆ ಪ್ರೀತಿ ಪಾತ್ರರ ಪತ್ರ

• ಕಿರಣ್​ ಆಟದ ವಿರುದ್ಧ ವೀಕ್ಷಕರು ಕೆಂಡ, ಫಿನಾಲೆಗೆ ಹೋಗಲ್ಲ ಎಂದು ಕಿಡಿ

• ಪತ್ರ ಕಳೆದುಕೊಂಡ ಆಸಿಯಾಗೆ ವಿನೂತನವಾಗಿ ರಂಜಿಸಿದ ಸೌಂದರ್ಯ-ಯಶಸ್

ಲೋಕದ ಗೊಡವೆ ತಿಳಿಯದೆ, ಸೋಶಿಯಲ್​ ಮೀಡಿಯಾ ಬಳಕೆ ಮಾಡದೆ, ಕುಟುಂಬಸ್ಥರ ಜೊತೆ ಮಾತನಾಡದೆ ಬಿಗ್​ಬಾಸ್ ಮನೆಯಲ್ಲಿರುವ ಸ್ಪರ್ಧಿಗಳಿಗೆ ಸದ್ಯ ದೊಡ್ಡ ಅವಕಾಶ ಸಿಕ್ಕಿದೆ. ಹೌದು, ಸ್ಪರ್ಧಿಗಳಿಗೆ ತಮ್ಮ ಪ್ರೀತಿ ಪಾತ್ರರಿಂದ ಪತ್ರ ಬಂದಿದೆ. ಆದರೆ, ಇದನ್ನು ಪಡೆದುಕೊಳ್ಳಲು ಬಿಗ್​ಬಾಸ್ ಕೊಡುವ ಕಠಿಣ ಮತ್ತು ಸುಲಭ ಚಟುವಟಿಕೆಯಲ್ಲಿ ಸ್ಪರ್ಧಿಸಿ ತಾಳೆ ಹಾಗೂ ಪ್ರೀತಿಯಿಂದ ಗೆಲ್ಲಬೇಕು. ಸದ್ಯ ಇಂದು ಆ ಜಿದ್ದಾಜಿದ್ದಿಯಲ್ಲಿ ಯಶಸ್​ ಹಾಗೂ ಗಗನ್​ ಇದ್ದಾರೆ.

ಸದ್ಯ ರಿಲೀಸ್ ಆಗಿರುವ ಪ್ರೊಮೋ ಪ್ರಕಾರ ಬೆಳ್ಳಂಬೆಳಿಗ್ಗೆ ಇಡೀ ಮನೆಯನ್ನು ಮೌನದ ಗದ್ದಲಕ್ಕೆ ಬಿಗ್​ಬಾಸ್ ದೂಡಿದ್ದಾರೆ. ಸೈರನ್​ ಮೂಲಕ ಎಬ್ಬಿಸಿದ ಬಿಗ್​ಬಾಸ್ ಪತ್ರ ಪಡೆಯುವ ಕಠಿಣ ಟಾಸ್ಕ್​ನಲ್ಲಿ ಯಶಸ್ ಮತ್ತು ಗಗನ್​ ಮಧ್ಯೆ ಪೈಪೋಟಿ ಇಟ್ಟಿದ್ದಾರೆ.

ಏನಿದೆ ಟಾಸ್ಕ್​ನಲ್ಲಿ?

ಗಗನ್​ ಹಾಗೂ ಯಶಸ್​ಗೆ ತಮ್ಮ ಪ್ರೀತಿ ಪಾತ್ರರ ಪತ್ರ ಪಡೆಯುವ ಅವಕಾಶ ಸಿಕ್ಕಿದೆ. ಅವರ ಪರವಾಗಿ ಸ್ಪರ್ಧಿಸುವ ಸ್ಪರ್ಧಿಗಳು..ಗಾರ್ಡನ್​ ಏರಿಯಾದಲ್ಲಿ ಸೆಟ್​ ಮಾಡಲಾದ ಎತ್ತರದ ಕಂಬಗಳ ಮೇಲೆ ನಿಂತು, ಬೆಳಗಿನವರೆಗೆ ಬ್ಯಾಲೆನ್ಸ್ ಮಾಡಬೇಕಾದ ಕಠಿಣ ಪರೀಕ್ಷೆ ನೀಡಲಾಗಿದೆ. ಇದರಲ್ಲಿ ಸ್ಪರ್ಧಿಗಳು ತಾಳ್ಮೆ ಮತ್ತು ದೈಹಿಕ ಸಾಮರ್ಥ್ಯವನ್ನು ಸಾಬೀತುಪಡಿಸಬೇಕಿದೆ. ಯಶಸ್​ ಪರವಾಗಿ ಧನುಷ್​ ನಿಂತಿದ್ದು, ಗಗನ್​ ಪರವಾಗಿ ತಾಂಡವ್​ ರಾಮ್​ ಸ್ಪರ್ಧಿಸಿದ್ದಾರೆ. ಯಾರು ಹಿಡಿಕೆ ಹಿಡಿದು ಬಿಗ್​ಬಸ್ ಹೇಳುವರೆಗೂ ನಿಲ್ಲುತ್ತಾರೆಯೋ ಅವರಿಗೆ ತಮ್ಮ ಮನೆಯವರು ಕಲುಹಿಸಿರುವ ಪತ್ರ ಸಿಗಲಿದೆ.

ಕಿರಣ್ ವಿರುದ್ಧ ವೀಕ್ಷಕರು, ಸ್ಪರ್ಧಿಗಳು ಕೆಂಡ

ಜಗದೀಶ್​​​​ ಈ ವಾರ ಸ್ಪರ್ಧಿಗಳಿಗೆ ಬಿಗ್​ಬಾಸ್ ಕೊಟ್ಟ ಚಟುವಟಿಕೆ ಪ್ರಕಾರ ರ್ಯಾಂಕ್ ಕೊಟ್ಟಿದ್ದರು. ಇದರ ಅನುಸಾರ ಸ್ಪರ್ಧಿಗಳು ಸಾಲಿನಲ್ಲಿ ನಿಂತು ತಮ್ಮ ಮನೆಯವರಿಗಾಗಿ ಪತ್ರ ಪಡೆಯಲು ಟಾಸ್ಕ್​ ಆಡಬೇಕಿತ್ತು. ಒಂದು ಬಾಲ್ ಅನ್ನು ಅಡೆತಡೆಗಳ ನಡುವೆ ಸ್ಪರ್ಧಿಗಳು ಸಾಗಿಸುತ್ತಾ ಬರಬೇಕು. ಬಾಲ್ ಅಂತಿಮ ಸ್ಥಾನಕ್ಕೆ ತಲುಪಿದರೆ ಜಗದೀಶ್ ಅವರಿಗೆ ಮನೆಯ ಪತ್ರ ದೊರೆಯುತ್ತದೆ ಎನ್ನುವುದು ಟಾಸ್ಕ್​​

ಗಾನವಿ ಹಾಗೂ ಸೌಂದರ್ಯಾ ಶೆಟ್ಟಿ ಈ ಬಾಲ್​​ನ 5 ನಿಮಿಷದಲ್ಲಿ ಹಸ್ತಾಂತರ ಮಾಡಿದರು. ನಂತರ ಕಿರಣ್ ಶಾಸ್ತ್ರಿ ಅವರು ಈ ಬಾಲ್​​ನ ಪಾಸ್ ಮಾಡಲು ರೆಡಿ ಇರಲೇ ಇಲ್ಲ. ಅವರು ಉದ್ದೇಶಪೂರ್ವಕವಾಗಿ ಬಾಲ್​​ನ ಕೆಳಕ್ಕೆ ಬೀಳಿಸಿದ್ದು ಕಂಡು ಬಂದಿತು. ಮನೆಯವರೆಲ್ಲ ಈ ಬಗ್ಗೆ ಕಿಡಿಕಾರಿದರು. ಮೊದಲು ಕಿರಣ್ ತಾನು ತಪ್ಪೇ ಮಾಡಿಲ್ಲ ಎಂದರು. ಕೊನೆಗೆ ಗಾನವಿ....ಹಲವು ಬಾರಿ ಕೇಳಿದಾಗ ಕಿರಣ್​​ ಹೌದು ಬೇಕಂತಲೇ ಮಾಡಿದ್ದು ಎಂದು ಹೇಳಿದರು. ಬಿಗ್​ಬಾಸ್​ ಸ್ಪರ್ಧಿಗಳು ಮಾತ್ರವಲ್ಲದೆ ಕಿರಣ್​ ಶಾಸ್ತ್ರಿಯ ಈ ನಡತೆ ವಿರುದ್ಧ ವೀಕ್ಷಕರು ಕಿಡಿಕಾರಿದ್ದಾರೆ. ಇಂತಹ ಮನಸ್ಥಿತಿ ಇದ್ರೆ ಖಂಡಿತ ಫಿನಾಲೆ ತಲುಪಲ್ಲ ಎಂದಿದ್ದಾರೆ.

ಆಸಿಯಾ -ಗಾನವಿ ಪತ್ರ ಸಿಕ್ಕಿದ್ದು ಯಾರಿಗೆ

ಮನೆಯ ಸ್ಪರ್ಧಿಗಳ ಮನವೊಲಿಸಿ, ಗಾನವಿ ಮತ್ತು ಆಸಿಯಾ ಪತ್ರ ತೆಗೆದುಕೊಳ್ಳಬೇಕಾಗಿತ್ತು. ಆಸಿಯಾಗೆ ಕಿರಣ್​​, ಯಶಸ್​, ಸೌಂದರ್ಯ, ಜಗದೀಶ್​ ವೋಟ್ ಮಾಡಿದ್ದರೆ. ಮಿಕ್ಕ ಸ್ಪರ್ಧಿಗಳೆಲ್ಲರೂ ಗಾನವಿಗೆ ವೋಟ್ ಮಾಡಿದರು. ಆಕೆ ಸಿಂಗಲ್ ಪೇರೆಂಟ್ ಎಂದು ಆಕೆಯ ಪರ ನಿಂತರು. ಗಾನವಿ ಲೆಟರ್​ ಬರುತ್ತಿದ್ದಂತೆ ಆಸಿಯಾ ಇತ್ತ ಜೋರಾಗಿ ಅಳಲು ಶುರು ಮಾಡಿದರು. ಆಗ ಸೌಂದರ್ಯಾ ಶೆಟ್ಟಿ ಹಾಗೂ ಯಶಸ್​ ಆಸಿಯಾರನ್ನು ರಂಜಿಸಿದ ಬಗ್ಗೆ ವೀಕ್ಷಕರು ಕೊಂಡಾಡಿದ್ದಾರೆ, (ಏಜೆನ್ಸೀಸ್).