‘ನಾನು ನನ್ನ ಮನೆಯಿಂದ ಹೊರಹೋಗುವಾಗ ಹೇಗೆ ಹೋಗಿದ್ದೆನೋ, ಅದೇ ಮನಸ್ಥಿತಿಯಲ್ಲಿಯೇ ‘ಬಿಗ್ಬಾಸ್’ ಮನೆಯ ಹೊಸ್ತಿಲು ತುಳಿದಿದ್ದೆ. ಖುಷಿಯ ವಿಚಾರ ಏನೆಂದರೆ, ಭಗವಂತ ಆ ದೊಡ್ಡ ವೇದಿಕೆಯಲ್ಲಿ 15 ದಿನ ಇರಲು ನನಗೆ ಅವಕಾಶ ನೀಡಿದ್ದ್ದು. ಅದನ್ನು ಅಷ್ಟೇ ಚೆನ್ನಾಗಿ ಬಳಸಿಕೊಂಡಿದ್ದೇನೆ. ಇನ್ನು, ಕಷ್ಟದ ಬಗ್ಗೆ ಮಾತನಾಡುವುದಾದರೆ, ನಾನೂ ನಿರ್ವಪಕಿ ಆಗಿರುವುದರಿಂದ ಸಾಕಷ್ಟು ಕಷ್ಟ-ನಷ್ಟಗಳನ್ನು ನೊಡಿದ್ದೇನೆ. ಆ ಕಷ್ಟದ ಅರಿವು ನನಗೂ ಇದೆ. ಹಾಗಾಗಿ ಬಿಗ್ ಮನೆಯಲ್ಲಿ ಇದ್ದಿದ್ದು ಕಷ್ಟ ಅನಿಸಲಿಲ್ಲ’ ಎನ್ನುತ್ತಾರೆ ನಿರ್ಮಲಾ. ‘ಕ್ಯಾಮರಾ ಮುಂದೆ ನಾನು ಸಾಕಷ್ಟು ಮಾತನಾಡಿದ್ದೇನೆ. ಅದು ನಿಜ. ನನಗೆ ಅನಿಸಿದ ಕಥೆಗಳು, ನೀತಿ ಪಾಠಗಳು, ವಿವೇಕಾನಂದ, ಅಬ್ದುಲ್ ಕಲಾಂ, ಡಾ. ರಾಜಕುಮಾರ್, ಓಬವ್ವ, ತಿಮ್ಮಕ್ಕ ಸೇರಿ ಸಾಕಷ್ಟು ಮಂದಿಯ ನೀತಿ ಪಾಠಗಳನ್ನು ಹೇಳಿಕೊಂಡಿದ್ದೇನೆ. ಕರೊನಾ ದಿನಗಳಲ್ಲಿ ಎದುರಾದ ಸಮಸ್ಯೆ ಬಗ್ಗೆ ಮಾತನಾಡಿದ್ದೇನೆ. ಆತ್ಮಹತ್ಯೆ ಅನ್ನೋ ಸುಳಿಗೆ ಸಿಲುಕುವವರಿಗೆ ಧೈರ್ಯವನ್ನೂ ತುಂಬಿದ್ದೇನೆ. ಆದರೆ, ಅವೆಲ್ಲವೂ ತೆರೆಯ ಮೇಲೆ ಬರುವುದಿಲ್ಲ. ನನ್ನ ಭಾಗದ ವಿಡಿಯೋಗಳನ್ನು ಬೇಕಾದರೆ ವೂಟ್ನಲ್ಲಿ ನೋಡಬಹುದು. ಅಲ್ಲಿ ನಾನು ಹೇಗಿದ್ದೆ ಎಂಬುದು ಗೊತ್ತಾಗುತ್ತದೆ’ ಎನ್ನುತ್ತಾರೆ ನಿರ್ಮಲಾ.
