ಬರ್ಲಿನ್​ ಚಿತ್ರೋತ್ಸವಕ್ಕೆ ಬರಗೂರರ 'ಬಯಲಾಟದ ಭೀಮಣ್ಣ' ಆಯ್ಕೆ

ಬೆಂಗಳೂರು: ಖ್ಯಾತ ಸಾಹಿತಿ ಡಾ. ಬರಗೂರು ರಾಮಚಂದ್ರಪ್ಪ ಅವರು ಬರೆದು ನಿರ್ದೇಶಿಸಿರುವ 'ಬಯಲಾಟದ ಭೀಮಣ್ಣ' ಚಿತ್ರವು ಬರ್ಲಿನ್​ ಅಂತಾರಾಷ್ಟ್ರೀಯ ಆರ್ಟ್​ ಚಿತ್ರೋತ್ಸವದ ಸ್ಪರ್ಧಾ ವಿಭಾಗಕ್ಕೆ ಆಯ್ಕೆಯಾಗಿದೆ.

ಇದನ್ನೂ ಓದಿ: ‘ಟಾಯ್ಲೆಟ್​’ ನಂತರ ಅಕ್ಷಯ್​ ಅಭಿನಯದ ಇನ್ನೊಂದು ಚಿತ್ರಕ್ಕೆ ನಾಯಕಿಯಾದ ಭೂಮಿ

ಬಯಲು ಸೀಮೆಯಲ್ಲಿ ಪ್ರಸಿದ್ಧವಾದ ಬಯಲಾಟದ ಕಲಾವಿದನನ್ನು ಕೇಂದ್ರವಾಗಿಟ್ಟುಕೊಂಡು ಗ್ರಾಮೀಣ ಕಲಾವಿದರ ಆಸೆ-ಆಕಾಂಕ್ಷೆ, ಸವಾಲುಗಳ ಸುತ್ತ ಈ ಸಿನಿಮಾ ಬೆಳಕು ಚೆಲ್ಲುತ್ತದೆ. ಕಲಾಭಿವ್ಯಕ್ತಿಗೆ ಒದಗುವ ಸರ್ವಾಧಿಕಾರಿ ಸವಾಲುಗಳನ್ನು ಎದುರಿಸುವ ಯುವ ಲೇಖಕನ ಪಾತ್ರದ ಮೂಲಕ ಅಭಿವ್ಯಕ್ತಿ ಸ್ವಾತಂತ್ರ್ಯದ ಪ್ರಶ್ನೆಯನ್ನು ಈ ಚಿತ್ರದಲ್ಲಿ ಅಂತರ್ಗತ ಮಾಡಲಾಗಿದೆ.

2018ರ ಡಿಸೆಂಬರ್​ನಲ್ಲೇ ಈ ಚಿತ್ರ ಸೆನ್ಸಾರ್​ ಆಗಿ, ಬಿಡುಗಡೆಯಾಗುವುದಕ್ಕೆ ಸಜ್ಜಾಗಿತ್ತು. ಈ ಚಿತ್ರವನ್ನು ಮೊದಲಿಗೆ 'ಸಮುದಾಯದತ್ತ ಸಿನಿಮಾ' ಪರಿಕಲ್ಪನೆಯ 'ಚಿತ್ರಯಾತ್ರೆ' ಮೂಲಕ ನೂರಾರು ಊರುಗಳಲ್ಲಿ ಪ್ರದರ್ಶನ ಮಾಡಲಾಗಿತ್ತು. ಕರೊನಾ ನಂತರ ಚಿತ್ರದ ಅಧಿಕೃತ ಬಿಡುಗಡೆಗೆ ತಯಾರಿ ನಡೆಸಲಾಗಿದೆ.

ಭೀಮಣ್ಣನ ಪಾತ್ರದಲ್ಲಿ ಸುಂದರ್​ರಾಜ್​ ಅಭಿನಯಿಸಿದ್ದಾರೆ. ಜತೆಗೆ ರಂಜಿತ್​, 'ಸ್ಪರ್ಶ' ರೇಖಾ, ಹನುಮಂತೇಗೌಡ, ಪ್ರಮೀಳಾ ಜೋಷಾಯ್​, ರಾಧಾ ರಾಮಚಂದ್ರ, ವತ್ಸಲಾ ಮೋಹನ್​, ಅಂಬರೀಶ್​ ಸಾರಂಗಿ ಮುಂತಾದವರು ಚಿತ್ರದಲ್ಲಿ ನಟಿಸಿರುವ ಈ ಚಿತ್ರಕ್ಕೆ ಡಾ. ಶಮಿತಾ ಮಲ್ನಾಡ್​ ಸಂಗೀತ ಸಂಯೋಜಿಸಿದ್ದಾರೆ. ಸಂಚಾರಿ ವಿಜಯ್​ ಮತ್ತು ಸುಂದರ್​ರಾಜ್​ ಅವರು ಈ ಚಿತ್ರಕ್ಕಾಗಿ ತಲಾ ಒಂದೊಂದು ಹಾಡು ಹಾಡಿರುವುದು ವಿಶೇಷ.

ಇದನ್ನೂ ಓದಿ: ವಿಶ್ವನಾಥನ್​ ಆನಂದ್​ ಜತೆಗೆ ಚೆಸ್​ ಆಡಲಿದ್ದಾರೆ ಆಮೀರ್​ ಖಾನ್​!

ಈ ಚಿತ್ರವು ಬರಗೂರು ರಾಮಚಂದ್ರಪ್ಪ ಅವರ 'ಬಯಲಾಟದ ಭೀಮಣ್ಣ' ಎಂಬ ಕಥೆಯನ್ನು ಆಧರಿಸಿದ್ದು, ಬರಗೂರರೇ ಚಿತ್ರಕಥೆ, ಸಂಭಾಷನೆ ಹಾಗೂ ಹಾಡುಗಳನ್ನು ಬರೆದಿದ್ದಾರೆ.

https://www.vijayavani.net/parineethi-chopra-says-she-was-once-a-pro-to-anushka-sharma/