‘ಬ್ಯಾಡ್ ಮ್ಯಾನರ್ಸ್’ ಚಿತ್ರದಲ್ಲಿ ಮಗಾಯ್ ಎಂಬ ಹಾರ್ಡ್ಕೋರ್ ಕ್ರಿಮಿನಲ್ ಪಾತ್ರದ ಮೂಲಕ ಗಮನ ಸೆಳೆದ ನಟ ರೋಚಿತ್. ಚಿತ್ರದ ಕ್ಲೈಮ್ಯಾಕ್ಸ್ನಲ್ಲಿ ತಮ್ಮ ವಿಭಿನ್ನ ಮ್ಯಾನರಿಸಂ ಮೂಲಕ ಪ್ರೇಕ್ಷಕರಿಂದ ಚಪ್ಪಾಳೆ ಗಿಟ್ಟಿಸಿಕೊಂಡಿದ್ದರು. ದುನಿಯಾ ಸೂರಿ ನಿರ್ದೇಶನ, ಅಭಿಷೇಕ್ ಅಂಬರೀಷ್ ನಾಯಕನಾಗಿ ನಟಿಸಿದ್ದ ‘ಬ್ಯಾಡ್ ಮ್ಯಾನರ್ಸ್’ನಲ್ಲಿ ಖಳನಾಯಕನಾಗಿ ಮಿಂಚುವ ಮುನ್ನ ರೋಚಿತ್, ನೃತ್ಯನಿರ್ದೇಶಕ ಇಮ್ರಾನ್ ಸರ್ದಾರಿಯಾ ಆ್ಯಕ್ಷನ್-ಕಟ್ ಹೇಳಿದ್ದ ‘ಉಪ್ಪು ಹುಳಿ ಖಾರ’ ಚಿತ್ರದಲ್ಲಿ ಹೀರೋ ಆಗಿ ನಟಿಸಿದ್ದರು. ಇದೀಗ ವಿಲನ್ ಆದ ಬಳಿಕ ಅವರಿಗೆ ಬೇಡಿಕೆ ಹೆಚ್ಚಿದೆ. ‘ನಾನು ಬೆಂಗಳೂರಿನ ಹುಡುಗ. ಮೊದಲಿಂದಲೂ ನಟನಾಗುವ ಆಸೆಯಿತ್ತು. ಹೀಗಾಗಿ ಸ್ಟಾವೇರ್ ಇಂಜಿನಿಯರಿಂಗ್ ಪೂರ್ಣಗೊಳಿಸಿ ಕಲಾಗಂಗೋತ್ರಿಯಲ್ಲಿ ಮೂರು ವರ್ಷಗಳ ಕಾಲ ರಂಗಭೂಮಿ ಅನುಭವ ಪಡೆದೆ. ಅದೇ ಸಮಯದಲ್ಲಿ ‘ಓಂ ಶಕ್ತಿ, ಓಂ ಶಾಂತಿ’ ಧಾರಾವಾಹಿಯಲ್ಲಿ ನಟಿಸುವ ಅವಕಾಶ ದೊರೆಯಿತು. ಜತೆಗೆ ಇಮ್ರಾನ್ ಸರ್ದಾರಿಯಾ ಸರ್ ಸಿನಿಮಾದಲ್ಲೂ ನಟಿಸಿದೆ’ ಎಂದು ಹೇಳಿಕೊಳ್ಳುತ್ತಾರೆ.
