ಬಚ್ಚನ್​ಗಾಗಿ ಒಂದಾದ ಅಕ್ಷಯ್​-ಪೂಜಾ

ಅಕ್ಷಯ್​ ಕುಮಾರ್​ ನಟಿಸುತ್ತಿರುವ "ಬಚ್ಚನ್​ ಪಾಂಡೆ' ಸಿನಿಮಾದಲ್ಲಿ ಎಷ್ಟು ಜನ ನಾಯಕಿಯರು ಇರಬಹುದು? ಹೀಗೊಂದು ಪ್ರಶ್ನೆ ಇದೀಗ ಹೊಸದಾಗಿ ಕಾಡುತ್ತಿದೆ. ಈಗಾಗಲೇ ಈ ಚಿತ್ರದಲ್ಲಿ ಅಕ್ಷಯ್​ಗೆ ನಟಿ ಕೃತಿ ಸನೋನ್​ ನಾಯಕಿ ಎಂಬುದು ಅಧಿಕೃತವಾಗಿದೆ. ಅಷ್ಟೇ ಅಲ್ಲ ಜಾಕ್​ಲೀನ್​ ರ್ನಾಂಡೀಸ್​ ಸಹ ಈ ಸಿನಿಮಾದಲ್ಲಿದ್ದಾರೆ. ಹೀಗಿರುವಾಗಲೇ ಇದೇ ಚಿತ್ರಕ್ಕೆ ಮತ್ತೊಬ್ಬ ನಟಿಯೂ ಎಂಟ್ರಿಯಾಗಲಿದ್ದಾರಂತೆ.

ಯಾರವರು? ನಟಿ ಪೂಜಾ ಹೆಗ್ಡೆ! ಹೌದು, ಬಾಲಿವುಡ್​ ಮತ್ತು ದಣದ ಸಿನಿಮಾರಂಗದಲ್ಲಿ ಮುಂಚೂಣಿಯಲ್ಲಿರುವ ಮತ್ತು ಸಾಲುಸಾಲು ಸಿನಿಮಾಗಳಲ್ಲಿ ಬಿಜಿಯಾಗಿರುವ ಪೂಜಾ, ಇದೀಗ ಮತ್ತೆ ಅಕ್ಷಯ್​ ಸಿನಿಮಾದಲ್ಲಿ ನಟಿಸಲಿದ್ದಾರಂತೆ. ಚಿತ್ರದಲ್ಲಿನ ಮುಖ್ಯವಾದ ಪಾತ್ರವೊಂದಕ್ಕೆ ಪೂಜಾ ಸರಿಯಾದ ಹೊಂದಾಣಿಕೆಯೆಂದು ನಿರ್ಧರಿಸಿರುವ ನಿರ್ಮಾಪಕ ಸಾಜಿದ್​ ನಾಡಿಯಾದ್ವಾಲ, ಪೂಜಾ ಅವರನ್ನೂ ಭೇಟಿ ಮಾಡಿ ಸಿನಿಮಾ ಮಾತುಕತೆ ನಡೆಸಿದ್ದಾರೆ ಎನ್ನಲಾಗುತ್ತಿದೆ.

ಅಂದಹಾಗೆ, "ಬಚ್ಚನ್​ ಪಾಂಡೆ' ತಮಿಳಿನ "ಜಿಗರ್​ಥಂಡ' ಚಿತ್ರದ ರಿಮೇಕ್​. ಕಾಲಿವುಡ್​ನಲ್ಲಿ ಮೂಲ ಚಿತ್ರವನ್ನು ಕಾರ್ತಿಕ್​ ಸುಬ್ಬರಾಜು ನಿರ್ದೇಶನ ಮಾಡಿದ್ದರು. ಇದೀಗ ರ್ಹಾದ್​ ಸಾಮ್ಜಿ ಹಿಂದಿ ಚಿತ್ರಕ್ಕೆ ಆ್ಯಕ್ಷನ್​&ಕಟ್​ ಹೇಳುತ್ತಿದ್ದಾರೆ. ಇನ್ನುಳಿದಂತೆ ಪಂಕಜ್​ ತ್ರಿಪಾಠಿ, ಅರ್ಷದ್​ ವಾರ್ಸಿ ಸೇರಿ ಹಲವು ಈ ಚಿತ್ರದ ಪಾತ್ರವರ್ಗದಲ್ಲಿದ್ದಾರೆ. ಅರ್ಧ ಭಾಗದ ಚಿತ್ರೀಕರಣವನ್ನೂ ಮುಗಿಸಿರುವ ತಂಡ, 2022ಕ್ಕೆ ತೆರೆಗೆ ಬರಲಿದೆ. ಏಜೆನ್ಸೀಸ್​