ಈ ಕುರಿತು ‘ವಿಜಯವಾಣಿ’ ಜತೆಗೆ ಮಾತನಾಡಿದ ಅವರು, ‘ಮುಂಚೆ ಚಿತ್ರವನ್ನು ನ.19ರಂದು ಬಿಡುಗಡೆ ಮಾಡುವ ಯೋಚನೆ ಇತ್ತು. ಸುನಿ ನಿರ್ದೇಶನದ ‘ಸಖತ್’ ಚಿತ್ರ ನ.12ಕ್ಕೆ ಬರುವ ಸಾಧ್ಯತೆ ಇದೆ. ‘ಅವತಾರ್ ಪುರುಷ’ ಚಿತ್ರವನ್ನೂ ಅವರೇ ನಿರ್ದೇಶಿಸಿರುವುದಿಂದ, ಎರಡೂ ಚಿತ್ರಗಳ ಮಧ್ಯೆ ಕನಿಷ್ಠ ಎರಡು ವಾರಗಳ ಗ್ಯಾಪ್ ಇರಲಿ ಎಂದು ನ. 26ಕ್ಕೆ ಬಿಡುಗಡೆ ಮಾಡುವ ಬಗ್ಗೆ ತಯಾರಿ ನಡೆಸಿದ್ದೇವೆ’ ಎನ್ನುತ್ತಾರೆ ಪುಷ್ಕರ್. ಈಗಾಗಲೇ ಗೊತ್ತಿರುವಂತೆ, ‘ಅವತಾರ ಪುರುಷ’ ಚಿತ್ರವು ಎರಡು ಭಾಗಗಳಲ್ಲಿ ನಿರ್ವಣವಾಗಿದೆ. ಈ ಎರಡು ಭಾಗಗಳ ಮಧ್ಯೆ ಮೂರು ತಿಂಗಳ ಅಂತರ ಇರಲಿದೆಯಂತೆ. ಮೊದಲ ಭಾಗ ನವೆಂಬರ್ ಕೊನೆಗೆ ಬಂದರೆ, ಮುಂದುವರೆದ ಭಾಗ ಫೆಬ್ರವರಿ ಕೊನೆಯಲ್ಲಿ ಬಿಡುಗಡೆಯಾಗಲಿದೆ.
