ಶರಣ್ಗೆ ಹೇಳಿ ಮಾಡಿಸಿದ ಕಥೆ ಇದು. ಅವರ ಲವಲವಿಕೆಯ ಅಭಿನಯ, ಮ್ಯಾನರಿಸಂ ಎಲ್ಲವೂ ಚಿತ್ರದ ಓಟಕ್ಕೆ ಪೂರಕವಾಗಿದೆ. ಕೆಲವು ದೃಶ್ಯಗಳಲ್ಲಿ ಅವರ ಚಯೆರ್ಗಳು ವಿಚಿತ್ರವೆನಿಸಿದರೂ, ಅಂತ್ಯದಲ್ಲಿ ಅದಕ್ಕೊಂದು ಉತ್ತರ ಸಿಗುತ್ತದೆ. ಚಿತ್ರದಲ್ಲಿ ದೊಡ್ಡ ತಾರಾಬಳಗವಿದೆ. ಸಾಯಿಕುಮಾರ್, ಆಶಿಕಾ ರಂಗನಾಥ್, ಶ್ರೀನಗರ ಕಿಟ್ಟಿ, ಸಾಧು ಕೋಕಿಲ, ಸುಧಾರಾಣಿ, ಭವ್ಯ, ಬಿ. ಸುರೇಶ, ಅಯ್ಯಪ್ಪ ಶರ್ಮ ಎಲ್ಲರೂ ತಮ್ಮ ಕೆಲಸವನ್ನು ಅಚ್ಚುಕಟ್ಟಾಗಿ ಮಾಡಿದ್ದಾರೆ. ಅರ್ಜುನ್ ಜನ್ಯ ಸಂಗೀತ, ವಿಲಿಯಂ ಡೇವಿಡ್ ಛಾಯಾಗ್ರಹಣ ಎಲ್ಲವೂ ಚಿತ್ರದ ಮೆರಗನ್ನು ಇನ್ನಷ್ಟು ಹೆಚ್ಚಿಸುತ್ತದೆ. ಮೊದಲ ಭಾಗದ ಬಗ್ಗೆ ತಪು$್ಪಗಳನ್ನು ಕಂಡುಹಿಡಿಯುವುದು ಕಷ್ಟ. ಇನ್ನು, ಸುನಿ ಎರಡನೆಯ ಭಾಗವನ್ನು ಹೇಗೆ ಶುರು ಮಾಡುತ್ತಾರೆ ಮತ್ತು ಇನ್ನೂ ಯಾವ್ಯಾವ ಹೊಸ ಅವತಾರಗಳನ್ನು ತೆರೆದಿಡುತ್ತಾ ಹೋಗುತ್ತಾರೋ? ಉತ್ತರಕ್ಕೆ "ಅವತಾರ ಪುರುಷ 2' ನೋಡಿ. ಅದಕ್ಕೂ ಮುನ್ನ ಮೊದಲ ಭಾಗ ನೋಡಿ.
