ಇದಕ್ಕೊಂದು ಉದಾಹರಣೆ ನೀಡಿದ ಅವರು, 'ಕೆಲವು ವರ್ಷಗಳ ಹಿಂದೆ'ಮರಾಠಿಯಲ್ಲಿ 'ಸೈರಾಟ್' ಎಂಬ ಚಿತ್ರ ಬಿಡುಗಡೆಯಾಯಿತು. ಈ ಚಿತ್ರ ಸೂಪರ್ ಹಿಟ್ ಆಗಿದ್ದಷ್ಟೇ ಅಲ್ಲ, ಹೊರಗೆ ದೊಡ್ಡ ಮಾರುಕಟ್ಟೆ ಇದೆ ಎಂದು ಹಲವರಿಗೆ ಮನವರಿಕೆಯಾಯಿತು. ಅದಾಗುತ್ತಿದ್ದಂತೆಯೇ ಎಲ್ಲರೂ ತಮ್ಮ ತನ ಮರೆತು, ಬೇರೆ ತರಹ ಸಿನಿಮಾ ಮಾಡುವುದಕ್ಕೆ ಹೊರಟರು. ಎಲ್ಲರೂ 'ಸೈರಾಟ್' ಚಿತ್ರವನ್ನೇ ಅನುಕರಣೆ ಮಾಡುವುದಕ್ಕೆ ನಿಂತರು. ಇದರಿಂದ ಮರಾಠಿ ಚಿತ್ರರಂಗಕ್ಕೆ ಸಮಸ್ಯೆ ಆಯಿತು. ಈಗಾಗುತ್ತಿರುವುದು ಸಹ ಅದೇ. ಪ್ಯಾನ್ ಇಂಡಿಯಾ ಟ್ರೆಂಡ್ನಿಂದಾಗಿ, ಎಲ್ಲರೂ ಪ್ಯಾನ್ ಇಂಡಿಯಾ ಸಿನಿಮಾ ಮಾಡುವುದಕ್ಕೆ ಹೊರಟಿದ್ದಾರೆ. ಇದರಲ್ಲಿ ಗೆಲ್ಲುವವರು ಕೆಲವರು ಮಾತ್ರ. ಹಾಗಂತ ಎಲ್ಲರೂ ಅದನ್ನೇ ಮಾಡುವುದಕ್ಕೆ ಹೊರಟರೆ, ದುರಂತವಾಗುತ್ತದೆ. ಬಾಲಿವುಡ್ನಲ್ಲೂ ಇದೇ ತರಹ ಆಯಿತು. ಹಾಗಾಗಿ, ಒಂದು ಕಥೆಗೆ ಏನು ಸಾಮರ್ಥ್ಯವಿದೆಯೋ ಅಷ್ಟನ್ನು ಮಾತ್ರ ಮಾಡಬೇಕು. ಕಥೆ ಮತ್ತು ಬಜೆಟ್ ಚಿಕ್ಕದಾಗಿದ್ದರೂ ಪ್ಯಾನ್ ಇಂಡಿಯಾ ಎಂದು ಹಿಗ್ಗಿಸುತ್ತಾ ಹೋದರೆ ಎಲ್ಲರಿಗೂ ಸೋಲಾಗುತ್ತದೆ' ಎಂದಿದ್ದಾರೆ ಅನುರಾಗ್ ಕಶ್ಯಪ್.
