ಸಿನಿಮಾ ತಾರೆಯರ ಸಾಮಾಜಿಕ ಜಾಲತಾಣಗಳು ಆಗಾಗ ಹ್ಯಾಕ್ ಆಗೋದು ಕಾಮನ್. ಕೆಲ ಕಾಲ ಗಲಿಬಿಲಿ ಸೃಷ್ಟಿಸಿ ಆತಂಕ ಮೂಡಿಸಿ ಸೆಲೆಬ್ರಿಟಿಗಳನ್ನು ತಬ್ಬಿಬ್ಬು ಮಾಡಿಬಿಡುತ್ತಾರೆ ಚಾಲಾಕಿ ಹ್ಯಾಕರ್ಗಳು. ಈಗ ಬಹುಭಾಷಾ ನಟಿ, ನಟ ಸಾರ್ವಭೌಮನ ಒಡತಿ ಅನುಪಮಾ ಪರಮೇಶ್ವರನ್ ಅವರ ಫೇಸ್ಬುಕ್ ಖಾತೆಯನ್ನು ಹ್ಯಾಕ್ ಮಾಡಿದ್ದಾರೆ. ಅಷ್ಟೇ ಅಲ್ಲ ಒಂದಷ್ಟು ಫೋಟೋಗಳಿಗೆ ಮಾರ್ಕ್ ಮಾಡಿ ಅಪ್ಲೋಡ್ ಮಾಡಿದ್ದಾರೆ. ಈ ವಿಚಾರ ಅನುಪಮಾ ಗಮನಕ್ಕೆ ಬಂದಿದ್ದೇ ತಡ, ಸಾಮಾಜಿಕ ಜಾಲತಾಣದಲ್ಲಿ ಯಾರೋ ಈಡಿಯಟ್ವೊಬ್ಬ ನನ್ನ ಫೇಸ್ಬುಕ್ ಖಾತೆ ಹ್ಯಾಕ್ ಮಾಡಿದ್ದಾನೆ. ಹಾಗಾಗಿ ಅದನ್ನು ನಿಮ್ಮ ಗಮನಕ್ಕೆ ತರುತ್ತಿದ್ದೇನೆ ಎಂದಿದ್ದಾರೆ.
ಅಷ್ಟೇ ಅಲ್ಲ ಹ್ಯಾಕರ್ಗೆ ಚೆನ್ನಾಗಿ ಕ್ಲಾಸ್ ಸಹ ತೆಗೆದುಕೊಂಡಿದ್ದಾರೆ ಅನುಪಮಾ. ನಿಮ್ಮ ಮನೆಯಲ್ಲಿ ಅಮ್ಮ, ಅಕ್ಕತಂಗಿಯರು ಇಲ್ಲವಾ. ನಿಮ್ಮ ಬುದ್ಧಿಯನ್ನು ಒಳ್ಳೆಯ ಕೆಲಸಗಳಿಗೆ ಬಳಸಿಕೊಳ್ಳಿ. ಇಂಥ ಕೆಟ್ಟ ಕೆಲಸಕ್ಕಲ್ಲ.. ಎಂದು ಆತನ ಚಳಿ ಬಿಡಿಸಿದ್ದಾರೆ. ಅಂದಹಾಗೆ, ಅನುಪಮಾ ಪರಮೇಶ್ವರನ್ ನಟಸಾರ್ವಭೌಮ ಸಿನಿಮಾ ಮೂಲಕ ಕನ್ನಡಕ್ಕೆ ಆಗಮಿಸಿದ್ದರು.
