‘ಚೀನಿ ಕಮ್ ಖ್ಯಾತಿಯ ಆರ್. ಬಾಲ್ಕಿ ನಿರ್ದೇಶನದ ‘ಚುಪ್’ ಚಿತ್ರ ಸದ್ದಿಲ್ಲದೆ ಮುಕ್ತಾಯ ವಾಗಿದೆ. ಸೆ. 23ಕ್ಕೆ ಚಿತ್ರ ಬಿಡುಗಡೆಯಾಗುತ್ತಿದೆ. ಬಾಲ್ಕಿ ನಿರ್ದೇಶನದ ಚಿತ್ರದಲ್ಲಿ ಬಾಲಿವುಡ್ ‘ಬಿಗ್ ಬಿ’ ಅಮಿತಾಭ್ ಬಚ್ಚನ್ ಸಾಮಾನ್ಯವಾಗಿ ಇದ್ದೇ ಇರುತ್ತಾರೆ. ‘ಚೀನಿ ಕಮ್ ಇರಲಿ, ‘ಪಾ’, ‘ಶಮಿತಾಭ್’ ಆಗಲೀ ಎಲ್ಲ ಚಿತ್ರಗಳಲ್ಲೂ ಕಾಣಿಸಿಕೊಂಡಿದ್ದರು. ಆದರೆ, ‘ಚುಪ್’ ಚಿತ್ರದಲ್ಲಿ ಮಾತ್ರ ಅವರಿಲ್ಲ. ಪೋಸ್ಟರ್ನಲ್ಲಿ ಸನ್ನಿ ಡಿಯೋಲ್, ದುಲ್ಕರ್ ಸಲ್ಮಾನ್, ಪೂಜಾ ಭಟ್ ಮುಂತಾದವರು ಕಾಣಿಸುತ್ತಾರೆ. ಹಾಗಾದರೆ, ಈ ಚಿತ್ರದಲ್ಲಿ ಅಮಿತಾಭ್ ಬಚ್ಚನ್ ಇರುವುದಿಲ್ಲವಾ? ಎಂಬ ಪ್ರಶ್ನೆಗೆ, ನಟರಾಗಿ ಇರುವುದಿಲ್ಲ ಸಂಗೀತ ನಿರ್ದೇಶಕರಾಗಿ ಇರುತ್ತಾರೆ ಎಂದು ಉತ್ತರಿಸುತ್ತಾರೆ ಬಾಲ್ಕಿ.
