3ನೇ ಮದುವೆ ವಿವಾದ! ಆಮಿರ್ ಖಾನ್​​ನನ್ನು ಕೊಂದರೆ 5 ಕೋಟಿ ರೂ. ಬಹುಮಾನ ನೀಡುತ್ತೇನೆ ಎಂದ ಅಯೋಧ್ಯೆ ಸಂತ.. Aamir Khan Marriage controversy

ಆಮಿರ್ ಖಾನ್ ಅವರ ಮೂರನೇ ಮದುವೆಯ ನಿರ್ಧಾರದ ವಿರುದ್ಧ ಅಯೋಧ್ಯೆಯ ಸಂತ ಜಗದ್ಗುರು ಪರಮಹಂಸ ಆಚಾರ್ಯರು ತೀವ್ರ ಕಿಡಿಕಾರಿದ್ದಾರೆ. ಆಮಿರ್ ಖಾನ್ ಇದುವರೆಗೆ ಮೂರು ಬಾರಿ ಮದುವೆಯಾಗಿದ್ದು, ಮೂರೂ ಬಾರಿಯೂ ಹಿಂದೂ ಮಹಿಳೆಯರನ್ನೇ ಆಯ್ಕೆ ಮಾಡಿಕೊಂಡಿದ್ದಾರೆ. ಸಾಯುವ ವಯಸ್ಸಿಗೆ ಬಂದರೂ ಅವರು ಲವ್ ಜಿಹಾದ್ ಸಂದೇಶವನ್ನೇ ಹರಡುತ್ತಿದ್ದಾರೆ ಎಂದು ಗಂಭೀರ ಆರೋಪ ಮಾಡಿದ್ದಾರೆ.

ಆದಾಗ್ಯೂ, ಮಹಾರಾಷ್ಟ್ರ ಸರ್ಕಾರದ ಸಚಿವ ನಿತೇಶ್ ರಾಣೆ ಅವರು ಆಮಿರ್ ಖಾನ್ ವಿರುದ್ಧ ಮಾಡಿರುವ ಎಲ್ಲಾ ಆರೋಪಗಳೂ ನಿಜ. ಇಂತಹ ವ್ಯಕ್ತಿಗಳು ಸಮಾಜದಲ್ಲಿ ಅತ್ಯಂತ ಗಂಭೀರ ಅಪರಾಧಿಗಳಾಗಿದ್ದು, ಲವ್ ಜಿಹಾದ್ ಉತ್ತೇಜಿಸಲು ಪಿತೂರಿ ನಡೆಸುತ್ತಿದ್ದಾರೆ. ಯಾರಾದರೂ ಆಮಿರ್ ಖಾನ್ ಅವರನ್ನು ಕೊಂದರೆ, ಅವರ ಕುಟುಂಬಕ್ಕೆ 5 ಕೋಟಿ ರೂಪಾಯಿ ಬಹುಮಾನ ನೀಡಲಾಗುವುದು ಜೊತೆಗೆ ಅವರ ಕಾನೂನು ಹೋರಾಟದ ಸಂಪೂರ್ಣ ವೆಚ್ಚವನ್ನು ನಾವೇ ಭರಿಸುತ್ತೇವೆ ಎಂದು ಆಘಾತಕಾರಿ ಹೇಳಿಕೆ ನೀಡಿದ್ದಾರೆ.

ತಮ್ಮ ಹೇಳಿಕೆಯನ್ನು ಸಮರ್ಥಿಸಿಕೊಂಡಿರುವ ಜಗದ್ಗುರು ಪರಮಹಂಸ ಆಚಾರ್ಯರು, ಇವರು ಲವ್ ಜಿಹಾದ್‌ನಲ್ಲಿ ಭಾಗಿಯಾಗಿರುವ ದೊಡ್ಡ ತಲೆಗಳು. ಇಂತಹ 100-200 ಜನರನ್ನು ಮುಗಿಸಿದರೆ ದೇಶದಲ್ಲಿ ಲವ್ ಜಿಹಾದ್ ಸಂಪೂರ್ಣವಾಗಿ ನಿಲ್ಲುತ್ತದೆ. ಹಿಂದೂ ಸಹೋದರಿಯರು ಮತ್ತು ಹೆಣ್ಣುಮಕ್ಕಳನ್ನು ಬಲೆಗೆ ಬೀಳಿಸುವವರನ್ನು ಜೀವಂತವಾಗಿ ಬಿಡುವುದು ತಪ್ಪು. ಯಾರಾದರೂ ಆಮಿರ್ ಖಾನ್ ಅವರನ್ನು ಕೊಂದ ದಿನವೇ ಅವರ ಮನೆಗೆ 5 ಕೋಟಿ ರೂಪಾಯಿ ತಲುಪಲಿದೆ ಎಂದು ಬಹಿರಂಗವಾಗಿ ಘೋಷಿಸಿದ್ದಾರೆ.

ನಟ ಆಮಿರ್ ಖಾನ್ ಅವರು ತಮ್ಮ 61ನೇ ವಯಸ್ಸಿನಲ್ಲಿ ಜುಲೈ 5 ರಂದು ಉದ್ಯಮಿ ಗೌರಿ ಸ್ಪ್ರಾಟ್ ಅವರೊಂದಿಗೆ ಅತ್ಯಂತ ಸರಳವಾಗಿ ರಿಜಿಸ್ಟರ್ ಮ್ಯಾರೇಜ್ ಮಾಡಿಕೊಂಡಿದ್ದರು. ಆಮಿರ್ ಅವರ ಹಿಂದಿನ ಇಬ್ಬರು ಪತ್ನಿಯರೊಂದಿಗಿನ ವೈವಾಹಿಕ ಸಂಬಂಧಗಳು ಮುರಿದು ಬಿದ್ದು ವಿಚ್ಛೇದನದಲ್ಲಿ ಅಂತ್ಯವಾಗಿದ್ದವು.

ಆದಾಗ್ಯೂ, ವಿಚ್ಛೇದನದ ನಂತರವೂ ಆಮಿರ್ ತಮ್ಮ ಇಬ್ಬರು ಮಾಜಿ ಪತ್ನಿಯರೊಂದಿಗೆ ಉತ್ತಮ ಬಾಂಧವ್ಯವನ್ನು ಮುಂದುವರಿಸಿದ್ದಾರೆ. ಆಮಿರ್ ಖಾನ್ ಅವರಿಗೆ ಹಿಂದಿನ ಎರಡು ಮದುವೆಗಳಿಂದ ಮೂರು ಮಕ್ಕಳಿದ್ದಾರೆ. ಸದ್ಯ ಈ ಮೂರನೇ ಮದುವೆ ದೇಶಾದ್ಯಂತ ದೊಡ್ಡ ಮಟ್ಟದ ವಿವಾದದ ಕಿಡಿಯನ್ನು ಹೊತ್ತಿಸಿದೆ (ಏಜೆನ್ಸೀಸ್​).