ಮತ್ತೆ ರ‍್ಯಾಂಪ್ ವಾಕ್ ಮಾಡಿದ ಐಶ್ವರ್ಯಾ ರೈ

ಐಶ್ವರ್ಯಾ ರೈಗೆ ಮಾಡಲಿಂಗ್, ರ‍್ಯಾಂಪ್ ವಾಕ್ ಯಾವುದೂ ಹೊಸದಲ್ಲ. ಸಿನಿಮಾ ನಟಿಯಾಗುವುದಕ್ಕೆ ಮುನ್ನ ಅವರು ಅದೆಷ್ಟು ಶೋಗಳಲ್ಲಿ ಕ್ಯಾಟ್​ವಾಕ್ ಮಾಡಿದ್ದರೋ ಲೆಕ್ಕ ಇಟ್ಟವರಿಲ್ಲ. ಆದರೆ, ಇತ್ತೀಚಿನ ವರ್ಷಗಳಲ್ಲಿ ಮಾಡಲಿಂಗ್​ನಿಂದ ದೂರವಿದ್ದ ಅವರು, ಪ್ಯಾರಿಸ್​ನಲ್ಲಿ ನಡೆದ ಪ್ಯಾರಿಸ್ ಫ್ಯಾಶನ್ ವೀಕ್​ನಲ್ಲಿ ರ‍್ಯಾಂಪ್ ವಾಕ್ ಮಾಡಿದ್ದಾರೆ. ಪ್ಯಾರಿಸ್​ನ ಐಫೆಲ್ ಟವರ್ ಎದುರು ನಡೆದ ಈ ಕಾರ್ಯಕ್ರಮದಲ್ಲಿ ಹಲವು ದೇಶಗಳ ಪ್ರಖ್ಯಾತ ಮಾಡಲ್​ಗಳು ಮತ್ತು ನಟಿಯರು ಭಾಗವಹಿಸಿದ್ದರು. ಇದರಲ್ಲಿ ಭಾಗವಹಿಸುವುದಕ್ಕೆ ಐಶ್ವರ್ಯಾ ಸಹ ಪತಿ ಅಭಿಷೇಕ್ ಮತ್ತು ಮಗಳು ಆರಾಧ್ಯ ಜತೆಗೆ ಅಲ್ಲಿಗೆ ಹೋಗಿದ್ದರು.

ಅಚ್ಚ ಬಿಳುಪಿನ ಡ್ರೆಸ್ ತೊಟ್ಟು, ತುಟಿಗೆ ಪಿಂಕ್ ಲಿಪ್​ಸ್ಟಿಕ್ ಹಚ್ಚಿಕೊಂಡು ಸುಂದರವಾಗಿ ಕಾಣಿಸುತ್ತಿದ್ದ ಐಶ್ವರ್ಯಾ, ಕ್ಯಾಟ್ ವಾಕ್ ಮಾಡಿದ್ದಾರೆ. ಈ ಸಂದರ್ಭದಲ್ಲಿ ತೆಗೆದ ಫೋಟೋಗಳು ಸಾಮಾಜಿಕ ಜಾಲತಾಣಗಳಲ್ಲಿ ಭಾರೀ ವೈರಲ್ ಆಗಿವೆ. ಈ ಕಾರ್ಯಕ್ರಮದಲ್ಲಿ ಅಂತಾರಾಷ್ಟ್ರೀಯ ಸೆಲೆಬ್ರಿಟಿಗಳಾದ ಹೆಲೆನ್ ಮಿರ್ರೆನ್, ಕ್ಯಾಮಿಲಾ ಕ್ಯಾಬೆಲ್ಲೋ, ಅಂಬೆರ್ ಹರ್ಡ್ ಸಹ ಭಾಗವಹಿಸಿದ್ದು, ಅವರೆಲ್ಲರ ಜತೆಗೆ ಐಶ್ವರ್ಯಾ ಸಹ ಹೆಜ್ಜೆ ಹಾಕಿದ್ದು ವಿಶೇಷ.

https://www.vijayavani.net/hope-wife-will-not-scold-about-this-saree/

https://www.vijayavani.net/who-is-that-munmun-dhamecha/