ಸಲ್ಮಾನ್​ ಆಯ್ತು ... ಈಗ 'ಪಠಾಣ್​' ಚಿತ್ರದಲ್ಲಿ ಹೃತಿಕ್​ ರೋಶನ್​

ಮುಂಬೈ: ಶಾರೂಖ್​ ಖಾನ್​ ಅಭಿನಯದ 'ಪಠಾಣ್​' ಚಿತ್ರದ ಚಿತ್ರೀಕರಣವು ಇದೀಗ ಭರದಿಂದ ಸಾಗಿದ್ದು, ಕಳೆದ ಹಲವು ದಿನಗಳಿಂದ ಶಾರೂಖ್​ ಅಭಿನಯದ ಹಲವು ದೃಶ್ಯಗಳನ್ನು ಚಿತ್ರೀಕರಿಸಿಕೊಳ್ಳುತ್ತಿದ್ದಾರೆ ನಿರ್ದೇಶಕ ಸಿದ್ಧಾರ್ಥ್​​ ಆನಂದ್​.

ಈ ಮಧ್ಯೆ, ಚಿತ್ರದಲ್ಲಿ ಸಲ್ಮಾನ್​ ಖಾನ್​ ಅವರು ಅತಿಥಿಯಾಗಿ ನಟಿಸುತ್ತಿದ್ದಾರೆ ಎಂಬ ಸುದ್ದಿಯೊಂದು ಕೇಳಿಬಂದಿತ್ತು. ಸಲ್ಮಾನ್​ ಖಾನ್​ ಅವರು ಈಗಾಗಲೇ 'ಟೈಗರ್​' ಸರಣಿಯಲ್ಲಿ ಸ್ಪೆಷಲ್​ ಏಜೆಂಟ್​ ಆಗಿ ನಟಿಸಿದ್ದಾರೆ. ಈಗ 'ಪಠಾಣ್​' ಚಿತ್ರದಲ್ಲಿ ಏಜೆಂಟ್​ ಟೈಗರ್ ಆಗಿಯೇ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಾರೆ ಎಂದು ಹೇಳಲಾಗಿತ್ತು.

ಇದನ್ನೂ ಓದಿ: ಡ್ರಗ್ಸ್​ ಕೇಸ್​ನಲ್ಲಿ ನಟರನ್ನೇಕೆ ಬಂಧಿಸಿಲ್ಲ? ಅಸಮಾಧಾನ ಹೊರಹಾಕಿದ ಇಂದ್ರಜಿತ್​ ಲಂಕೇಶ್​

ಇದೀಗ, 'ಪಠಾಣ್​' ಚಿತ್ರದಲ್ಲಿ ನಟ ಹೃತಿಕ್​ ರೋಶನ್​ ಸಹ ಅತಿಥಿಯಾಗಿ ನಟಿಸುತ್ತಾರೆ ಎಂದು ಹೇಳಲಾಗಿದೆ. ಈ ಚಿತ್ರದಲ್ಲಿ ಹಿಂದಿ ಚಿತ್ರಗಳಲ್ಲಿ ಜನಪ್ರಿಯವಾಗಿರುವ ರಾ ಏಜೆಂಟ್​ಗಳ ಪಾತ್ರಗಳನ್ನು ಒಟ್ಟಾಗಿ ತರುವ ಯೋಚನೆ ನಿರ್ಮಾಪಕ ಆದಿತ್ಯ ಚೋಪ್ರಾ ಅವರಿಗಿದ್ದು, ಈ ನಿಟ್ಟಿನಲ್ಲಿ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳುವುದಕ್ಕೆ ಹೃತಿಕ್​ ರೋಶನ್​ ಅವರನ್ನು ಕೇಳಿಕೊಂಡಿದ್ದರಂತೆ.

ಕಳೆದ ವರ್ಷ ಬಿಡುಗಡೆಯಾದ 'ವಾರ್​' ಚಿತ್ರದಲ್ಲಿ ಹೃತಿಕ್​ ರೋಶನ್​ ಏಜೆಂಟ್​ ಕಬೀರ್​ ಪಾತ್ರದಲ್ಲಿ ಕಾಣಿಸಿಕೊಂಡಿದ್ದು, ಆ ಚಿತ್ರ ಸೂಪರ್​ ಹಿಟ್ ಆಗಿತ್ತು. ಈ ಹಿನ್ನೆಲೆಯಲ್ಲಿ, 'ಪಠಾಣ್​' ಚಿತ್ರದಲ್ಲೂ ಅತಿಥಿಯಾಗಿ ಅವರು ಕಾಣಿಸಿಕೊಳ್ಳುವ ಸಾಧ್ಯತೆ ಇದೆ.

ಇದನ್ನೂ ಓದಿ: ಬೆತ್ತಲೆ ಫೋಟೋಗಾಗಿ ಎಡಕ್ಕೆ ಸ್ವೈಪ್​ ಮಾಡಿ ಎಂದ ರೆಜಿನಾ: ಫ್ಯಾನ್ಸ್​ಗೆ ಸೂರ್ಯಕಾಂತಿ ಬೆಡಗಿಯ ಶಾಕ್​!

ಹಾಗೇನಾದರೂ ಆದರೆ, ಬಾಲಿವುಡ್​ನ ಮೂವರು ಸೂಪರ್​ಸ್ಟಾರ್​ಗಳು ಒಂದೇ ಚಿತ್ರದಲ್ಲಿ ಜತೆಯಾಗಿ ನಟಿಸುವಂತಾಗಲಿದ್ದು, ಹಾಲಿವುಡ್​ ಚಿತ್ರ 'ಅವೆಂಜರ್ಸ್​' ಮಾದರಿಯಲ್ಲಿ ಜನಪ್ರಿಯ ಸ್ಪೆಷಲ್​ ಏಜೆಂಟ್​ಗಳೆಲ್ಲಾ ಒಂದೇ ಚಿತ್ರದಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.

'ಪಠಾಣ್​' ಚಿತ್ರದಲ್ಲಿ ಶಾರೂಖ್​ ಖಾನ್​ಗೆ ನಾಯಕಿಯಾಗಿ ನಟಿಸುತ್ತಿದ್ದು, ಜಾನ್​ ಅಬ್ರಹಾಂ ನೆಗೆಟಿವ್​ ಪಾತ್ರದಲ್ಲಿ ಅಭಿನಯಿಸುತ್ತಿರುವುದು ವಿಶೇಷ.

https://www.vijayavani.net/vijayashanti-is-not-keen-on-acting-with-chiranjeevi/