ಆದಿಪುರುಷನಿಗೆ ಕಿಯಾರಾ ನಾಯಕಿ

ಬಹುಭಾಷೆಗಳಲ್ಲಿ ಸಿದ್ಧವಾಗುತ್ತಿರುವ ಪ್ರಭಾಸ್ ನಾಯಕತ್ವದ ‘ಆದಿಪುರುಷ್’ ಸಿನಿಮಾ ಒಂದಲ್ಲ ಒಂದು ಕಾರಣಕ್ಕೆ ಸದ್ದು ಮತ್ತು ಸುದ್ದಿ ಮಾಡುತ್ತಿದೆ.

ಇತ್ತೀಚೆಗಷ್ಟೇ ಈ ಚಿತ್ರಕ್ಕೆ ಖಳನಾಗಿ ಸೈಫ್​ಅಲಿ ಖಾನ್ ಸೇರ್ಪಡೆಗೊಂಡ ಬಗ್ಗೆ ಚಿತ್ರತಂಡ ಅಧಿಕೃತವಾಗಿ ಹೇಳಿಕೊಂಡಿತ್ತು. ಇದೀಗ ನಾಯಕಿ ವಿಚಾರವೂ ಚರ್ಚೆಯಲ್ಲಿದ್ದು, ಕಿಯಾರಾ ಆಡ್ವಾಣಿ ನಾಯಕಿ ಎಂದು ಹೇಳಲಾಗುತ್ತಿದೆ.

ತೆಲುಗು ಮಂದಿಗೆ ಕಿಯಾರಾ ಹೆಸರು ಚಿರಪರಿಚಿತ. ‘ಭರತ್ ಅನೇ ನೇನು’ ಸಿನಿಮಾ ಮೂಲಕ ಟಾಲಿವುಡ್​ನಲ್ಲಿ ಖಾತೆ ತೆರೆದಿದ್ದ ಕಿಯಾರಾ, ‘ವಿನಯ ವಿಧೇಯ ರಾಮ’ ಚಿತ್ರದಲ್ಲಿ ರಾಮ್ರಣ್ ತೇಜ ಜತೆಗೂ ನಟಿಸಿದ್ದರು. ಹಾಗಾಗಿ ಚಿತ್ರದ ನಿರ್ವಪಕರು ಕಿಯಾರಾ ಅವರನ್ನೇ ನಾಯಕಿಯನ್ನಾಗಿ ಮಾಡಿಕೊಳ್ಳುವ ಪ್ಲಾನ್ ಹಾಕಿದ್ದಾರಂತೆ. ಈ ನಡುವೆ ಕಿಯಾರಾಗೂ ಮುನ್ನ, ‘ಮಹಾನಟಿ’ ಖ್ಯಾತಿಯ ಕೀರ್ತಿ ಸುರೇಶ್ ಪ್ರಭಾಸ್​ಗೆ ಜೋಡಿಯಾಗಲಿದ್ದಾರೆ

ಎಂಬ ಸುದ್ದಿ ಹರಿದಾಡಿತ್ತು. ಪ್ರಭಾಸ್ ರಾಮನಾಗಿ ಕಾಣಿಸಿಕೊಳ್ಳಲಿರುವ ಈ ಚಿತ್ರವನ್ನು ಓಂ ರಾವತ್ ನಿರ್ದೇಶನ ಮಾಡಲಿದ್ದಾರೆ. ಕನ್ನಡದಲ್ಲಿಯೂ ಈ ಸಿನಿಮಾ ಡಬ್ ಆಗಿ ತೆರೆಕಾಣಲಿದೆ. (ಏಜೆನ್ಸೀಸ್)