ಹೀಗಿರುವಾಗಲೇ, ಸದ್ಯದಲ್ಲೇ ಒಂದು ಅಪ್ಡೇಟ್ ಸಿಗುವ ಸಾಧ್ಯತೆ ಇದೆ. ಹಾಗಂತ ಚಿತ್ರತಂಡವೇನೂ ಹೇಳಿಕೊಂಡಿಲ್ಲ. ಆದರೆ, ಅಭಿಮಾನಿಗಳಿಗೆ ಒಂದು ನಿರೀಕ್ಷೆ ಇದೆ. ಅದಕ್ಕೆ ಕಾರಣ, ಜುಲೈ 29ಕ್ಕೆ ಸಂಜಯ್ ದತ್ ಹುಟ್ಟುಹಬ್ಬ. ಕಳೆದ ವರ್ಷ, ದತ್ ಹುಟ್ಟುಹಬ್ಬದ ಸಂದರ್ಭದಲ್ಲಿ ಅಧೀರ ಪಾತ್ರದ ಮೊದಲ ಪೋಸ್ಟರ್ ಬಿಡುಗಡೆಯಾಗಿತ್ತು. ಈ ಬಾರಿ ಸಹ ಅಂಥದ್ದೇ ಏನಾದರೂ ಬಿಡುಗಡೆಯಾಗಬಹುದು ಎಂಬ ನಿರೀಕ್ಷೆ ಹಲವರಲ್ಲಿದೆ. ಅದು ಟೀಸರ್ ಇರಬಹುದು, ಖಳನಾಯಕನ ಪರಿಚಯಿಸುವ ಹಾಡಿರಬಹುದು, ಇದ್ಯಾವುದೂ ಅಲ್ಲದಿದ್ದರೆ ಅಧೀರನ ಹೊಸ ಪೋಸ್ಟರ್ ಆದರೂ ಬಿಡುಗಡೆಯಾಗಬಹುದು ಎಂದು ಅಭಿಮಾನಿಗಳು ಕಾಯುತ್ತಿದ್ದಾರೆ. ಏನು ಬಿಡುಗಡೆಯಾಗುತ್ತಿದೆ ಎನ್ನುವುದಕ್ಕಿಂತ ಏನಾದರೂ ಬಿಡುಗಡೆ ಮಾಡಿ ಎಂದು ಸೋಷಿಯಲ್ ಮೀಡಿಯಾ ಮೂಲಕ ಹಲವರು ಒತ್ತಾಯ ಮಾಡುತ್ತಿದ್ದಾರೆ.
