ಬೆಂಗಳೂರು: ಸ್ಯಾಂಡಲ್ವುಡ್ ನಟಿ ಆಶಿಕಾ ರಂಗನಾಥ್ ಸಾಲು ಸಾಲುಸಿನಿಮಾಗಳಲ್ಲಿ ಬಿಜಿಯಾಗಿದ್ದಾರೆ. ಅವರ ಒಂದಷ್ಟು ಸಿನಿಮಾ ಕೆಲಸಗಳು ಮುಗಿದು ಬಿಡುಗಡೆಗೆ ಸಿದ್ಧವಾಗಿದ್ದರೆ, ಮತ್ತೊಂದಿಷ್ಟು ಶೂಟಿಂಗ್ ಹಂತದಲ್ಲಿವೆ. ಇವೆಲ್ಲದರ ನಡುವೆ ಹೊಸ ಪ್ರಾಜೆಕ್ಟ್ಗಳ ಕಥೆ ಕೇಳುವುದರಲ್ಲಿಯೂ ಅವರು ಬಿಜಿ. ಸದ್ಯ ಪವನ್ ಒಡೆಯರ್ ನಿರ್ದೇಶನದ ‘ರೇಮೊ’ ಚಿತ್ರದಲ್ಲಿ ಆಶಿಕಾ ನಟಿಸಿದ್ದಾರೆ. ಆ ಚಿತ್ರದ ಬಹುತೇಕ ಶೂಟಿಂಗ್ ಮುಕ್ತಾಯವಾಗಿದೆ. ಇನ್ನೇನು ಕೇವಲ ಮೂರು ದಿನಗಳ ಪ್ಯಾಚ್ವರ್ಕ್ ಮುಗಿದರೆ, ಸಿನಿಮಾ ಮುಗಿದಂತೆ. ಇತ್ತ ಮಹೇಶ್ ಕುಮಾರ್ ನಿರ್ದೇಶನದ ‘ಮದಗಜ’ ಚಿತ್ರದ ಶೂಟಿಂಗ್ ಕೊನೇ ಹಂತಕ್ಕೆ ಬಂದು ನಿಂತಿದೆ. ಆ ಗ್ಯಾಪ್ನಲ್ಲಿ ತಮ್ಮ ಭಾಗದ ಡಬ್ಬಿಂಗ್ ಮುಗಿಸಿದ್ದಾರೆ ಆಶಿಕಾ. ‘ಮದಗಜ’ ಡಬ್ಬಿಂಗ್ ಪ್ರಕ್ರಿಯೆಯೇ ಒಂದು ಹೊಸ ಅನುಭವ ಎಂಬುದು ಅವರ ಮಾತು. ‘ಹಳ್ಳಿ ಹುಡುಗಿಯ ಪಾತ್ರ ಮಾಡಿರುವುದರಿಂದ ಭಾಷೆಯಲ್ಲಿ ಆ ಸೊಗಡಿದೆ. ಕೃಷಿ ಬಗ್ಗೆ ವಿಶೇಷ ಆಸಕ್ತಿ ಇರುವ ಪಲ್ಲವಿ ಹೆಸರಿನ ಪಾತ್ರ ನನ್ನದು. ಡಬ್ಬಿಂಗ್ ಸಮಯದಲ್ಲಿ ಆ ಭಾಷೆಯ ಬಳಕೆ ಕಷ್ಟ ಅನಿಸಿತು. ಸಂಭಾಷಣೆಯ ಹರಿವು ಎಲ್ಲಿಯೂ ಮಿಸ್ ಆಗಬಾರದೆಂಬ ಕಾರಣಕ್ಕೆ ದೊಡ್ಡ ದೊಡ್ಡ ಡೈಲಾಗ್ಗಳನ್ನು ಹೇಳಬೇಕಿತ್ತು. ಚೂರು ಭಾಷೆ ಬಳಸುವಿಕೆ ಆಚೀಚೆ ಆದರೂ ಮತ್ತೆ ಮೊದಲಿನಿಂದ ಹೇಳಬೇಕಿತ್ತು. ನಿಜಕ್ಕೂ ನನಗಿದು ಹೊಸ ಅನುಭವ. ಈ ಚಿತ್ರದಿಂದ ಕಲಿಯುವುದಕ್ಕೂ ಸಾಕಷ್ಟು ಸಿಕ್ಕಿತು’ ಎಂಬುದು ಆಶಿಕಾ ಮಾತು.
