ಒಂದು ಕಾಲದಲ್ಲಿ ಕನ್ನಡಿಗರ ಮನಗೆದ್ದಿದ್ದ ಸೌತ್​ ಬ್ಯೂಟಿ ರಾಶಿ ಈಗ ಹೇಗಿದ್ದಾರೆ ಗೊತ್ತಾ? ಫೋಟೋ ವೈರಲ್​

ಚೆನ್ನೈ: ನಟಿ ರಾಶಿ ಅವರ ಬಗ್ಗೆ ಕನ್ನಡಿಗರಿಗೆ ಹೆಚ್ಚಿಗೆ ಹೇಳುವ ಅಗತ್ಯವಿಲ್ಲ. ಕ್ರೇಜಿಸ್ಟಾರ್​ ರವಿಚಂದ್ರನ್​ ನಟನೆಯ ಸ್ನೇಹಾ, ವಿಷ್ಣುವರ್ಧನ್​ ಅಭಿನಯದ ಜಮಿನ್ದಾರ್ರು ಹಾಗೂ ರಾಜನರಸಿಂಹ ಮತ್ತು ಶಿವರಾಜ್​ಕುಮಾರ್ ನಟನೆಯ ನಿನ್ನೇ ಪ್ರೀತಿಸುವೆ ಸಿನಿಮಾಗಳಲ್ಲಿ ನಟಿಸುವ ಮೂಲಕ ಕನ್ನಡಿಗರಿಗೆ ಹತ್ತಿರವಾಗಿದ್ದರು.

ರಾಶಿ ಅವರು ಕನ್ನಡಕ್ಕಿಂತ ತಮಿಳು ಮತ್ತು ತೆಲುಗಿನಲ್ಲಿ ಹೆಚ್ಚು ಸಿನಿಮಾಗಳಲ್ಲಿ ಅಭಿನಯಿಸಿದ್ದಾರೆ. 90ರ ದಶಕದಲ್ಲಿ ಬಹುಬೇಡಿಕೆಯ ನಟಿಯಾಗಿದ್ದರು. ವೃತ್ತಿ ಜೀವನದಲ್ಲಿ ಉತ್ತುಂಗದಲ್ಲಿ ಇರುವಾಗಲೇ ರಾಶಿ ಅವರು ಸಹಾಯಕ ನಿರ್ದೇಶಕ ಶ್ರೀ ಮುನಿ ಎಂಬುವರನ್ನು ಪ್ರೀತಿಸಿ, 2005ರಲ್ಲಿ ಮದುವೆಯಾದರು. ದಂಪತಿಗೆ ರಿತಿಮಾ ಹೆಸರಿನ ಮಗಳಿದ್ದಾಳೆ.

ರಾಶಿ ಅವರು ಕನ್ನಡದಲ್ಲಿ ನಟಿಸಿದ್ದು, ನಾಲ್ಕೇ ಸಿನಿಮಾಗಳಾದರೂ ಆ ಸಿನಿಮಾಗಳು ಸಿಕ್ಕಾಪಟ್ಟೆ ಹಿಟ್​ ಆಗಿದ್ದರಿಂದ ರಾಶಿ ಕನ್ನಡಿಗರ ಮನದಲ್ಲಿ ನೆಲೆಸಿದ್ದಾರೆ. ಅದರಲ್ಲೂ ಜಮಿನ್ದಾರ್ರು ಸಿನಿಮಾದ "ಹುಡುಗಿ ಹುಡುಗಿ ಮಲೆನಾಡ ಹುಡುಗಿ" ಹಾಡು ಇಂದಿಗೂ ಅನೇಕರು ಫೇವರಿಟ್​ ಆಗಿದೆ.

ಸಿನಿಮಾಗಳಲ್ಲಿ ತುಂಬಾ ಬಿಜಿಯಾಗಿದ್ದ ರಾಶಿ ಮದುವೆಯ ಬಳಿಕ ಸಿನಿಮಾದಿಂದ ದೂರ ಉಳಿದಿದ್ದು, ವೈವಾಹಿಕ ಜೀವನದ ಕಡೆ ಸಂಪೂರ್ಣ ಗಮನ ಹರಿಸಿದ್ದಾರೆ. ಒಂದು ಕಾಲದಲ್ಲಿ ಕರ್ನಾಟಕದ ಯುವ ಹೃದಯಗಳ ರಾಣಿಯಾಗಿದ್ದ ರಾಶಿ ಇಂದು ಹೇಗಿದ್ದಾರೆ ಎಂದು ತಿಳಿದುಕೊಳ್ಳುವ ಕುತೂಹಲ ಎಲ್ಲರಲ್ಲೂ ಇದೆ.

ಇದೀಗ ರಾಶಿ ಅವರ ಪ್ರಸ್ತುತ ಫೋಟೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ. ಫೋಟೋದಲ್ಲಿ ನಟಿ ರಾಶಿ ಅವರು ತಮ್ಮ ಮಗಳು ಮತ್ತು ಪತಿಯ ಜತೆಯಿದ್ದಾರೆ. ಫೋಟೋದಲ್ಲಿ ರಾಶಿ ಅವರನ್ನು ನೋಡಿ ಅಭಿಮಾನಿಗಳು ಹುಬ್ಬೇರಿಸಿದ್ದಾರೆ. ರಾಶಿ ಅವರು ಎಷ್ಟೊಂದು ಬದಲಾಗಿದ್ದಾರೆ ನೋಡಿ ಎಂದು ಕಾಮೆಂಟ್​ ಮಾಡುತ್ತಿದ್ದಾರೆ. ಈ ಫೋಟೋ ನೋಡಿ ನಿಮಗೆ ಏನು ಅನಿಸಿತು ಎಂಬುದನ್ನು ಕಾಮೆಂಟ್​ ಮೂಲಕ ತಿಳಿಸಿ. (ಏಜೆನ್ಸೀಸ್​)

https://www.vijayavani.net/bcci-strong-warning-to-ipl-teams-if-you-do-that-anymore-its-doomed

https://www.vijayavani.net/the-husband-jumped-in-the-pond-because-his-wife-beat-him-if-this-is-the-case-how-can-we-survive