ಕನ್ನಡಿಗರಿಗಾಗಿ ಮಿಡಿದ ನಟಿ ಮಾನ್ಯಾ ಮನ; ಅಮೆರಿಕದಲ್ಲಿಯೇ ಕುಳಿತು ಉಪ್ಪಿ ಖಾತೆಗೆ ಹಣ ರವಾನೆ

ಬೆಂಗಳೂರು: ಸಿನಿಮಾದಿಂದ ಕೊಂಚ ಅಂತರ ಕಾಯ್ದುಕೊಂಡಿರುವ ನಟಿ ಮಾನ್ಯಾ ನಾಯ್ಡು, ಕನ್ನಡಿಗರಿಗೆ ಗೊತ್ತಿರುವ ಮುಖ. ಇದೀಗ ದೂರದ ಅಮೆರಿಕಾದಲ್ಲಿ ಕುಳಿತುಕೊಂಡೇ ಕರೊನಾ ಕಷ್ಟಕಾಲದಲ್ಲಿ ಕನ್ನಡಿಗರ ಸಹಾಯಕ್ಕೆ ಮುಂದೆ ಬಂದಿದ್ದಾರೆ. ರಿಯಲ್ ಸ್ಟಾರ್ ಉಪೇಂದ್ರ ಆರಂಭಿಸಿರುವ ನಿಧಿ ಸಂಗ್ರಹಣಾ ಕಾರ್ಯಕ್ಕೆ ದೇಣಿಗೆ ರೂಪದಲ್ಲಿ ಒಂದು ಲಕ್ಷ ಹಣ ನೀಡಿದ್ದಾರೆ.

ಇದನ್ನೂ ಓದಿ: ನನಗೆ ಸಾಮಾನ್ಯ ಮನುಷ್ಯನಾಗಿರೋಕೇ ಇಷ್ಟ ಅಂತ ಸೋನು ಹೇಳಿದ್ದೇಕೆ?

ಈಗಾಗಲೇ ಉಪೇಂದ್ರ ಅವರ ಕಾರ್ಯಕ್ಕೆ ಕೇವಲ ಚಿತ್ರರಂಗ ಮಾತ್ರವಲ್ಲದೆ, ಹಲವು ಉದ್ಯಮಿಗಳೂ ಸಹ ಕೈ ಜೋಡಿಸಿದ್ದು, ಹಣದ ರೂಪದಲ್ಲಿ, ಧವಸ ಧಾನ್ಯದ ರೂಪದಲ್ಲಿ ದೇಣಿಗೆ ನೀಡುತ್ತಿದ್ದಾರೆ. ಅಷ್ಟೇ ಅಲ್ಲ ಯಾವ ಕಾರ್ಯಕ್ಕೆ ಎಂಬುದನ್ನು ದಾನಿಗಳಿಂದ ಮಾಹಿತಿ ಪಡೆದು, ಅವರು ಹೇಳಿದಂತೆ ವಿತರಣೆ ಮಾಡುವ ಜವಾಬ್ದಾರಿಯನ್ನು ಉಪೇಂದ್ರ ಹೊತ್ತಿದ್ದಾರೆ.

ಇದನ್ನೂ ಓದಿ: ಬಿಗ್​ಬಾಸ್​ ಮನೆಯಿಂದ ಅರ್ಧಕ್ಕೆ ಎಲಿಮಿನೇಟ್ ಆದ ಬಗ್ಗೆ ಕೊನೆಗೂ ಶಾಕಿಂಗ್ ಹೇಳಿಕೆ ನೀಡಿದ ರಾಜೀವ್​!

ಈಗಾಗಲೇ ಚಂದನವನದ ಹಿರಿಯ ನಟಿ ಬಿ. ಸರೋಜಾದೇವಿ 4 ಲಕ್ಷ ದೇಣಿಗೆ ನೀಡಿದ್ದಾರೆ. ಸಾಧುಕೋಕಿಲ ಎರಡೂವರೆ ಲಕ್ಷ ನೀಡಿದ್ದಾರೆ. ಪವನ್ ಒಡೆಯರ್, ಶೋಭ್​ರಾಜ್​ ಸೇರಿ ಸಾಕಷ್ಟು ಕಲಾವಿದರು ಈ ಸೇವೆಗೆ ಕೈ ಜೋಡಿಸಿದ್ದು, ಇದೀಗ ದೂರದ ಅಮೆರಿಕದಲ್ಲಿಯೇ ನೆಲೆಸಿರುವ ಮಾನ್ಯಾ ನಾಯ್ಡು ಒಂದು ಲಕ್ಷ ಮೊತ್ತವನ್ನು ನೀಡಿದ್ದಾರೆ.

https://www.vijayavani.net/s-muddulakshmi-police-allegation-of-shooting/