ಪ್ಯಾನ್ ಇಂಡಿಯಾ ಚಿತ್ರದಲ್ಲಿ ಕನ್ನಡತಿ; ಡಿ.24ಕ್ಕೆ ಶ್ಯಾಮ್ ಸಿಂಗ್ ರಾಯ್ ಬಿಡುಗಡೆ

ಟಾಲಿವುಡ್​ನಲ್ಲಿ ಸದ್ಯ ಕನ್ನಡತಿಯರದ್ದೇ ಹವಾ. ಈಗಾಗಲೇ ರಶ್ಮಿಕಾ ಸ್ಟಾರ್ ನಟಿಯಾಗಿದ್ದಾರೆ. ನಭಾ ನಟೇಶ್ ಸಹ ಹಲವು ಬಿಗ್ ಪ್ರಾಜೆಕ್ಟ್​ಗಳನ್ನು ಕೈವಶ ಮಾಡಿಕೊಂಡಿದ್ದಾರೆ. ಇದೀಗ ಅದೇ ಹಾದಿಯಲ್ಲಿ ಸಾಗುತ್ತಿದ್ದಾರೆ ಮಂಗಳೂರು ಮೂಲದ ನಟಿ ಕೃತಿ ಶೆಟ್ಟಿ. ತೆಲುಗಿನ ಸ್ಟಾರ್ ನಟ ನಾಣಿ ನಟನೆಯ ‘ಶ್ಯಾಮ್ ಸಿಂಗ್ ರಾಯ್’ ಚಿತ್ರ ಬಿಡುಗಡೆಗೆ ಸಿದ್ಧವಾಗಿದ್ದು, ಈ ಚಿತ್ರದಲ್ಲಿ ಸಾಯಿಪಲ್ಲವಿ, ಮಡೋನಾ ಸೆಬಾಸ್ಟಿನ್ ಜತೆಗೆ ಕೃತಿ ಸಹ ನಟಿಸಿದ್ದಾರೆ.

ಇನ್ನೇನು ಡಿ. 24ರಂದು ತೆಲುಗು, ಕನ್ನಡ, ತಮಿಳು, ಮಲಯಾಳಂ ಮತ್ತು ಹಿಂದಿಯಲ್ಲಿಯೂ ಚಿತ್ರ ತೆರೆಗೆ ಬರುತ್ತಿದೆ. ಈ ಚಿತ್ರದ ಮೂಲಕ ಸೌತ್​ನಲ್ಲಿ ಗುರುತಿಸಿಕೊಂಡಿದ್ದ ನಟಿ, ಪ್ಯಾನ್ ಇಂಡಿಯಾ ನಾಯಕಿಯಾಗಲಿದ್ದಾರೆ. ರಾಹುಲ್ ನಿರ್ದೇಶನದಲ್ಲಿ ಮೂಡಿಬಂದಿರುವ ಈ ಚಿತ್ರವನ್ನು ನಿಹಾರಿಕಾ ಎಂಟರ್​ಪ್ರೖೆಸಿಸ್ ನಿರ್ಮಾಣ ಮಾಡಿದೆ. ಈ ಸಿನಿಮಾ ಹೊರತುಪಡಿಸಿ ನಾಗಾರ್ಜುನ್ ಜತೆ ‘ಬಂಗಾರಾ›ಜು’, ನಿತಿನ್ ನಟಿಸುತ್ತಿರುವ ಹೊಸ ಸಿನಿಮಾ ಮತ್ತು ತಮಿಳಿನ ಚಿತ್ರವೊಂದರಲ್ಲಿಯೂ ಕೃತಿ ನಟಿಸುತ್ತಿದ್ದಾರೆ. -ಏಜೆನ್ಸೀಸ್

https://www.vijayavani.net/producer-soundarya-jagadeesh-son-hit-on-house-maids/

https://www.vijayavani.net/man-escaped-from-death-even-after-thunderbolt-hit-on-head/