ವಿಶೇಷ ಏನೆಂದರೆ, ‘ಬ್ರೋ ಡ್ಯಾಡಿ’ ಚಿತ್ರದಲ್ಲಿ ನಾಯಕನಾಗಿ ಮೋಹನ್ ಲಾಲ್ ನಟಿಸುತ್ತಿದ್ದರೆ, ಪೃಥ್ವಿರಾಜ್ ಸುಕುಮಾರನ್ ‘ಲೂಸಿಫರ್’ ಬಳಿಕ ನಿರ್ದೇಶಿಸುತ್ತಿರುವ ಎರಡನೇ ಸಿನಿಮಾ ಇದು. ಈ ಚಿತ್ರದಲ್ಲಿ ಕಾವ್ಯಾ ಚಾನ್ಸ್ ಗಿಟ್ಟಿಸಿಕೊಂಡಿದ್ದು, ಅಷ್ಟೇ ವಿಶೇಷವಾದ ಪಾತ್ರವೂ ಅವರಿಗೆ ಸಿಕ್ಕಿದೆಯಂತೆ. ‘ಒಂದು ಮುದ್ದಾದ ಪಾತ್ರದ ಮೂಲಕ ಮಲಯಾಳಂ ಇಂಡಸ್ಟ್ರಿ ಪ್ರವೇಶಿಸುತ್ತಿದ್ದೇನೆ. ನನ್ನ ಮೊದಲ ಚಿತ್ರದಲ್ಲಿಯೇ ಪೃಥ್ವಿರಾಜ್ ಜತೆ ನಟಿಸುವ ಅವಕಾಶ ಸಿಕ್ಕಿದೆ. ಮೋಹನ್ ಲಾಲ್ ಸಹ ಈ ಸಿನಿಮಾದಲ್ಲಿದ್ದಾರೆ. ಸುಸಾನ್ ಹೆಸರಿನ ಪಾತ್ರ ನನ್ನದು. ಈಗಾಗಲೇ ಹೈದರಾಬಾದ್ನಲ್ಲಿ ಚಿತ್ರೀಕರಣ ನಡೆಯುತ್ತಿದೆ. ಶೀರ್ಷಿಕೆ ಹೇಳುವಂತೆ ಇದೊಂದು ಮನರಂಜನಾತ್ಮಕ ಸಿನಿಮಾ. ‘ಲೂಸಿಫರ್’ ಬಳಿಕ ಬೇರೆಯದೇ ಶೈಲಿಯಲ್ಲಿ ಪೃಥ್ವಿರಾಜ್ ನಿರ್ದೇಶನಕ್ಕೆ ಮರಳಿದ್ದಾರೆ’ ಎನ್ನುತ್ತಾರೆ ಕಾವ್ಯಾ. ಇನ್ನು, ಇತ್ತ ಕಾವ್ಯಾ ಅಭಿನಯದ ‘ಲಂಕೆ’ ಸಿನಿಮಾ ಬಿಡುಗಡೆಗೆ ದಿನಾಂಕ ಘೋಷಿಸಿದೆ. ತೆಲುಗಿನ ಪ್ರಾಜೆಕ್ಟ್ ಕೆಲಸ ಮುಗಿದಿದ್ದು, ಬೇರೆಬೇರೆ ಕಥೆಗಳನ್ನೂ ಅವರು ಕೇಳುತ್ತಿದ್ದಾರೆ.
