Priya Bhavani Shankar marries longtime boyfriend : ತಿರುಚಿತ್ರಂಬಲಂ, ಇರುಮುಡಿ, ಝೀಬ್ರಾ, ಯಾನೈ, ಕಡೈ ಕುಟ್ಟಿ ಸಿಂಗಂ ಸೇರಿದಂತೆ ಕಾಲಿವುಡ್, ಟಾಲಿವುಡ್ನಲ್ಲಿ ಮಿಂಚಿರುವ ನಟಿ ಪ್ರಿಯಾ ಭವಾನಿ ಶಂಕರ್ ದಾಂಪತ್ಯ ಜೀವನಕ್ಕೆ ಕಾಲಿಟ್ಟಿದ್ದಾರೆ. ಅವರ ಬಹುಕಾಲದ ಗೆಳೆಯ ರಾಜ್ ವೇಲ್ ರಾಜ್ ಅವರೊಂದಿಗೆ ಹಸಮಣೆ ಏರಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಮದುವೆ ಸಂಭ್ರಮದ ವಿಡಿಯೋಗಳು ಭಾರಿ ವೈರಲ್ ಆಗಿದೆ.
ನವ ಜೋಡಿಯ ವಿಡಿಯೋ ವೈರಲ್
ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿರುವ ವಿಡಿಯೋ ಪ್ರಕಾರ, ಕಾಲಿವುಡ್ ನಟಿ ಪ್ರಿಯಾ ಭವಾನಿ ಶಂಕರ್ ಕೆಂಪು ಸೀರೆ, ಹರಿಬಿಟ್ಟ ಕೂದಲಿಗೆ ಒಂದು ಚಿಕ್ಕ ಬನ್, ಸಿಂಪಲ್ ಗೋಲ್ಡನ್ ಜ್ಯುವೆಲ್ಲರಿ ಧರಿಸಿ ಮಿಂಚುತ್ತಿದ್ದರೆ, ರಾಜ್ವೇಲ್ ರಾಜ್ ಅವರು ವರನಂತೆ ಬಿಳಿ ಧೋತಿ, ಕ್ರೀಮ್ ಬಣ್ಣದ ಕುರ್ತಾ ಧರಿಸಿ ಮಿಂಚಿದ್ದಾರೆ. ಇಬ್ಬರನ್ನು ಅವರ ಗೆಳೆಯ-ಗೆಳೆತಿಯರು ಮಂಟಪಕ್ಕೆ ಕರೆದುಕೊಂಡು ಬರುತ್ತಿರುವ ದೃಶ್ಯ, ತಾಳಿ ಕಟ್ಟುತ್ತಿರುವ ದೃಶ್ಯವು ವೈರಲ್ ಆಗಿದೆ.
