"ಬೆಂಕಿಪಟ್ಣ', "ಗುರುದೇವ್ ಹೊಯ್ಸಳ' ಸೇರಿ ಕಳೆದ ವಾರ ತೆರೆಗೆ ಬಂದ "ಮಾರ್ಟಿನ್' ಚಿತ್ರದಲ್ಲೂ ನಟಿಸಿರುವ ಪ್ರತಾಪ್ ನಾರಾಯಣ್, ನಾಯಕನಾಗಿ ಮಾತ್ರವಲ್ಲ ಖಳನಾಯಕನಾಗಿಯೂ ಭಿನ್ನ, ವಿಭಿನ್ನ ಪಾತ್ರಗಳಲ್ಲಿ ಮಿಂಚಿದ್ದಾರೆ. ಇದೀಗ ನರ್ತನ್ ನಿರ್ದೇಶನದ ಶಿವರಾಜಕುಮಾರ್, ರುಕ್ಮಿಣಿ ವಸಂತ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿರುವ "ಭೈರತಿ ರಣಗಲ್' ಚಿತ್ರದಲ್ಲೂ ಪ್ರತಾಪ್ ಮುಖ್ಯ ಭೂಮಿಕೆಯಲ್ಲಿ ನಟಿಸಿದ್ದು, ಸಿನಿಮಾ ಇದೇ ನ. 15ರಂದು ತೆರೆಗೆ ಬರಲಿದೆ. ಪ್ರತಾಪ್ ಈ ಚಿತ್ರದಲ್ಲಿ ವಿಲನ್ ಶೇಡ್ ಇರುವ ಪೊಲೀಸ್ ಅಧಿಕಾರಿ ಪಾತ್ರದಲ್ಲಿ ಕಾಣಿಸಿಕೊಳ್ಳಲಿದ್ದು, "ನನಗೆ ಸಣ್ಣ ವಯಸ್ಸಿನಿಂದಲೂ ಪೊಲೀಸ್ ಆಗುವ ಆಸೆಯಿತ್ತು. ನಿಜ ಜೀವನದಲ್ಲಿ ಅದು ಸಾಧ್ಯವಾಗಲಿಲ್ಲ. ಆದರೆ, ಆ ಆಸೆಯನ್ನು ಸಿನಿಮಾದಲ್ಲಿ ನೆರವೇರಿಸಿಕೊಂಡಿದ್ದೇನೆ. ಪಾತ್ರ ತುಂಬ ಚೆನ್ನಾಗಿದೆ. ವಿಭಿನ್ನ ಅವತಾರದಲ್ಲಿ ನನ್ನನ್ನು ನೋಡಬಹುದು. ಶಿವಣ್ಣನಿಗೆ ಟಕ್ಕರ್ ಕೊಡುವ ಅಹಂಕಾರಿಯ ಪಾತ್ರ' ಎಂದು ಹೇಳಿಕೊಳ್ಳುತ್ತಾರೆ ಪ್ರತಾಪ್.
