ಜಗ್ಗೇಶ್ ಅವರು ಹೀಗೆ ಮಾಡಿದ ಬಳಿಕ ‘ಚಿತ್ರನಟನಿಂದ ಹುಡುಗಿಯ ಕಿಡ್ನಾಪ್’ ಎಂಬ ಸುದ್ದಿಗಳು ಪ್ರಕಟವಾದವು. ಇನ್ನು, ಈ ಅಪಹರಣದ ಕೇಸ್ ಸುಪ್ರೀಂ ಕೋರ್ಟ್ ಮೆಟ್ಟಿಲೇರಿತ್ತು. ಕೊನೆಗೂ, ಸುಪ್ರೀಂ ಕೋರ್ಟ್ ನಲ್ಲಿ ಜಗ್ಗೇಶ್-ಪರಿಮಳಾ ಪ್ರೀತಿಗೆ ಜಯ ಸಿಕ್ಕಿತು. ನಟ ಜಗ್ಗೇಶ್ ಅವರು, ''ಇಂದು ಪರಿಮಳನಿಗೆ ತಾಳಿ ಕಟ್ಟಿ 38ನೆ ವರ್ಷ. ಪರಿಮಳಚಾರ್ಯರು, ‘ಗುರುರಾಜ’, ‘ಯತಿರಾಜ’ ರಾಯರ ಸಂಬಂಧಿತ ನಾಮಾಂಕಿತ. ‘ಅರ್ಜುನ’ ಕೃಷ್ಣನ ಪ್ರಿಯ ಸಖ. ರಾಯರು ಕೃಷ್ಣನ ಪ್ರಿಯ ಸಖ. ಇಷ್ಟು ಹೆಸರನ್ನು ದಿನವೂ ಬಳಸಲು ರಾಯರು ನನ್ನ ಬದುಕಿಗೆ ನೀಡಿದ ದೇಣಿಗೆ. ಪರಿಮಳ ಮಡದಿ, ಗುರುರಾಜ ಯತಿರಾಜ ಮಕ್ಕಳು, ಅರ್ಜುನ ಮೊಮ್ಮಗ. ಶುಭ ಮಂಗಳವಾರ'', ಎಂದು ಟ್ವೀಟ್ ಮಾಡಿ ಒಂದು ವಿಡಿಯೋ ಜತೆಗೆ ಸಂತಸ ಶೇರ್ ಮಾಡಿಕೊಂಡಿದ್ದಾರೆ.
