ಆಮೀರ್ ಖಾನ್ ಎಲ್ಲಿ ಎಂಬ ಪ್ರಶ್ನೆಗೆ ಕೊನೆಗೂ ಉತ್ತರ ಸಿಕ್ಕಿತು

ಕಾರ್ಗಿಲ್​: ಒಂದು ಕಡೆ ಲಾಕ್​ಡೌನ್​ನಿಂದ ಬಾಲಿವುಡ್​ನಲ್ಲಿ ಚಿತ್ರೀಕರಣ ಚಟುವಟಿಕೆಗಳೆಲ್ಲ ಸ್ಥಗಿತವಾಗಿವೆ. ಚಿತ್ರೀಕರಣ ಇಲ್ಲದೆ, ಹಲವು ಕಲಾವಿದರು ಮತ್ತು ತಂತ್ರಜ್ಱರು ಸದ್ದಿಲ್ಲದೆ ಮನೆ ಸೇರಿಕೊಂಡಿದ್ದಾರೆ. ಯಾರ್ಯಾರು ಏನೇನು ಮಾಡುತ್ತಿದ್ದಾರೆ ಎಂಬ ಸುದ್ದಿ ಆಗಾಗ ಬರುತ್ತಿರುತ್ತದೆ. ಆದರೆ, ಆಮೀರ್​ ಖಾನ್​ ಮಾತ್ರ ಏನು ಮಾಡುತ್ತಿದ್ದಾರೆ ಎಂಬ ಪ್ರಶ್ನೆಗೆ ಇಷ್ಟು ದಿನ ಉತ್ತರ ಸಿಕ್ಕಿರಲಿಲ್ಲ.

ಇದನ್ನೂ ಓದಿ: ಕರೊನಾಗೆ ಬಲಿಯಾದ ಕವಿರತ್ನ ಕಾಳಿದಾಸ, ಅಂಜದ ಗಂಡು ನಿರ್ದೇಶಕ ರೇಣುಕಾ ಶರ್ಮಾ

ಹೌದು, ಬಾಲಿವುಡ್​ನಲ್ಲಿ ಏನೆಲ್ಲ ಬೆಳವಣಿಗೆಗಳಾದರೂ, ಆಮೀರ್​ ಖಾನ್​ ಸುದ್ದಿ ಇರಲಿಲ್ಲ. ಅವರೆಲ್ಲಿದ್ದಾರೆ, ಏನು ಮಾಡುತ್ತಿದ್ದಾರೆ ಎಂಬ ವಿಷಯ ಯಾರಿಗೂ ಗೊತ್ತಿರಲಿಲ್ಲ. ಅದೀಗ ಗೊತ್ತಾಗಿದೆ. ಆಮೀರ್​ ಖಾನ್​, ಒಂದಿಷ್ಟು ಜನರ ಜತೆಗೆ ಕಾರ್ಗಿಲ್​ನಲ್ಲಿ ಬೀಡುಬಿಟ್ಟಿದ್ದಾರೆ.

ಇಷ್ಟಕ್ಕೂ ಆಮೀರ್​ ಖಾನ್​, ಕಾರ್ಗಿಲ್​ನಲ್ಲಿ ಏನು ಮಾಡುತ್ತಿದ್ದಾರೆ ಎಂಬ ಪ್ರಶ್ನೆ ಸಹಜ. ಆಮೀರ್​ ಅಭಿನಯದ ಲಾಲ್​ ಸಿಂಗ್​ ಛಡ್ಡಾ ಚಿತ್ರಕ್ಕಾಗಿ ಅವರು ತಮ್ಮ ತಂಡದವರ ಜತೆಗೆ ಕಾರ್ಗಿಲ್​ಗೆ ಲೊಕೇಶನ್​ ನೋಡುವುದಕ್ಕೆ ಹೋಗಿದ್ದಾರಂತೆ. ಲಾಕ್​ಡೌನ್​ ಎಲ್ಲ ಮುಗಿದು, ಚಿತ್ರೀಕರಣಕ್ಕೆ ಅನುಮತಿ ಸಿಕ್ಕ ಮೇಲೆ ಅವರು ಕಾರ್ಗಿಲ್​ನಲ್ಲಿ ಒಂದಿಷ್ಟು ಮಹತ್ವದ ಭಾಗದ ಚಿತ್ರೀಕರಣ ಅಲ್ಲಿ ಮಾಡುವುದಕ್ಕೆ ಯೋಚಿಸಿದ್ದು, ಈ ಸಂಬಂಧ ಲೊಕೇಶನ್​ ಹುಡುಕುವುದಕ್ಕೆ ಹೋಗಿದ್ದಾರೆ.

ಇದನ್ನೂ ಓದಿ: ಸುದೀಪ್ ವಿಭೀಷಣ? ಆದಿಪುರುಷ್​ ಚಿತ್ರದಲ್ಲಿ ರಾವಣನ ಸಹೋದರ

ಅಂದಹಾಗೆ, ಲಾಲ್​ ಸಿಂಗ್​ ಛಡ್ಡಾ ಚಿತ್ರದ ಬಹುಳಷ್ಟು ಭಾಗದ ಚಿತ್ರೀಕರಣ ಮುಗಿದಿದೆ. ಎಲ್ಲ ಅಂದುಕೊಂಡಂತೆ ಆದರೆ, ಈ ವರ್ಷದ ಕೊನೆಯ ವಾರ ಚಿತ್ರವನ್ನು ಬಿಡುಗಡೆ ಮಾಡುವುದಕ್ಕೆ ಚಿತ್ರತಂಡ ಯೋಚಿಸಿದೆ. ಹಾಲಿವುಡ್​ನ ಫಾರೆಸ್ಟ್​ ಗಂಪ್​ನ ರೀಮೇಕ್​ ಆಗಿರುವ ಲಾಲ್​ ಸಿಂಗ್​ ಛಡ್ಡಾ ಚಿತ್ರದಲ್ಲಿ ಆಮೀರ್​ ಖಾನ್​ ಜತೆಗೆ, ಕರೀನಾ ಕಪೂರ್​, ನಾಗಚೈತನ್ಯ ಮುಂತಾದವರಿದ್ದು, ಶಾರೂಖ್​ ಖಾನ್​ ಅತಿಥಿ ಪಾತ್ರದಲ್ಲಿ ಕಾಣಿಸಿಕೊಳ್ಳುತ್ತಿದ್ದಾರೆ.

https://www.vijayavani.net/r-ileana-dcruz-goa-beauty-ileana-breaks-silence-on-pregnancy-news/