'21 ವರ್ಷದ' ಹರ್ನಾಜ್ ಭಾರತಕ್ಕೆ '21 ವರ್ಷಗಳ' ಬಳಿಕ 'ಮಿಸ್ ಯೂನಿವರ್ಸ್ 2021'ರ ಕಿರೀಟ ತಂದುಕೊಟ್ಟಿದ್ದು ನಿಜಕ್ಕೂ ಹೆಮ್ಮೆ ಎಂದ ಸಿನಿ ತಾರೆಯರು!

ಭಾರತದ ಕುವರಿ 21 ವರ್ಷದ ಹರ್ನಾಜ್ ಸಂಧು ಇವತ್ತು ಇಡೀ ವಿಶ್ವದ ಗಮನ ಸೆಳೆದಿದ್ದಾರೆ. ಲಿವಾ ಮಿಸ್ ದಿವಾ ಯೂನಿವರ್ಸ್ 2021 ಆದ ಹರ್ನಾಜ್ ಸಂಧು, ಭಾರತವನ್ನು ಪ್ರತಿನಿಧಿಸುವ ಹೊಸ ಮಿಸ್ ಯೂನಿವರ್ಸ್!. ಹೌದು, 80 ದೇಶಗಳ ಸ್ಪರ್ಧಿಗಳನ್ನು ಸೋಲಿಸಿ ಮಿಸ್ ಯೂನಿವರ್ಸ್ 2021ರ ಕಿರೀಟವನ್ನು ಮನೆಗೆ ತಂದ 21 ವರ್ಷದ ಮಾಡೆಲ್ ಇವರು. ಇದರಿಂದ, ಹರ್ನಾಜ್ ಸಂಧು ಭಾರತಕ್ಕೆ ಹೆಮ್ಮೆ ತಂದರು ಎಂದರೆ ತಪ್ಪಾಗುವುದಿಲ್ಲ. ಹರ್ನಾಜ್ ಅವರ ಈ ಗೆಲುವಿನೊಂದಿಗೆ, 1994ರಲ್ಲಿ ನಟಿ ಸುಶ್ಮಿತಾ ಸೇನ್ ಮತ್ತು 2000ರಲ್ಲಿ ನಟಿ ಲಾರಾ ದತ್ತಾ ಕಿರೀಟವನ್ನು ಗೆದ್ದ ನಂತರ ಹರ್ನಾಜ್ ಈಗ ಪ್ರಶಸ್ತಿಯನ್ನು ಗೆದ್ದ ಮೂರನೇ ಭಾರತೀಯರಾಗಿದ್ದಾರೆ. ಹರ್ನಾಜ್ ಅವರ ಈ ಅಪರೂಪದ ಗೆಲುವನ್ನು ಬಾಲಿವುಡ್ ಸೆಲೆಬ್ರಿಟಿಗಳು ಸಾಮಾಜಿಕ ಮಾಧ್ಯಮದಲ್ಲಿ ಸಂಭ್ರಮಿಸುತ್ತಿದ್ದಾರೆ.

1. ಮಾಜಿ ವಿಶ್ವ ಸುಂದರಿ, ಬಾಲಿವುಡ್ ಬೆಡಗಿ ನಟಿ ಪ್ರಿಯಾಂಕಾ ಚೋಪ್ರಾ ಅವರು, ''ಅಭಿನಂದನೆಗಳು @HarnaazSandhu03… 21 ವರ್ಷಗಳ ನಂತರ ಕಿರೀಟವನ್ನು ಮನೆಗೆ ತಂದಿದ್ದೀರಿ!'' ಎಂದು ತಮ್ಮ ಟ್ವಿಟರ್​ನಲ್ಲಿ ಪೋಸ್ಟ್ ಮಾಡಿದ್ದಾರೆ.

2. ನಟಿ ಕರೀನಾ ಕಪೂರ್ ಖಾನ್ ಅವರು ಹರ್ನಾಜ್ ಅವರ ಕಿರೀಟದ ಕ್ಷಣದ ಒಂದು ವಿಡಿಯೋವನ್ನು ಹಂಚಿಕೊಂಡು, "ಹೊಸದಾಗಿ ಕಿರೀಟವನ್ನು ಅಲಂಕರಿಸಿದ #MissUniverse @HarnaazSandhu_03 ಗೆ ಅಭಿನಂದನೆಗಳು", ಎಂದು ಪೋಸ್ಟ್ ಮಾಡಿದ್ದಾರೆ.

3. ನಟಿ ನೇಹಾ ಧೂಪಿಯಾ, "ಅಭಿನಂದನೆಗಳು @harnaazsandhu_30... ನೀವು ನಮ್ಮೆಲ್ಲರನ್ನು ತುಂಬಾ ಹೆಮ್ಮೆ ಪಡುವಂತೆ ಮಾಡಿದ್ದೀರಿ", ಎಂದು ಪೋಸ್ಟ್ ಮಾಡಿದ್ದಾರೆ.

4. ನಟ ನೀಲ್ ನಿತಿನ್ ಮುಖೇಶ್ ಅವರು ಫಿನಾಲೆಯಿಂದ ಹರ್ನಾಜ್ ಅವರ ಚಿತ್ರವೊಂದನ್ನು ಹಂಚಿಕೊಂಡು "ಬಿಗ್ ವಿನ್ @harnaazSandhu_03 ಗೆ ಅಭಿನಂದನೆಗಳು" ಎಂದು ಕ್ಯಾಪ್ಷನ್ ನೀಡಿದ್ದಾರೆ.

5. ಮಾಜಿ ಮಿಸ್ ಯೂನಿವರ್ಸ್ ಲಾರಾ ದತ್ತಾ ಅವರು ಹರ್ನಾಜ್ ಅನ್ನು ಟ್ವೀಟ್‌ ಮೂಲಕ ಅಭಿನಂದಿಸಿದ್ದಾರೆ. ''ಅಭಿನಂದನೆಗಳು, @HarnaazSandhu03! ಇದಕ್ಕಾಗಿ ನಾವು 21 ವರ್ಷಗಳ ಕಾಲ ಕಾಯುತ್ತಿದ್ದೆವು! ನೀವು ನಮ್ಮನ್ನು ತುಂಬಾ ಹೆಮ್ಮೆಪಡಿಸಿದ್ದೀರಿ!'' ಎಂದು ಬರೆದಿದ್ದಾರೆ.

ಹೀಗೆ, ನಟಿ ಶಿಲ್ಪಾ ಶೆಟ್ಟಿ ಸೇರಿದಂತೆ ಹಲವಾರು ಸೆಲೆಬ್ರಿಟಿಗಳು 21 ವರ್ಷದ ಹರ್ನಾಜ್ ಸಂಧುಗೆ ಶುಭಾಶಯಗಳನ್ನು ತಿಳಿಸಿದ್ದಾರೆ. ಏತನ್ಮಧ್ಯೆ, ಚಂಡೀಗಢ ಮೂಲದ ಹರ್ನಾಜ್ ಅವರು ನಿಜವಾದ ದೇಸಿ ಶೈಲಿಯಲ್ಲಿ "ಚಕ್ ದೇ ಫಟ್ಟೇ, ಇಂಡಿಯಾ!'' ಎಂದು ಹೇಳುತ್ತಾ ತಮ್ಮ ಅಪರೂಪದ ಈ ಗೆಲುವನ್ನು ಸಂಭ್ರಮಿಸಿದರು. ವಿಡಿಯೋ ಒಂದರಲ್ಲಿ ಸಂಧು, "ಇಡೀ ವಿಶ್ವಕ್ಕೆ ನಮಸ್ತೆ. ಮೊದಲ ದಿನದಿಂದ ನನ್ನನ್ನು ಬೆಂಬಲಿಸಿದ್ದಕ್ಕಾಗಿ ಪ್ರತಿಯೊಬ್ಬರಿಗೂ ತುಂಬಾ ಧನ್ಯವಾದಗಳು. ಯಾವಾಗಲೂ ನನ್ನನ್ನು ನಂಬಿ ಮತ್ತು ನನಗೆ ಸಹಾಯ ಮಾಡಿದ ಎಲ್ಲರಿಗೂ ಮತ್ತೆ ಧನ್ಯವಾದಗಳು ಮತ್ತು ಎಲ್ಲರನ್ನು ಪ್ರೀತಿಸುತ್ತೇನೆ.", ಎಂದು ಗೆಲುವಿನ ನಂತರ ತಮ್ಮ ಮೊದಲ ಸಂದೇಶವನ್ನು ಎಲ್ಲರಿಗೂ ನೀಡಿದ್ದಾರೆ. ಜೊತೆಗೆ, ಈಗ #CongratulationsHarnaazSandhu ಎಂಬ ಹ್ಯಾಶ್​​ಟ್ಯಾಗ್ ಟ್ವಿಟರ್​ನಲ್ಲಿ ಟ್ರೆಂಡಿಂಗ್ ಆಗಿದೆ.

https://www.vijayavani.net/raj-b-shetty-in-colorful-song-ala-naveena/

https://www.vijayavani.net/actress-rashmika-gave-reason-to-not-dubbing-for-pushpa/