ಪ್ರಥಮ ಬಾರಿಗೆ ಸಾಲ ಪಡೆಯುವವರಿಗೆ ಸಿಬಿಲ್​ ಕಡ್ಡಾಯವಲ್ಲ! ಲೋಕಸಭೆಯಲ್ಲಿ ಈ ವಿಷಯ ಚರ್ಚೆ, 'ಕೇಂದ್ರ'ದಿಂದ ಸ್ಪಷ್ಟತೆ | CIBIL Score

CIBIL Score: ಬ್ಯಾಂಕುಗಳಿಂದ ಸಾಲ ಪಡೆಯಲು ಈಗ ಸಿಬಿಲ್​ ಸ್ಕೋರ್ ಕಡ್ಡಾಯ ನಿಯಮವಾಗಿದೆ. ಹೀಗಾಗಿ, ಜನರು ಕೂಡ ತಮ್ಮ ಸಿಬಿಲ್ ಅಂಕಿಯನ್ನು 700ರ ಆಸುಪಾಸಿನಲ್ಲಿ ಕಾಪಾಡಿಕೊಳ್ಳುವುದು ಅನಿವಾರ್ಯವಾಗಿದೆ. ಅಕಸ್ಮಾತ್​, ಈ ಸಂಖ್ಯೆ ಕಡಿಮೆಯಾದರೆ ಬ್ಯಾಂಕಿನಲ್ಲಿ ಸಾಲಗಳು ಸಿಗುವುದು ಕಷ್ಟವಾಗಲಿದೆ. ಇನ್ನು ಕೆಲವೊಮ್ಮೆ ಸಿಗುವುದೇ ಇಲ್ಲ. ನೇರವಾಗಿ ಸಾಲದ ಅರ್ಜಿಯನ್ನು ತಿರಸ್ಕರಿಸಲಾಗುತ್ತದೆ. ಆದಾಗ್ಯೂ, ಅನೇಕರು ಸಿಬಿಲ್​ ಸ್ಕೋರ್ ಹೊಂದದ ಕಾರಣ, ಬ್ಯಾಂಕುಗಳು ಸಾಲ ನೀಡಲು ಹಿಂಜರಿಯುತ್ತಿವೆ. ಈ ಸಮಯದಲ್ಲಿ, ಕೇಂದ್ರ ಸರ್ಕಾರವು ಅಂತವರಿಗೆ ಸಿಹಿ ಸುದ್ದಿಯನ್ನೇ ಕೊಟ್ಟಿದೆ.

ಇದನ್ನೂ ಓದಿ: ೩.೨೭ ಕೋಟಿ ರೂ. ಲಾಭ ಗಳಿಕೆ – ಪುಣಚ ಸಹಕಾರಿ ಮಹಾಸಭೆಯಲ್ಲಿ ಅಮೈ ಜನಾರ್ದನ ಭಟ್ ಮಾಹಿತಿ – ಸದಸ್ಯರಿಗೆ ಶೇ.೧೧ ಡಿವಿಡೆಂಡ್

ಸಿಬಿಲ್​ ಸ್ಕೋರ್ ಹೊಂದಿರಲೇಬೇಕು ಎಂದೇನಿಲ್ಲ

ಕ್ರೆಡಿಟ್ ಸ್ಕೋರ್ ಇಲ್ಲದೆ ನಾನು ಸಾಲ ಪಡೆಯಬಹುದೇ? ಎಂಬ ಅನುಮಾನ ಗೊಂದಲ ಅನೇಕರದ್ದು. ಇಂತಹ ಗೊಂದಲಗಳನ್ನು ಬಗೆಹರಿಸಲು ಕೇಂದ್ರ ಸರ್ಕಾರವು ಸಾಲಗಳು ಮತ್ತು ಸಿಬಿಲ್​ ಸ್ಕೋರ್‌ನಂತಹ ವಿಷಯಗಳ ಕುರಿತು ಪ್ರಮುಖ ವಿಚಾರವನ್ನು ಚರ್ಚಿಸಿದೆ. ಈ ಬಗ್ಗೆ ಲೋಕಸಭೆಯಲ್ಲಿ ಮಾತನಾಡಿದ ಹಣಕಾಸು ರಾಜ್ಯ ಸಚಿವ ಪಂಕಜ್ ಚೌಧರಿ, "ಮೊದಲ ಬಾರಿಗೆ ಸಾಲ ಪಡೆಯುವವರು ಕನಿಷ್ಠ ಸಿಬಿಲ್​ ಸ್ಕೋರ್ ಹೊಂದಿರಲೇಬೇಕು ಎಂದೇನಿಲ್ಲ. ಇದರ ಅಗತ್ಯವಿಲ್ಲ" ಎಂದಿದ್ದಾರೆ. "ಆರ್​ಬಿಐ ಮಾರ್ಗಸೂಚಿಗಳನ್ನು ಉಲ್ಲೇಖಿಸಿ, ಕ್ರೆಡಿಟ್ ಸ್ಕೋರ್ ಇಲ್ಲದಿದ್ದರೂ ಸಹ ಬ್ಯಾಂಕುಗಳು ಸಾಲವನ್ನು ನೀಡಲಿದೆ. ಅರ್ಜಿಗಳನ್ನು ತಿರಸ್ಕರಿಸುವುದಿಲ್ಲ" ಎಂದು ಸ್ಪಷ್ಟಪಡಿಸಿದ್ದಾರೆ.

ಬ್ಯಾಂಕ್​ಗಳಿಗೂ ಸ್ಪಷ್ಟನೆ

ಮಾತು ಮುಂದುವರಿಸಿದ ಅವರು, "ಮೊದಲ ಬಾರಿಗೆ ಸಾಲ ಪಡೆಯುವವರಿಗೆ ಸಿಬಿಲ್ ಅಂಕಿ ಉಪಯುಕ್ತವಲ್ಲ. ಸ್ಕೋರ್ ಕಡ್ಡಾಯವಲ್ಲದಿದ್ದರೂ ಬ್ಯಾಂಕುಗಳು ಅರ್ಜಿದಾರರ ಹಿನ್ನೆಲೆ, ವಹಿವಾಟುಗಳನ್ನು ಪರಿಶೀಲಿಸಬೇಕು. ಇದು ಕ್ರೆಡಿಟ್ ಇತಿಹಾಸ, ಸಾಲ ಮರುಪಾವತಿ ವಿವರಗಳು, ಪುನರ್ರಚನೆ ಮತ್ತು ಬರವಣಿಗೆಗಳಂತಹ ಅಂಶಗಳನ್ನು ಒಳಗೊಂಡಿರಬೇಕು" ಎಂದು ಒತ್ತಿ ಹೇಳಿದರು.

ಇದನ್ನೂ ಓದಿ: ಭಾರಿ ಮಳೆಗೆ ಸೃಷ್ಟಿಯಾಯ್ತು 2 ಕಿ.ಮೀ ಉದ್ದದ ಕುಳಿ: 2 ದೇವಸ್ಥಾನ, ಮನೆಗಳನ್ನು ನುಂಗಿದ ಮಿನಿ ಜಲಪಾತ! Heavy Rain

ಆರ್​ಬಿಐ ಏನು ಹೇಳುತ್ತೆ?

ಸಿಬಿಲ್ ಸ್ಕೋರ್ 300ರಿಂದ 900ರ ನಡುವಿನ ಮೂರು ಅಂಕಿಯ ಸಂಖ್ಯೆಯಾಗಿದೆ. ಇದು ಆಯಾ ವ್ಯಕ್ತಿಯ ಕ್ರೆಡಿಟ್ ಅರ್ಹತೆಯನ್ನು ಸೂಚಿಸುತ್ತದೆ. ಆದಾಗ್ಯೂ, ಆರ್​ಬಿಐ ಮಾರ್ಗಸೂಚಿಗಳ ಪ್ರಕಾರ, ಕ್ರೆಡಿಟ್ ಸ್ಕೋರ್ ವಿವರಗಳನ್ನು ಒದಗಿಸಲು ಕ್ರೆಡಿಟ್ ಬ್ಯೂರೋಗಳು ಬಳಕೆದಾರರಿಂದ 100ಕ್ಕಿಂತ ಹೆಚ್ಚು ಶುಲ್ಕ ವಿಧಿಸಬಾರದು. ಆರ್​ಬಿಐ ತನ್ನ ಮಾರ್ಗಸೂಚಿಗಳಲ್ಲಿ ಪ್ರತಿಯೊಬ್ಬ ವ್ಯಕ್ತಿಗೂ ವರ್ಷಕ್ಕೊಮ್ಮೆ ಸಂಪೂರ್ಣ ಕ್ರೆಡಿಟ್ ವರದಿಯನ್ನು ಉಚಿತವಾಗಿ ನೀಡಬೇಕು ಎಂದು ತಿಳಿಸಿದೆ,(ಏಜೆನ್ಸೀಸ್).

https://www.vijayavani.net/to-stop-alcohol-addiction-try-these-remedies