ಕ್ರಿಸ್ ಗೇಲ್​ಗೆ ನಿಷೇಧ ಸಾಧ್ಯತೆ ವೃತ್ತಿಜೀವನ ಕೊನೆಯಾಗುವ ಭೀತಿ!

ಕಿಂಗ್​ಸ್ಟನ್: ಕೆರಿಬಿಯನ್ ಪ್ರೀಮಿಯರ್ ಲೀಗ್ (ಸಿಪಿಎಲ್) ಟಿ20 ಟೂರ್ನಿಯ ತಂಡದಿಂದ ವರ್ಗಾವಣೆ ವಿಚಾರದಲ್ಲಿ ಮಾಜಿ ಸಹ-ಆಟಗಾರ ರಾಮ್ರೇಶ್ ಸರ್ವಾನ್ ಮೇಲೆ ವಾಗ್ದಾಳಿ ನಡೆಸಿದ್ದ ಸ್ಪೋಟಕ ಬ್ಯಾಟ್ಸ್​ಮನ್ ಕ್ರಿಸ್ ಗೇಲ್​ಗೆ ಶಿಕ್ಷೆಯನ್ನು ವಿಧಿಸಲು ವೆಸ್ಟ್ ಇಂಡೀಸ್ ಕ್ರಿಕೆಟ್ ಮಂಡಳಿ (ಸಿಡಬ್ಲ್ಯುಐ) ಮುಂದಾಗಿದೆ. ಒಂದು ವೇಳೆ ನಿಷೇಧಕ್ಕೆ ಒಳಗಾದರೆ ಗೇಲ್ ವೃತ್ತಿಜೀವನವೇ ಕೊನೆಗೊಳ್ಳುವ ಭೀತಿಯೂ ಎದುರಾಗಿದೆ.

ಇದನ್ನೂ ಓದಿ: ಅಭಿವೃದ್ಧಿ ಕಾರ್ಯಗಳಿಗೆ ಚಾಲನೆ ನೀಡಲು ರಾಜ್ಯ ಸರ್ಕಾರದ ಮುಖ್ಯ ಕಾರ್ಯದರ್ಶಿ ಟಿ.ಎಂ. ವಿಜಯಭಾಸ್ಕರ್ ಸೂಚನೆ

40 ವರ್ಷದ ಗೇಲ್ ಈ ವರ್ಷದ ಸಿಪಿಎಲ್​ಗೆ ಸೇಂಟ್ ಲೂಸಿಯಾ ಜೌಕ್ಸ್ ತಂಡವನ್ನು ಕೂಡಿ ಕೊಂಡಿದ್ದಾರೆ. ಈ ಹಿಂದಿನ ಜಮೈಕಾ ಟಲ್ಲವಾಹ್ಸ್ ನಿಂದ ಹೊರಬೀಳಲು ತಂಡದ ಸಹಾಯಕ ಕೋಚ್ ರಾಮ್ರೇಶ್ ಸರ್ವಾನ್ ಕುತಂತ್ರ ಕಾರಣ ಎಂದು ದೂರಿದ್ದ ಗೇಲ್, ‘ಕರೊನಾ ವೈರಸ್​ಗಿಂತಲೂ ಸರ್ವಾನ್ ಕೆಟ್ಟವ’ ಎಂದು ಜರಿದಿದ್ದರು. ಆದರೆ, ಗೇಲ್​ರನ್ನು ವಾಣಿಜ್ಯ ಕಾರಣಕ್ಕಾಗಿ ಮಾತ್ರ ಕೈಬಿಡಲಾಗಿದೆ ಎಂದು ಜಮೈಕಾ ತಂಡದ ಮ್ಯಾನೇಜ್​ವೆುಂಟ್ ಸ್ಪಷ್ಟಪಡಿಸಿತ್ತು.

‘ಗೇಲ್ ಸಾರ್ವಜನಿಕವಾಗಿ ನೀಡಿರುವ ಹೇಳಿಕೆಗಳಿಂದ ಸಿಪಿಎಲ್​ಗೆ ಕೆಟ್ಟ ಹೆಸರು ತಂದಂತಾಗಿದೆ. ವೆಸ್ಟ್ ಇಂಡೀಸ್ ಕ್ರಿಕೆಟ್​ಗೂ ಇದು ಉತ್ತಮ ಬೆಳವಣಿಗೆ ಅಲ್ಲ. ಸಿಪಿಎಲ್ ನೀತಿಸಂಹಿತೆಯ ಅನ್ವಯ ಆಟಗಾರರು ಟೂರ್ನಿಗೆ ಅಪಕೀರ್ತಿ ತಂದರೆ ಶಿಕ್ಷೆಗೆ ಅರ್ಹರು’ ಎಂದು ಸಿಡಬ್ಲ್ಯುಐ ಮುಖ್ಯಸ್ಥ ರಿಕಿ ಸ್ಕೆರಿಟ್ ಹೇಳಿದ್ದಾರೆ. 1990ರ ದಶಕದಲ್ಲಿ ಗೇಲ್-ಸರ್ವಾನ್ ಇಬ್ಬರೂ ಜತೆಜತೆಯಲ್ಲೇ ವೃತ್ತಿಜೀವನ ಆರಂಭಿಸಿದ್ದರು. ಆದರೆ ಈಗ ಸ್ನೇಹ ಉಳಿದಿಲ್ಲ ಎಂದೂ ಗೇಲ್ ಹೇಳಿದ್ದರು.

https://www.vijayavani.net/fifa-world-cup-re-scheduled/