ಅಮೆರಿಕಾದಲ್ಲಿ 'ಚೌಕಾಬಾರ'; ಮಾರ್ಚ್​ 24ರಿಂದ ಪ್ರದರ್ಶನ

ಬೆಂಗಳೂರು: ವಿಕ್ರಂ ಸೂರಿ ನಿರ್ದೇಶನದ 'ಚೌಕಾಬಾರ' ಚಿತ್ರವು ಎರಡು ವಾರಗಳ ಹಿಂದಷ್ಟೇ ಕರ್ನಾಟಕದಲ್ಲಿ ಬಿಡುಗಡೆಯಾಗಿತ್ತು. ಈಗ ಚಿತ್ರ ಅಮೆರಿಕಾದಲ್ಲಿ ಬಿಡುಗಡೆಯಾಗುವುದಕ್ಕೆ ಸಜ್ಜಾಗಿದೆ.

ಇದನ್ನೂ ಓದಿ: ‘ಕಾಟೇರ’ ಚಿತ್ರದಲ್ಲಿ ಮಾಲಾಶ್ರೀ ಮಗಳು ಹೀಗೆ ಕಾಣ್ತಾರೆ ನೋಡಿ …

'ಚೌಕಾಬಾರ' ಚಿತ್ರವು ಅಮೆರಿಕಾದಲ್ಲಿ ಶುಕ್ರವಾರ (ಮಾರ್ಚ್ 24) ಬಿಡುಗಡೆಯಾಗುತ್ತಿದೆ. ಕ್ಯಾಲಿಫೋರ್ನಿಯ, ಫ್ಲೋರಿಡಾ, ಟೆಕ್ಸಸ್, ವಾಷಿಂಗ್ಟನ್ ಮುಂತಾದ ಕಡೆ 11 ಪ್ರದರ್ಶನ ಕಾಣಲಿವೆ. ವಿಕ್ರಂ ಸೂರಿ ಮತ್ತು ನಿರ್ಮಾಪಕಿ-ನಾಯಕಿ ನಮಿತಾ ರಾವ್​ ಬುಧವಾರ ಅಮೆರಿಕಾಗೆ ಪ್ರಯಾಣ ಮಾಡಲಿದ್ದಾರೆ.

ಹಲವು ವರ್ಷಗಳಿಂದ ರಂಗಭೂಮಿ, ಕಿರುತೆರೆ ಹಾಗೂ ಹಿರಿತೆರೆಗಳಲ್ಲಿ ಸಕ್ರಿಯರಾಗಿರುವ ನಮಿತಾರಾವ್ ಹಾಗೂ ವಿಕ್ರಮ್ ಸೂರಿ ದಂಪತಿಯ ಕನಸಿನ ಕೂಸು ಈ 'ಚೌಕಾಬಾರ'. 'ಚೌಕಾಬಾರ' ಚಿತ್ರವನ್ನು ವಿಕ್ರಮ್​ ಸೂರಿ ನಿರ್ದೇಶನ ಮಾಡಿದರೆ, ನಮಿತಾ ರಾವ್ ಈ ಚಿತ್ರದಲ್ಲಿ ನಾಯಕಿಯಾಗಿ ನಟಿಸುವುದರ ಜತೆಗೆ ನವಿನಿರ್ಮಿತಿ ಎಂಬ ಸಂಸ್ಥೆಯಡಿ ಈ ಚಿತ್ರವನ್ನು ನಿರ್ಮಾಣ ಮಾಡಿದ್ದಾರೆ.

ನಮಿತಾ ರಾವ್ ಜತೆಗೆ ವಿಹಾನ್ ಪ್ರಭಂಜನ್, ಕಾವ್ಯ ರಮೇಶ್, ಸುಜಯ್ ಹೆಗಡೆ, ಸಂಜಯ್ ಸೂರಿ, ಪ್ರಥಮ ಪಸಾದ್ ಮುಂತಾದವರ ಅಭಿನಯಿಸಿರುವ ಈ ಚಿತ್ರವು ಮಣಿರಾವ್ ಅವರ ಕಾದಂಬರಿಯನ್ನು ಆಧರಿಸಿದ್ದು, ನಟಿ ರೂಪಾ ಪ್ರಭಾಕರ್​ ಸಂಭಾಷಣೆ ರಚಿಸಿದ್ದಾರೆ.

ಇದನ್ನೂ ಓದಿ: ‘ಲೈಫ್​ ಅಂದ್ರೆ ಗೇಮು, ಹಿಡಿಯೋ ಲಗಾಮು’ … ‘ಬ್ಯಾಡ್​ ಮ್ಯಾನರ್ಸ್​’ ಟೈಟಲ್​ ಸಾಂಗ್​ ಬಿಡುಗಡೆ

'ಚೌಕಾಬಾರ' ಚಿತ್ರಕ್ಕೆ ಅಶ್ವಿನ್ ಪಿ ಕುಮಾರ್ ಸಂಗೀತ ಸಂಗೀತ, ರವಿರಾಜ್​ ಛಾಯಾಗ್ರಹಣವಿದ್ದು, ಎಚ್​.ಎಸ್​. ವೆಂಕಟೇಶಮೂರ್ತಿ ಮತ್ತು ಬಿ.ಆರ್​. ಲಕ್ಷ್ಮಣ ರಾವ್​ ಹಾಡುಗಳನ್ನು ಬರೆದಿದ್ದಾರೆ.

https://www.vijayavani.net/rashmika-mandanna-no-longer-wants-to-do-saami-saami-step-says-i-will-have-issues-with-my-back/