ಚೀನಾದಲ್ಲಿ ಉದ್ಯೋಗಿಗಳಿಗೆ ಜೀವಂತ ಹುಳು ತಿನ್ನುವ ಶಿಕ್ಷೆ: ಕಾರಣ ಕೇಳಿದ್ರೆ ಬೆರಗಾಗ್ತೀರಾ!

ಬೀಜಿಂಗ್​: ಮಹಾಮಾರಿ ಕರೊನಾ ವೈರಸ್​ನಿಂದ ಇಡೀ ಜಗತ್ತೇ ತತ್ತರಿಸಿದೆ. ಆರ್ಥಿಕ ಬಿಕ್ಕಟ್ಟಿನಿಂದ ಅನೇಕರು ಉದ್ಯೋಗವನ್ನು ಕಳೆದುಕೊಂಡಿದ್ದಾರೆ. ಆದರೆ, ಚೀನಾದ ಕಂಪನಿಯೊಂದು ಇದೆಲ್ಲವನ್ನೂ ಮರೆತು ತನ್ನ ಉದ್ಯೋಗಿಗಳಿಗೆ ಅಸಹ್ಯಕರವಾದ ಶಿಕ್ಷೆಯನ್ನು ನೀಡುವ ಮೂಲಕ ಕೆಂಗಣ್ಣಿಗೆ ಗುರಿಯಾಗಿದೆ.

ಇದನ್ನೂ ಓದಿ: ನಿಶ್ವಿಕಾ ಜತೆ ಲಾಕ್​ಡೌನ್ ಮಾತುಕಥೆ

ಮಾರಾಟದ ಗುರಿಯನ್ನು (Sales Goals) ಸಾಧಿಸಲು ವಿಫಲವಾದ ಉದ್ಯೋಗಿಗಳಿಗೆ ಜೀವಂತ ಹುಳುಗಳನ್ನು ತಿನ್ನುವ ಶಿಕ್ಷೆಯನ್ನು ಕಂಪನಿಯೊಂದು ವಿಧಿಸಿದೆ. ಇಡೀ ಜಗತ್ತು ವೈರಸ್​ಗೆ ನಲುಗಿದ್ದರೂ ಚೀನಾ ಕಂಪನಿ ಮಾತ್ರ ಇನ್ನು ಬುದ್ಧಿ ಕಲಿತಂತೆ ಕಾಣುತ್ತಿಲ್ಲ.

ಇದಕ್ಕೆ ಸಂಬಂಧಿಸಿದ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದ್ದು, ವಿಡಿಯೋದಲ್ಲಿ ಉದ್ಯೋಗಿಯೋರ್ವಳು ಬಾಯಿಗೆ ಜೀವಂತ ಹುಳುವನ್ನು ಹಾಕಿಕೊಂಡು ನೀರು ಕುಡಿದು ನುಂಗುತ್ತಿರುವ ದೃಶ್ಯವಿದೆ. ಇನ್ನೊರ್ವಳು ಮನಸ್ಸಿಲ್ಲದಿದ್ದರೂ ಹುಳುವನ್ನು ತಿನ್ನುತ್ತಿರುವ ದೃಶ್ಯ ವಾಕರಿಕೆ ಬರುವಂತಿದೆ.

ಇದನ್ನೂ ಓದಿ: ವೈದ್ಯ ಸಿಬ್ಬಂದಿ ಕಾರ್ಯ ನೋಡಿ ನನಗೂ ಧೈರ್ಯ ಬಂತು: ಕರೊನಾ ಜಯಿಸಿದ ಪೇದೆ ಗುರುಮೂರ್ತಿ ಮಾತು

ಕೇವಲ ಜೀವಂತ ಹುಳುಗಳನ್ನು ತಿನ್ನುವುದು ಮಾತ್ರವಲ್ಲ ಶೌಚಗೃಹ ತೊಳೆಯುವ ಶಿಕ್ಷಯನ್ನು ನಮಗೆ ನೀಡಲಾಯಿತು ಎಂದು ಸಂತ್ರಸ್ತರೊಬ್ಬರು ಸ್ಥಳೀಯ ಮಾಧ್ಯಮಗಳಿಗೆ ಹೇಳಿಕೊಂಡಿದ್ದಾರೆ.

ಈ ಬಗ್ಗೆ ಮಾತನಾಡಿರುವ ಕಂಪನಿಯ ಮ್ಯಾನೇಜರ್​, ಇದು ಹೊಸ ಶಿಸ್ತಿನ ನೀತಿಗಳಾಗಿದ್ದು, ಇದಕ್ಕೆ ಕಂಪನಿಯ ಎಲ್ಲ ಉದ್ಯೋಗಿಗಳ ಸಹಮತವಿದೆ ಎಂದು ಸ್ಪಷ್ಟನೆ ನೀಡಿದ್ದಾರೆ. ಆದರೆ, ಸ್ಥಳೀಯ ಅಧಿಕಾರಿಗಳು ಈ ಬಗ್ಗೆ ತನಿಖೆ ನಡೆಸಲಾಗುವುದು ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಚಿಗುರಲ್ಲೇ ಚಿವುಟಲು ಸಿಎಂ ತಂತ್ರ: ಮಾತು-ಕತೆ ಮೂಲಕ ಭಿನ್ನಮತ ಬಗೆಹರಿಸಲು ಬಿಎಸ್​ವೈ ಯತ್ನ

ವಿಡಿಯೋವನ್ನು ಕಳೆದ ಸೋಮವಾರ ನೈರುತ್ಯ ಚೀನಾದ ಗ್ಯುಜೌ ಪ್ರಾಂತ್ಯದಲ್ಲಿನ ಬಿಜಿ ಹೆಸರಿನ ಒಳಂಗಾಣ ವಿನ್ಯಾಸ ಕಂಪನಿಯಲ್ಲಿ ಚಿತ್ರೀಕರಿಸಲಾಗಿದೆ ಎಂದು ತಿಳಿದುಬಂದಿದೆ. ಕಂಪನಿಯ ಸೇಲ್ಸ್​ ಟೀಮ್​ ಸದಸ್ಯರು ಶಿಕ್ಷೆ ನೀಡುವ ಸಂದರ್ಭದಲ್ಲಿ ವಿಡಿಯೋ ರೆಕಾರ್ಡ್​ ಮಾಡಿ ಹರಿಬಿಟ್ಟಿದ್ದಾರೆ. ಸಾಮಾಜಿಕ ಜಾಲತಾಣದಲ್ಲಿ ತೀವ್ರ ಆಕ್ಷೇಪವು ಸಹ ವ್ಯಕ್ತವಾಗುತ್ತಿದೆ. (ಏಜೆನ್ಸೀಸ್​)

https://www.vijayavani.net/son-murder-mother-assualt-father-koppal/